លក្ខខណ្ឌផ្សេងៗ

ការផ្សព្វផ្សាយ "Reignite with IE" ("ការផ្សព្វផ្សាយ")

1. តាមរយៈការប្រគល់កញ្ចប់ទំនិញជាមួយគណនី FedEx Express ដែលមានចែងក្នុងអ៊ីមែលអញ្ជើញ ("អ៊ីមែលអញ្ជើញ") នៃការផ្សព្វផ្សាយ អ្នកនឹងត្រូវបានចាត់ទុកថាទទួលយកលក្ខខណ្ឌទាំងនេះ។

2. រយៈពេលនៃការផ្សព្វផ្សាយ ("រយៈពេលនៃការផ្សព្វផ្សាយ")

ការផ្សព្វផ្សាយនេះចាប់ផ្តើមនៅថ្ងៃទី 07 ខែសីហា ឆ្នាំ 2023 វេលាម៉ោង 12:00 ព្រឹក (ម៉ោងនៅប្រទេសកម្ពុជា) ហើយនឹងបញ្ចប់នៅថ្ងៃទី 31 ខែតុលា ឆ្នាំ 2023 វេលាម៉ោង 11:59 យប់ (ម៉ោងនៅប្រទេសកម្ពុជា)។

3. ការចូលរួមក្នុងការផ្សព្វផ្សាយ

ការចូលរួមក្នុងការផ្សព្វផ្សាយនេះគឺអនុញ្ញាតសម្រាប់ម្ចាស់គណនី FedEx Express ដែលមានស្រាប់ ដែលបានទទួលអ៊ីមែលអញ្ជើញ ("អ្នកចូលរួម")។

4. ម្ចាស់គណនីជាសាច់ប្រាក់មិនមានសិទ្ធិទទួលបានការផ្តល់ជូនពិសេសនេះទេ។

5. អ្នកចូលរួមដែលបានទទួលអ៊ីមែលអញ្ជើញ នឹងត្រូវធ្វើការចុះឈ្មោះក្នុងការផ្ដល់ជូនពិសេសនេះ ហើយបញ្ជាក់ពីជម្រើសនៃរង្វាន់របស់ពួកគេ។

6. ប្រសិនបើអ្នកចូលរួមគឺជាម្ចាស់គណនីអាជីវកម្ម FedEx Express បុគ្គលម្នាក់អាចត្រូវបានតែងតាំងជាអ្នកតំណាងរបស់ខ្លួន (“អ្នកតំណាងដែលត្រូវបានតែងតាំង”) ហើយចូលរួមដោយតំណាងឱ្យអ្នកចូលរួម មិនមែនតំណាងឱ្យខ្លួនរបស់ពួកគេទេ។ សម្រាប់អ្នកចូលរួមម្នាក់ អាចត្រូវបានអនុញ្ញាតឱ្យតែងតាំងតែអ្នកតំណាងម្នាក់តែប៉ុណ្ណោះ។

7. អ្នកដែលមានអាយុក្រោម 18 ឆ្នាំ ត្រូវតែទទួលបានការអនុញ្ញាតជាមុនពីឪពុកម្តាយឬអាណាព្យាបាលដែលមានអាយុលើសពី 18 ឆ្នាំ ដើម្បីចូលរួម។

8. ប្រសិនបើអ្នកចូលរួមមិនចង់ឱ្យព័ត៌មានផ្ទាល់ខ្លួនរបស់ពួកគេត្រូវបានប្រើប្រាស់ដោយ FedEx Express សម្រាប់សកម្មភាពផ្សព្វផ្សាយបន្ថែម ឬការធ្វើទីផ្សារផ្ទាល់ អ្នកចូលរួមអាចចុចលើតំណឈប់ជាវនៅផ្នែកខាងក្រោមនៃការជូនដំណឹងតាមអ៊ីមែលរបស់ FedEx Express ឬហៅទូរស័ព្ទទៅផ្នែកសេវាអតិថិជន FedEx Express តាមរយៈលេខទូរស័ព្ទ +85523923339 ។

រង្វាន់៖ ការជ្រើសរើស និងការជូនដំណឹងអំពីអ្នកទទួលរង្វាន់

9. អ្នកចូលរួមដែលបានចុះឈ្មោះក្នុងការផ្សព្វផ្សាយនេះ ហើយដឹកជញ្ជូនកញ្ចប់ទំនិញដែលមានសិទ្ធិក្នុងអំឡុងពេលនៃការផ្សព្វផ្សាយ នឹងទទួលបានប័ណ្ណអេឡិចត្រូនិកសម្រាប់ដឹកជញ្ជូនទំនិញជាមួយ FedEx ឬ ប័ណ្ណទិញទំនិញ ក្នុងចំនួនទឹកប្រាក់ដែលត្រូវគ្នាទៅនឹងគោលដៅដឹកជញ្ជូនដែលមានចែងក្នុងអ៊ីមែលអញ្ជើញ។

i. អ្នកចូលរួមដែលសម្រេចបាននូវគោលដៅដឹកជញ្ជូនលំដាប់ថ្នាក់ទី 1 ដែលមានចែងក្នុងអ៊ីមែលអញ្ជើញ នឹងទទួលបានប័ណ្ណអេឡិចត្រូនិកសម្រាប់ដឹកជញ្ជូនទំនិញ ឬប័ណ្ណទិញទំនិញ ដែលមានតម្លៃ KHR 80,000 ។

ii. អ្នកចូលរួមដែលសម្រេចបាននូវគោលដៅដឹកជញ្ជូនលំដាប់ថ្នាក់ទី 2 ដែលមានចែងក្នុងអ៊ីមែលអញ្ជើញ នឹងទទួលបានប័ណ្ណអេឡិចត្រូនិកសម្រាប់ដឹកជញ្ជូនទំនិញ ឬប័ណ្ណទិញទំនិញ ដែលមានតម្លៃ KHR 120,000 ។

10. "កញ្ចប់ទំនិញដែលមានសិទ្ធិ" ត្រូវតែបំពេញតាមតម្រូវការខាងក្រោមទាំងអស់៖

i. ត្រូវតែបំពេញតាមតម្រូវការដូចខាងក្រោមៈ

1. FedEx International Economy (IE)

ii. កញ្ចប់ទំនិញត្រូវបានប្រគល់ទៅ FedEx Express ក្នុងអំឡុងពេលនៃការផ្សព្វផ្សាយ (នេះមានន័យថាកញ្ចប់ទំនិញដែលត្រូវបានប្រគល់ទៅ FedEx Express ដោយអ្នកចូលរួមនៅក្នុងថ្ងៃ ឬបន្ទាប់ពីថ្ងៃនៃការចុះឈ្មោះរបស់អ្នកចូលរួមក្នុងការផ្សព្វផ្សាយ ប៉ុន្តែនៅមុនពេលបញ្ចប់នៃការផ្សព្វផ្សាយ)

iii. កញ្ចប់ទំនិញត្រូវបានចេញវិក្កយបត្រទៅកាន់គណនី FedEx Express ដែលបានចុះឈ្មោះរបស់អ្នកចូលរួម ហើយបានបង់ប្រាក់ពេញលេញកំឡុងពេលផ្សព្វផ្សាយ។

11. ការទទួលរង្វាន់

i. ប័ណ្ណអេឡិចត្រូនិកសម្រាប់ដឹកជញ្ជូនទំនិញជាមួយ FedEx ឬ ប័ណ្ណទិញទំនិញ នឹងត្រូវបានផ្តល់ទៅអ្នកចូលរួមដែលបំពេញតាមគោលដៅដឹកជញ្ជូនណាមួយ។

ii. ប័ណ្ណអេឡិចត្រូនិកសម្រាប់ដឹកជញ្ជូនទំនិញជាមួយ FedEx ឬ ប័ណ្ណទិញទំនិញ នឹងត្រូវបានផ្ញើតាមរយៈអ៊ីមែល​ ឬប្រៃសណីយ៍ទៅកាន់អ្នកចូលរួមដែលបានបំពេញតាមគោលដៅនៃការដឹកជញ្ជូនក្នុងរយៈពេលបី (3) ខែបន្ទាប់ពីការបញ្ចប់នៃការផ្សព្វផ្សាយ។

12. ចំនួននៃកញ្ចប់ទំនិញដែលមានសិទ្ធិត្រូវបានកំណត់ដោយផ្អែកលើចំនួនអញ្ញត្តិបណ្ណផ្លូវអាកាស។ អញ្ញត្តិបណ្ណផ្លូវអាកាសរបស់ FedEx Express មួយស្មើនឹងកញ្ចប់ទំនិញមួយ។

13. ការដាក់បញ្ចូលគ្នានៃកញ្ចប់ទំនិញពីគណនីច្រើនមិនត្រូវបានអនុញ្ញាតទេ ហើយការដាក់រួមបញ្ចូលគ្នាបែបនេះមិនមានសិទ្ធិក្នុងការទទួលបានរង្វាន់នៅក្នុងការផ្សព្វផ្សាយនេះទេ។

14. FedEx Express សូមរក្សាសិទ្ធិក្នុងការការផ្លាស់ប្តូររង្វាន់ដែលមានចែងនៅទីនេះទៅជាទំនិញផ្សេងទៀតដែលមានតម្លៃសមមូលគ្នា ដោយមិនមានការជូនដំណឹងជាមុន។

15. ការផ្គត់ផ្គង់ សុពលភាព និងការប្តូរយករង្វាន់នៃប័ណ្ណទិញទំនិញដែលបានដាក់ចេញជាផ្នែកមួយនៃការផ្សព្វផ្សាយនេះគឺស្ថិតនៅក្រោមលក្ខខណ្ឌផ្សេងៗទៀតដូចដែលអាចត្រូវបានកំណត់ដោយអ្នកផ្គត់ផ្គង់ប័ណ្ណ។

លក្ខខណ្ឌទូទៅ

16. FedEx Express នឹងមិនទទួលខុសត្រូវចំពោះការបាត់បង់ ឬការខូចខាតណាមួយ (រួមទាំងប៉ុន្តែមិនកំណត់ត្រឹមការបាត់បង់ដោយប្រយោល ឬជាលទ្ធផល) ដែលត្រូវបានរងទុក្ខដោយអ្នកចូលរួម ឬភាគីផ្សេងទៀតទាក់ទងនឹងយុទ្ធនាការនេះ រួមទាំងប៉ុន្តែមិនកំណត់ត្រឹម ការរងរបួសផ្ទាល់ខ្លួន និងកាតព្វកិច្ចពន្ធដែលអាចកើតមានឡើងពីការទទួលយករង្វាន់ណាមួយ លើកលែងតែទំនួលខុសត្រូវណាមួយដែលមិនអាចដកចេញបានដោយច្បាប់។

17. សិទ្ធិក្នុងការចូលរួមមិនរាប់បញ្ចូលនាយក អ្នកគ្រប់គ្រង និងនិយោជិត (និងក្រុមគ្រួសារខ្សែផ្ទាល់របស់ពួកគេ) របស់ FedEx Express អង្គភាពពាក់ព័ន្ធរបស់ខ្លួន អ្នកផ្គត់ផ្គង់ អ្នកម៉ៅការបន្ត អ្នកផ្តល់សេវា និងភ្នាក់ងារដែលពាក់ព័ន្ធជាមួយយុទ្ធនាការដែលមានចែងនៅទីនេះ ក៏ដូចជាបុគ្គលិក ភ្នាក់ងារ មន្ត្រី និងអ្នកតំណាងនៃនាយកដ្ឋានរដ្ឋាភិបាលណាមួយ អង្គភាពគ្រប់គ្រងដោយរដ្ឋាភិបាល នីតិបុគ្គលដែលផ្តល់មូលនិធិដោយនាយកដ្ឋានរដ្ឋាភិបាល គណបក្សនយោបាយ ឬអង្គការអន្តរជាតិសាធារណៈ ឬបេក្ខជននៃការិយាល័យនយោបាយ។

18. FedEx Express រក្សាសិទ្ធិក្នុងការតម្រូវឱ្យអ្នកចូលរួមអនុវត្តវិញ្ញាបនបត្រនៃសិទ្ធិ មុនពេលផ្តល់រង្វាន់ដល់អ្នកចូលរួម ដើម្បីបញ្ជាក់ថាអ្នកឈ្នះត្រូវបានរាប់បញ្ចូលក្នុងការចូលរួមក្នុងយុទ្ធនាការនេះដោយអនុលោមតាមលក្ខខណ្ឌផ្សេងៗទាំងនេះ ហើយអ្នកចូលរួមបានគោរពយ៉ាងពេញលេញជាមួយនឹងលក្ខខណ្ឌទាំងនេះ។ ប្រសិនបើត្រូវបានស្នើសុំដោយ FedEx ការបំពេញយ៉ាងស្មោះត្រង់នៃវិញ្ញាបនបត្រនេះគឺជាលក្ខខណ្ឌតម្រូវជាមុនក្នុងការប្រគល់រង្វាន់។

19. ក្នុងករណីដែលមានភាពមិនស៊ីសង្វាក់គ្នារវាងលក្ខខណ្ឌទាំងនេះ ខិត្តប័ណ្ណផ្សេងៗ ការធ្វើទីផ្សារ ឬសម្ភារៈផ្សព្វផ្សាយណាមួយដែលទាក់ទងនឹងយុទ្ធនាការនេះ លក្ខខណ្ឌទាំងនេះនឹងមានឥទ្វិពលជាង។

20. តាមរយៈការចូលរួមក្នុងយុទ្ធនាការនេះ អ្នកយល់ព្រមឱ្យ Federal Express ក្រុមហ៊ុនមេ និងសាខារបស់ក្រុមហ៊ុន (ជាសមូហភាព "FedEx" សម្រាប់គោលបំណងនៃប្រការ 24 នេះ) និងភ្នាក់ងារដែលមានការអនុញ្ញាត អ្នកផ្តល់សេវា និងដៃគូអាជីវកម្ម/ទីផ្សារដើម្បីប្រមូល ប្រើប្រាស់ បង្ហាញ ផ្ទេរ និងចែករំលែកទិន្នន័យផ្ទាល់ខ្លួនដែលអ្នកបានផ្តល់ (រួមទាំងនៅទូទាំងដែនសមត្ថកិច្ច) សម្រាប់គោលបំណងនៃការដឹកនាំ និងគ្រប់គ្រងយុទ្ធនាការ និងការគ្រប់គ្រងទំនាក់ទំនង ការលក់ ការធ្វើទីផ្សារ ការផ្សាយពាណិជ្ជកម្ម និងការផ្សព្វផ្សាយ ដែលការផ្សព្វផ្សាយនោះរួមបញ្ចូលគោលបំណងផ្សេងទៀតតាមការអនុញ្ញាតដោយអ្នក ឬតាមតម្រូវការ ឬអនុញ្ញាតដោយច្បាប់។ អ្នកក៏យល់ព្រមថា: ( i ) ការយល់ព្រមនៅទីនេះនឹងបោះបង់ការដកការយល់ព្រមរបស់អ្នកពីមុន។ (ii) ការយល់ព្រមនៅទីនេះមិនផ្លាស់ប្តូរ ឬជំនួសការយល់ព្រមណាមួយផ្សេងទៀតដែលអ្នកអាចបានផ្តល់ជូនដល់ FedEx ភ្នាក់ងារដែលមានការអនុញ្ញាតរបស់ក្រុមហ៊ុន អ្នកផ្តល់សេវា និង/ឬដៃគូអាជីវកម្មឬទីផ្សារ។ (iii) FedEx ភ្នាក់ងារដែលមានការអនុញ្ញាតរបស់ក្រុមហ៊ុន អ្នកផ្តល់សេវា និង/ឬដៃគូអាជីវកម្មឬទីផ្សារអាចទាក់ទងអ្នកតាមរយៈរបៀប និងប្រព័ន្ធផ្សព្វផ្សាយណាមួយអំពីផលិតផល និងសេវាកម្មដែលផ្តល់ដោយ FedEx ដោយមិនគិតពីការចុះឈ្មោះរបស់អ្នកជាមួយនឹងការចុះឈ្មោះណាមួយដែលមិនឱ្យទាក់ទង/ហៅទូរស័ព្ទ។ សូមមើលសេចក្តីថ្លែងការណ៍អំពីគោលការណ៍ឯកជនភាពរបស់យើង នៅ https://www.fedex.com/en-kh/privacy-policy.html និងគោលការណ៍ឯកជនភាពសកលរបស់យើងនៅ https://www.fedex.com/en-us/trust-center/privacy.html។ លើសពីនេះ អ្នកនឹងតំណាងឱ្យ និងធានាថាអ្នកគឺជាអ្នកប្រើប្រាស់ និង/ឬអ្នកជាវព័ត៌មានទំនាក់ទំនងដែលបានផ្តល់ដោយអ្នក។

21. ប្រសិនបើយុទ្ធនាការនេះមិនអាចដំណើរការដូចដែលបានគ្រោងទុកដោយហេតុផលណាមួយ រួមទាំងការរំខាន ការអន្តរាគមន៍ដែលគ្មានការអនុញ្ញាត ការក្លែងបន្លំ ការបរាជ័យផ្នែកបច្ចេកទេស និងមូលហេតុផ្សេងទៀតដែលហួសពីការគ្រប់គ្រងរបស់ FedEx Express ដែលធ្វើឱ្យខូច ឬប៉ះពាល់ដល់សន្តិសុខរដ្ឋបាល យុត្តិធម៌ សុចរិតភាព ឬភាពត្រឹមត្រូវនៃការអនុវត្តន៍របស់ការផ្សព្វផ្សាយនេះ FedEx Express រក្សាសិទ្ធិក្នុងការសម្រេចតែមួយគត់របស់ខ្លួនក្នុងការលុបចោល បញ្ចប់ កែប្រែ ឬផ្អាកយុទ្ធនាការនេះ។

22.លក្ខខណ្ឌនៃការដឹកជញ្ជូននៅក្នុង FedEx Express Air Waybill ដែលចូលជាធរមាននៅថ្ងៃដឹកជញ្ជូនណាមួយ នឹងត្រូវអនុវត្តចំពោះកញ្ចប់ទំនិញនោះ។ ប្រសិនបើមានភាពខុសគ្នារវាងលក្ខខណ្ឌនៃ FedEx Express Air Waybill និងលក្ខខណ្ឌទាំងនេះ លក្ខខណ្ឌនៃ FedEx Express Air Waybill នឹងចូលមកគ្រប់គ្រង។

23. នៅក្នុងព្រឹត្តិការណ៍នៃភាពមិនស្របគ្នាណាមួយទាក់ទងនឹងយុទ្ធនាការនេះ ការសម្រេចចិត្តរបស់ FedEx គឺនឹងធ្វើការសម្រេច ហើយគ្មានការឆ្លើយឆ្លងផ្សេងទៀតដែរនឹងត្រូវបានទទួលយកទេ។ FedEx នឹងមិនមានកាតព្វកិច្ចក្នុងការផ្តល់រង្វាន់ទេ ប្រសិនបើវាផ្ទុយនឹងច្បាប់ ឬបទប្បញ្ញត្តិជាធរមាន។

24. FedEx Express រក្សាសិទ្ធិក្នុងការកែប្រែលក្ខខណ្ឌទាំងនេះនៅពេលណាមួយដោយមិនមានការជូនដំណឹងជាមុន។