តើខ្ញុំអាចរៀបចំឯកសារដឹកជញ្ជូនសម្រាប់ទំនិញនាំចូលដោយរបៀបណា?

ដើម្បីរៀបចំឯកសារដឹកជញ្ជូនសម្រាប់ទំនិញនាំចូល អ្នកអាចត្រូវការឯកសារដឹកជញ្ជូន និងគយមួយចំនួន រួមមានបណ្ណដឹកជញ្ជូនផ្លូវអាកាស វិក្កយបត្រពាណិជ្ជកម្ម និងលិខិតអនុញ្ញាតទាំងឡាយដែលតម្រូវដោយប្រទេស ឬដែនដីទីតាំងទិសដៅ។

មុនពេលដឹកជញ្ជូន សូមផ្ទៀងផ្ទាត់ថាទំនិញរបស់អ្នកត្រូវបានអនុញ្ញាតសម្រាប់ការនាំចូល ដោយពិនិត្យមើលបទប្បញ្ញត្តិគយនៃប្រទេស ឬដែនដីទីតាំងទិសដៅ។ 

ឯកសារការនាំចូលទូទៅរួមមាន៖

•  បណ្ណដឹកជញ្ជូនផ្លូវអាកាស (AWB)៖ ឯកសារដឹកជញ្ជូន/ស្លាកដឹកជញ្ជូនទំនិញដែលប្រើសម្រាប់ដឹកជញ្ជូនបញ្ញើទំនិញ។
• វិក្កយបត្រពាណិជ្ជកម្ម៖ ផ្ដល់ព័ត៌មានលម្អិតអំពីទំនិញ តម្លៃ និងប្រតិបត្តិការ។
• វិញ្ញាបនបត្របញ្ជាក់ប្រភពដើមទំនិញ៖ បញ្ជាក់ពីទីកន្លែងដែលទំនិញត្រូវបានបង្កើត ឬផលិត។
• អាជ្ញាបណ្ណនាំចូល៖ តម្រូវសម្រាប់ផលិតផលតាមបទប្បញ្ញត្តិជាក់លាក់នៅក្នុងប្រទេស ឬដែនដីមួយចំនួន។
• លេខចុះបញ្ជីអ្នកនាំទំនិញចូល (អ្នកទទួលទំនិញ)៖ កំណត់ភាគីដែលទទួលខុសត្រូវលើអនុលោមភាពការនាំចូល និងការបញ្ចេញទំនិញពីគយ។

អាស្រ័យលើប្រទេស ឬដែនដីទីតាំងទិសដៅ និងព័ត៌មានលម្អិតនៃបញ្ញើទំនិញ ពន្ធគយ ពន្ធ និងថ្លៃសេវាការបញ្ចេញទំនិញពីគយអាចត្រូវបានអនុវត្ត។

បង្កើតឯកសារដឹកជញ្ជូនអនឡាញ

ដោយប្រើ កម្មវិធីគ្រប់គ្រង់បញ្ញើទំនិញ FedEx អ្នកអាចចូលដោយប្រើលេខសម្គាល់អ្នកប្រើប្រាស់ fedex.com របស់អ្នក ដើម្បីបង្កើតឯកសារដឹកជញ្ជូនសំខាន់ៗរួមមាន៖

• បណ្ណដឹកជញ្ជូនផ្លូវអាកាស (AWB)
• វិក្កយបត្រពាណិជ្ជកម្ម

អ្នកក៏អាចមើល សៀវភៅណែនាំអ្នកប្រើប្រាស់ការដឹកជញ្ជូនបែបសហការណ៍ ដើម្បីស្វែងយល់ពីរបៀបដែលមុខងារការដឹកជញ្ជូនបែបសហការណ៍នៅក្នុងកម្មវិធីគ្រប់គ្រង់បញ្ញើទំនិញ FedEx អាចជួយអ្នកក្នុងការគ្រប់គ្រងទំនិញនាំចូលឆ្លងកាត់ប្រទេស ឬដែនដីច្រើន។

ប្រសិនបើអ្នកមានបណ្ណដឹកជញ្ជូនផ្លូវអាកាសរួចហើយ ហើយត្រូវបង្កើតវិក្កយបត្រពាណិជ្ជកម្ម ឬឯកសារដឹកជញ្ជូនដែលអាចប្រើបានផ្សេងទៀត សូមប្រើមជ្ឈមណ្ឌលរៀបចំឯកសារ FedEx នៅក្នុង កម្មវិធីគ្រប់គ្រងពាណិជ្ជកម្មសកល.