ឥឡូវនេះ តម្រូវការប្រតិវេទន៍អាចនឹងអនុវត្តចំពោះបញ្ញើទំនិញរបស់លោកអ្នក។ វាប្រហែលជាចាំបាច់ក្នុងការធ្វើប្រតិវេទន៍ទំនិញរបស់លោកអ្នកទៅកាន់អាជ្ញាធរក្នុងដំណើរការផ្សេង ខុសពីដំណើរការដែលលោកអ្នកធ្លាប់បានធ្វើកាលពីមុន។ ប្រព័ន្ធឯកសារពាណិជ្ជកម្មអេឡិចត្រូនិក (ETD) របស់យើងធ្វើឱ្យដំណើរការកាន់តែប្រសើរសម្រាប់លោកអ្នក។  

ជំហានដំបូង គឺត្រូវមានការយល់ព្រមជាមួយអតិថិជនរបស់លោកអ្នកថាតើអ្នកណានឹងទទួលខុសត្រូវក្នុងការបង់ប្រាក់សម្រាប់ថ្លៃទំនិញធំៗ ព្រមទាំងថ្លៃពន្ធគយ អាករ និងថ្លៃសេវាណាផ្សេងៗ។ វាត្រូវបានរ៉ាប់រងដោយលក្ខខណ្ឌពាណិជ្ជកម្មអន្តរជាតិ ដែលលោកអ្នកត្រូវរួមបញ្ចូលទៅក្នុងកិច្ចសន្យាលក់របស់លោកអ្នក ក៏ដូចជាវិក្កយបត្រពាណិជ្ជកម្មទំនិញផងដែរ។  ទីពីរ ក្នុងដំណាក់កាលដឹកជញ្ជូន លោកអ្នកត្រូវជ្រើសរើសលក្ខខណ្ឌដឹកជញ្ជូនរបស់ FedEx ដែលស្របនឹងកិច្ចព្រមព្រៀងដែលលោកអ្នកបានធ្វើជាមួយអតិថិជនរបស់លោកអ្នក។  ប្រើប្រាស់ជម្រើស ចេញវិក្កយបត្រទៅអ្នកដាក់បញ្ញើទំនិញ ដើម្បីទទួលបានវិក្កយបត្រ FedEx សម្រាប់ពន្ធគយ អាករ ថ្លៃសេវា និងការគិតថ្លៃបន្ថែមនានា ប្រសិនបើលោកអ្នកព្រមព្រៀងជាមួយអ្នកទិញថា កាតព្វកិច្ចដឹកជញ្ជូនជារបស់អ្នកលក់/អ្នកផ្ញើបញ្ញើ។  

ដើម្បីចុះឈ្មោះប្រើប្រាស់ IOSS អ្នកលក់ភាគច្រើនដែលមិនមែននៅសហភាពអឺរ៉ុបនឹងត្រូវចាត់តាំងអន្តរការីដើម្បីចុះឈ្មោះ និងប្រកាសអាករលើតម្លៃបន្ថែម ជំនួសឱ្យពួកគេ លុះត្រាតែពួកគេត្រូវបានបង្កើតឡើងនៅក្នុងសហភាពអឺរ៉ុបដោយផ្ទាល់។ បន្ទាប់មក ពួកគេនឹងត្រូវផ្ដល់លេខ IOSS របស់ពួកគេទៅកាន់អ្នកធ្វើប្រតិវេទន៍គយ (FedEx)។

ប្រទេសក្នុងសហភាពអឺរ៉ុបរួមមាន៖ អូទ្រីស បែលហ្ស៊ិក ប៊ុលហ្គារី ក្រូអាត ស៊ីប សាធារណរដ្ឋឆែក ដាណឺម៉ាក អេស្តូនី ហ្វាំងឡង់ បារាំង អាល្លឺម៉ង់ ក្រិក ហុងគ្រី អៀរឡង់ អ៊ីតាលី ឡាតវី លីទុយអានី លុចសំបួរ ម៉ាល់តា ហូឡង់ ប៉ូឡូញ ព័រទុយហ្គាល់ រូម៉ានី ស្លូវ៉ាគី ស្លូវេនី អេស្ប៉ាញ និងស៊ុយអែត។

សូមចំណាំថា ក្រោមលក្ខខណ្ឌនៃពិធីសាររួមសហភាពអឺរ៉ុប-ចក្រភពអង់គ្លេស អៀរឡង់ខាងជើង នឹងនៅតែជាផ្នែកមួយនៃតំបន់អាករលើតម្លៃបន្ថែមរបស់សហភាពអឺរ៉ុបសម្រាប់ទំនិញនានាដដែល។ នេះមានន័យថា ការផ្លាស់ប្តូរពន្ធអាករលើតម្លៃបន្ថែមរបស់សហភាពអឺរ៉ុប ក៏នឹងអនុវត្តចំពោះទំនិញដែលនាំចូលទៅប្រទេសអៀរឡង់ខាងជើង ចេញពីទីតាំងនានាជុំវិញពិភពលោកផងដែរ។

សហភាពអឺរ៉ុប កំពុងណែនាំថ្លៃសេវាដំណើរការទំនិញទូទាំងសហភាពអឺរ៉ុបលើកញ្ចប់បញ្ញើដែលមានតម្លៃទាប (ក្រោម 150 អឺរ៉ូ) ដូចខាងក្រោម៖

• ថ្លៃសេវាក្នុងមួយមុខទំនិញនីមួយៗ ដែលត្រូវបានអនុញ្ញាតឱ្យនាំចូល និងដាក់ឱ្យធ្វើចរាចរក្នុងទីផ្សារដោយសេរី ឬ
• ថ្លៃសេវាត្រូវបានបញ្ចុះតម្លៃ ប្រសិនបើអ្នកនាំចូលក្នុងពេលទំនិញត្រូវបានអនុញ្ញាតឱ្យនាំចូល និងដាក់ឱ្យធ្វើចរាចរដោយសេរី ជាពាណិជ្ជករប្រភេទ Trust and Check ដែលប្រតិបត្តិការឃ្លាំងគយ សម្រាប់ការលក់ពីចម្ងាយ។ Trust and Check គឺជាគោលគំនិតថ្មីដែលផ្ដល់ទំនុកចិត្តលើពាណិជ្ជករ ដែលត្រូវបានណែនាំដោយកំណែទម្រង់គយរបស់សហភាពអឺរ៉ុប ដែលបង្កើតឡើងដោយផ្អែកលើស្ថានភាព AEO។

ចំនួនទឹកប្រាក់មិនទាន់ត្រូវបានកំណត់នៅឡើយទេ។ ថ្លៃសេវាដំណើរការ នឹងត្រូវបានប្រមូលដោយអាជ្ញាធរគយជាតិ សម្រាប់សេវាកម្មដែលបានផ្តល់ជូនសម្រាប់ការបញ្ចេញទំនិញឲ្យចរាចរដោយសេរីនៅក្នុងទីផ្សារក្នុងស្រុក ដែលបានលក់ពីចម្ងាយ។ ថ្លៃសេវានេះមិនអាចស្នើសុំសងវិញបានទេ។

ពេលវេលា៖ វិធានការនេះត្រូវបានអនុម័តជាផ្នែកមួយនៃកំណែទម្រង់គយរបស់សហភាពអឺរ៉ុប។ ការអនុវត្ត ត្រូវបានរំពឹងថានឹងចាប់ផ្ដើមត្រឹមថ្ងៃទី1 ខែវិច្ឆិកា ឆ្នាំ2026។

ក្នុងពេលជាមួយគ្នានេះ រដ្ឋជាសមាជិកសហភាពអឺរ៉ុបមួយចំនួនបានចាត់វិធានការដើម្បីដាក់ចេញនូវថ្លៃសេវាដំណើរការការនាំចូលថ្នាក់ជាតិ លើទំនិញដែលមានតម្លៃទាប មុនពេលកំណែទម្រង់គយរបស់សហភាពអឺរ៉ុបដែលបានគ្រោងទុក។

• ប្រទេសរូម៉ានីបានអនុវត្ត «ពន្ធភស្តុភារកម្មជាតិ» ចំនួន 25 RON (ប្រហែល 5អឺរ៉ូ) សម្រាប់បញ្ញើទំនិញ B2C ទាំងអស់ដែលមានតម្លៃក្រោម 150 អឺរ៉ូ ដែលបានដឹកជញ្ជូនពីក្រៅសហភាពអឺរ៉ុប ទៅកាន់នៅប្រទេសរ៉ូម៉ានី ដោយមិនគិតពីទម្រង់នៃការនាំចូលនោះទេ។ ពន្ធលើភស្តុភារកម្មជាតិអនុវត្តចាប់ពីថ្ងៃទី1 ខែមករា ឆ្នាំ2026 តទៅ។ បច្ចុប្បន្ននេះ មិនមានព័ត៌មានណាមួយនៅក្នុងច្បាប់រ៉ូម៉ានីដែលបង្ហាញថាពន្ធលើភស្តុភារកម្មជាតិនឹងត្រូវដកចេញនៅពេលដែលថ្លៃសេវាដំណើរការទំនិញទូទាំងសហភាពអឺរ៉ុបត្រូវបានអនុវត្តនោះទេ។
• ប្រទេសអ៊ីតាលី បានរួមបញ្ចូលថ្លៃសេវាដំណើរការចំនួន 2អឺរ៉ូ សម្រាប់ការនាំចូលដែលមានតម្លៃទាប នៅក្នុងច្បាប់ថវិកាឆ្នាំ 2026 របស់ខ្លួន ដែលត្រូវបានអនុម័ត និងចូលជាធរមានចាប់ពីថ្ងៃទី1 ខែមករា ឆ្នាំ2026។ បន្ទាប់ពីមានការផ្អាកជាច្រើនលើក នៅថ្ងៃទី22 ខែមិថុនា ឆ្នាំ2026 នេះ រដ្ឋាភិបាលបានសម្រេចការពន្យារពេលជាថ្មីនៃថ្លៃសេវានេះ ទៅថ្ងៃទី1 ខែតុលា ឆ្នាំ2026 វិញ។
• ប្រទេសបារាំង បានអនុវត្តថ្លៃសេវាចំនួន 2អឺរ៉ូ ក្នុងមួយជួរនៃប្រតិវេទន៍ (ថ្លៃរដ្ឋបាលគយ) សម្រាប់បញ្ញើទំនិញទាំងអស់ដែលបានបញ្ចេញពីគយក្នុងប្រភេទធម្មតា ចាប់ពីថ្ងៃទី1 ខែមីនា ដល់ថ្ងៃទី30 ខែមិថុនា ឆ្នាំ2026។ ថ្លៃសេវារបស់ប្រទេសបារាំង ត្រូវបានផ្អាកនៅថ្ងៃទី1 ខែកក្កដា ឆ្នាំ2026 នេះ។

យើងកំពុងតាមដានការវិវត្តយ៉ាងយកចិត្តទុកដាក់ ហើយនឹងផ្ដល់ជូននូវព័ត៌មានថ្មីៗនៅពេលដែលមានព័ត៌មានបន្ថែម និងជាក់លាក់។

ទេ វាមិនមែនជាការគិតថ្លៃបន្ថែមរបស់ FedEx ទេ ប៉ុន្តែវាគឺជាថ្លៃសេវាតម្រូវឲ្យបង់ដោយរដ្ឋាភិបាល។

យោងតាមដំណើរការស្តង់ដាររបស់ FedEx នៅពេលនាំចូល FedEx នឹងបង់ប្រាក់ជំនួសទៅអាជ្ញាធរពាក់ព័ន្ធ ហើយនឹងប្រមូលប្រាក់ចំនួននោះវិញពីអតិថិជន។ ព័ត៌មានលម្អិតបន្ថែម នឹងត្រូវបានចែករំលែកនៅពេលដែលដំណើរការច្បាប់មានការវិវត្តទៀត។

ការផ្លាស់ប្ដូរនេះនឹងជួយបង្កើតឱ្យមានតុល្យភាពរវាងអ្នកលក់ដែលមិនមែននៅក្នុងសហភាពអឺរ៉ុប និងអាជីវកម្មនៅក្នុងសហភាពអឺរ៉ុបដែលបង់អាករលើតម្លៃបន្ថែម និងពន្ធគយលើទំនិញទាំងអស់។ ការធ្វើបែបនេះ គឺមានគោលបំណងដើម្បីកាត់បន្ថយលំហូរទំនិញដែលមានតម្លៃទាប ដែលពីមុនទទួលបានអត្ថប្រយោជន៍ពីការរួចពន្ធគយ និងស្របតាមកំណែទម្រង់គយរបស់សហភាពអឺរ៉ុប។

ការលើកលែងពន្ធក្នុងកម្រិតអប្បបរមារបស់សហភាពអឺរ៉ុប កំណត់ទំនិញ B2C ថាជាទំនិញដែលអ្នកទទួលមិនបានចុះបញ្ជីអាករលើតម្លៃបន្ថែមនៅក្នុងប្រទេសទីតាំងទិសដៅ។ តាមលក្ខណៈបច្ចេកទេស នេះត្រូវបានគេស្គាល់ជាថាជាការលក់ពីចម្ងាយ។

យោងតាមច្បាប់ថ្មី ចំនួនទឹកប្រាក់ទាំងនេះត្រូវតែទូទាត់នៅពេលដាក់បញ្ជូនប្រតិវេទន៍ការនាំចូលដោយអ្នកធ្វើប្រតិវេទន៍។

នៅក្នុងការអនុវត្ត ដើម្បីសម្រួល និងពន្លឿនការបញ្ចេញទំនិញពីគយ FedEx ធ្វើការបង់ពន្ធ និងអាករដែលត្រូវអនុវត្តទៅឱ្យអាជ្ញាធរគយសហភាពអឺរ៉ុប ហើយបន្ទាប់មកចេញវិក្កយបត្រទៅអ្នកនាំចូល/អ្នកទទួល ឬអ្នកដាក់បញ្ញើទំនិញ/អ្នកផ្ញើទំនិញ ដូចដែលមានការពន្យល់នៅខាងក្រោម។

ការទទួលខុសត្រូវចំពោះពន្ធគយលើការនាំចូល និងថ្លៃសេវាដំណើរការផ្សេងៗ គឺអាស្រ័យលើ IncoTerm^© ដែលបានព្រមព្រៀងគ្នា និងភាគីណាដែលក្រុមហ៊ុនដឹកជញ្ជូននឹងគិតថ្លៃពន្ធគយ/អាករ។

• ក្រោមលក្ខខណ្ឌ កាតព្វកិច្ចដឹកជញ្ជូនលើអ្នកលក់/អ្នកផ្ញើបញ្ញើ (DDP) អ្នកលក់ (អ្នកដាក់បញ្ញើទំនិញ) បង់ពន្ធគយ/អាករ និងសេវាដំណើរការលើការនាំចូល
• ក្រោមលក្ខខណ្ឌ ការដឹកជញ្ជូនដល់ទីតាំង (DAP) អ្នកទទួល គឺជាអ្នកទទួលខុសត្រូវ ហើយនឹងបង់ថ្លៃទាំងនោះ
• ប្រសិនបើថ្លៃដឹកជញ្ជូន ត្រូវបានទូទាត់ពីអ្នកដាក់បញ្ញើទំនិញ ប៉ុន្តែថ្លៃពន្ធគយ/អាករត្រូវបានទូទាត់វិក្កយបត្រទៅអ្នកទទួលទំនិញ នោះអ្នកទទួលទំនិញគឺជាអ្នកបង់ប្រាក់
• សូមប្រាកដថា លក្ខខណ្ឌ IncoTerm ^© និងលក្ខខណ្ឌដឹកជញ្ជូនរបស់ FedEx ("ចេញវិក្កយបត្រទៅឱ្យអ្នកដាក់បញ្ញើទំនិញ" ឬ "ចេញវិក្កយបត្រទៅឱ្យអ្នកទទួល") គឺត្រូវគ្នា

បាទ/ចាស។ ប្រសិនបើអ្នកទទួលបានចុះបញ្ជីអាករលើតម្លៃបន្ថែមនៅក្នុងប្រទេសទីតាំងទិសដៅ នោះព័ត៌មានលម្អិតរបស់ពួកគាត់ (រួមទាំងលេខអាករលើតម្លៃបន្ថែម) គួរត្រូវបានរួមបញ្ចូលនៅលើវិក្កយបត្រពាណិជ្ជកម្ម និងអំឡុងពេលបង្កើតបញ្ញើទំនិញ ដើម្បីសម្រួលដល់ដំណើរការបញ្ចេញទំនិញពីគយ។

បាទ/ចាស សម្រាប់បញ្ញើ C2C លេខសម្គាល់ផលិតផល (PID) នឹងត្រូវការជាចាំបាច់ ដោយមិនគិតលើតម្លៃ C2C ដែលបានប្រកាសឡើយ។

សម្រាប់បញ្ញើ C2C ដែលមានតម្លៃក្រោម €45 គឺមិនជាប់ពន្ធគយ និងអាករទេ (អាស្រ័យលើការសម្រេចរបស់គយ)។

ដំណើរការគយស្តង់ដានៅតែបន្តអនុវត្តចំពោះបញ្ញើឯកសារ និងអំណោយ - ថ្លៃសេវាថេរចំនួន 3អឺរ៉ូ មិនត្រូវបានអនុវត្តទេ។

ពាក់ព័ន្ធនឹងបញ្ញើទំនិញផ្ញើត្រឡប់វិញ៖

ប្រសិនបើបញ្ញើទំនិញរបស់លោកអ្នកត្រូវបាននាំចូលទៅក្នុងសហភាពអឺរ៉ុប ហើយពន្ធគយ 3អឺរ៉ូ ត្រូវបានបង់នៅពេលនាំចូល ពន្ធគយនោះមិនអាចយកមកវិញបានទេ ប្រសិនបើទំនិញត្រូវបានបញ្ជូនត្រឡប់ទៅអ្នកផ្គត់ផ្គង់វិញក្រោយពេលទទួលបាន។ ក្រោមវិធានការជាធរមាន គេមិនអាចធ្វើមោឃភាពឯកសារនៃការបញ្ចេញទំនិញពីគយ ដើម្បីស្នើសុំការបង្វិលសងប្រាក់ក្នុងករណីនេះបានទេ។

បន្ថែមពីនេះ លេខសម្គាល់ផលិតផល (PID) នៅតែតម្រូវឱ្យមានសម្រាប់ការបញ្ចេញទំនិញពីគយលើបញ្ញើទំនិញ B2C ដែលផ្ញើត្រឡប់មកវិញ ទៅក្នុងសហភាពអឺរ៉ុប។ សូមចំណាំថា ដំណើរការសម្រាប់ការផ្ញើទំនិញត្រឡប់មកវិញទាំងនេះគឺកំពុងស្ថិតក្នុងដំណាក់កាលកំណត់នៅឡើយទេ។

អាចមានការប៉ះពាល់។ កម្រិតត្រួតពិនិត្យកាន់តែខ្ពស់ និងជំហានរដ្ឋបាលថ្មីអាចបណ្តាលឱ្យមានការពន្យារពេល ជាពិសេសនៅខែដំបូងៗនៃការអនុវត្ត។

ទេ។ ចាប់ពីថ្ងៃទី 1 ខែកក្កដា ឆ្នាំ2026 សេវាកម្ម FedEx Direct Distribution មិនអាចត្រូវបានប្រើប្រាស់សម្រាប់បញ្ញើទំនិញរួមបញ្ចូលគ្នាជាប្រភេទ B2C ដែលមានតម្លៃពិតជាក់ស្ដែងត្រឹម 150 អឺរ៉ូ ឬតិចជាងនេះក្នុងអ្នកទិញម្នាក់ៗបានទៀតឡើយ។ ដើម្បីបន្តប្រើប្រាស់ FedEx Direct Distribution បញ្ញើទំនិញរួមបញ្ចូលគ្នាជាប្រភេទ B2C ត្រូវមានតម្លៃលើសពី 150 អឺរ៉ូ ឬបញ្ញើទំនិញត្រូវតែផ្ញើទៅកាន់អាជីវកម្មដែលបានចុះបញ្ជីអាករលើតម្លៃបន្ថែមនៅក្នុងប្រទេសទីតាំងទិសដៅ។ សូមចំណាំថា អ្នកដាក់បញ្ញើទំនិញត្រូវទទួលខុសត្រូវចំពោះការកំណត់អត្តសញ្ញាណ និងបែងចែកបញ្ញើទំនិញទាំងនេះដាច់ដោយឡែក មុនពេលដាក់បញ្ចូលគ្នា។ ប្រសិនបើ FedEx រកឃើញបញ្ញើទំនិញរួមបញ្ចូលគ្នាជាប្រភេទ B2C ដែលមានតម្លៃតិចជាង 150 អឺរ៉ូ ក្នុងការដឹកជញ្ជូនបញ្ចូលគ្នា IPD នោះការដាក់បញ្ចូលគ្នាទាំងមូលនឹងត្រូវបញ្ជូនត្រឡប់ទៅប្រភពដើមវិញ។

គណៈកម្មការសហភាពអឺរ៉ុប បានអនុញ្ញាតឱ្យផ្ដល់លេខសម្គាល់ផលិតផលចាប់ពីថ្ងៃទី 1 ខែកក្កដា ឆ្នាំ2026 ដើម្បីជួយត្រៀមលក្ខណៈសម្រាប់ការផ្លាស់ប្តូរ។ ការចែករំលែកទិន្នន័យនេះឱ្យបានលឿន គឺជាការអនុវត្តអាជីវកម្មដ៏ល្អ។ វាជួយពួកយើងក្នុងការត្រៀមលក្ខណៈសម្រាប់ការផ្លាស់ប្តូររួមគ្នា។ ការប្រើប្រាស់រយៈពេលចន្លោះពីថ្ងៃទី 1 ខែកក្កដា ដល់ថ្ងៃទី 1 ខែវិច្ឆិកា ដើម្បីធ្វើតេស្តិ៍លើការរួចរាល់នៃប្រព័ន្ធ គឺធានាបាននូវការផ្លាស់ប្តូរដោយរហូននៅពេលបទប្បញ្ញត្តិនេះចូលជាធរមាន។ ការធ្វើអនុលោមភាពបានទាន់ពេលវេលា គឺជាមធ្យោបាយដ៏ល្អបំផុតដើម្បីការពារខ្សែសង្វាក់ផ្គត់ផ្គង់របស់លោកអ្នក និងបង្ការការពន្យារពេលបញ្ញើទំនិញដែលអាចកើតមាន និងការឃាត់បញ្ញើទំនិញទុកដោយគយដែលអាចនឹងកើតឡើងនៅខែវិច្ឆិកាខាងមុខ។