ចាប់ពីថ្ងៃទី 1 ខែកក្កដា ឆ្នាំ 2026 សហភាពអឺរ៉ុបនឹងដកចេញនូវការលើកលែងពន្ធក្នុងកម្រិតអប្បបរមា €150 សម្រាប់ការនាំចូល។ បញ្ញើទំនិញដែលមានតម្លៃទាប នឹងត្រូវបង់ពន្ធគយ €3 ក្នុងមួយជួរប្រតិវេទន៍ រួមជាមួយនឹងការទាមទារទិន្នន័យផលិតផលថ្មីមួយចំនួន។ ការណែនាំនេះ ពន្យល់អំពីអ្វីដែលកំពុងផ្លាស់ប្តូរ និងវិធីដែល FedEx គាំទ្រអនុលោមភាពសម្រាប់ការដឹកជញ្ជូនទៅកាន់សហភាពអឺរ៉ុប។ 

ចាប់ពីថ្ងៃទី 1 ខែកក្កដា ឆ្នាំ 2026 ការលើកលែងនេះនឹងត្រូវបញ្ចប់។ សម្រាប់ទំនិញនាំចូលដែលមានក្នុងបញ្ញើទំនិញមានតម្លៃពិតជាក់ស្ដែងមិនលើសពី €150 ពន្ធគយចំនួន €3 ក្នុងមួយជួរនៃប្រតិវេទន៍ការនាំចូលគយនីមួយៗ នឹងត្រូវបានអនុវត្ត (ដែលអាចមានទំនិញលើសពីមួយមុខ អាស្រ័យលើការចាត់ថ្នាក់ពន្ធគយ)។  

ក្រៅពីនេះ គណៈកម្មការអឺរ៉ុបក៏បានស្នើថ្លៃសេវាចាត់ចែងថ្មីទូទាំងសហភាពអឺរ៉ុបលើទំនិញតម្លៃទាប ដែលគេរំពឹងថានឹងមានការជូនជាដំណឹងនៅត្រឹមថ្ងៃទី 1 ខែវិច្ឆិកា ឆ្នាំ 2026។  យើងនឹងចែករំលែកព័ត៌មានថ្មីភ្លាមៗ នៅពេលដែលមានព័ត៌មានបន្ថែម។ 

• សម្រាប់អ្នកទទួលដែលបានចុះបញ្ជីអាករតម្លៃបន្ថែមសម្រាប់ B2B (អាជីវកម្មរវាងក្រុមហ៊ុននិងក្រុមហ៊ុន) អត្រាពន្ធស្តង់ដានឹងត្រូវបានអនុវត្ត។   

• សម្រាប់បញ្ញើទំនិញក្រោមកិច្ចព្រមព្រៀងពាណិជ្ជកម្មសេរី ដែលមិនបានលក់ក្រោមប្រព័ន្ធ IOSS នោះការបន្ធូរបន្ថយពន្ធគយអាចត្រូវបានអនុវត្ត។  (ទោះជាយ៉ាងណាក៏ដោយ សម្រាប់បញ្ញើទំនិញក្រោមកិច្ចព្រមព្រៀងពាណិជ្ជកម្មសេរី ដែលបានលក់ក្រោមប្រព័ន្ធ IOSS – គម្រោងច្រកចេញចូលតែមួយសម្រាប់ការនាំចូល ពន្ធគយចំនួន €3 នឹងត្រូវបានអនុវត្តក្នុងមួយជួរនៃប្រតិវេទន៍។) 

សម្រាប់ បញ្ញើទំនិញ B2C* ដែលនាំចូលទៅក្នុងដែនដីគយសហភាពអឺរ៉ុប ដោយមិនគិតពីតម្លៃទំនិញ (ដោយលើកលែងការនាំចូល B2B ដែលមានចុះឈ្មោះអាករលើតម្លៃបន្ថែម) គណៈកម្មការសហភាពអឺរ៉ុបកំពុងណែនាំលក្ខខណ្ឌតម្រូវថ្មី ដែលនឹងត្រូវបំពេញដោយអ្នកដាក់បញ្ញើទំនិញ រួមមាន៖

1. លេខសម្គាល់ផលិតផលរបស់អ្នកលក់ – លេខកូដមានតែមួយគត់របស់អ្នកលក់ដើម្បីកំណត់អត្តសញ្ញាណទំនិញ ជាធម្មតាជា SKU (កូដបញ្ជីសារពើភ័ណ្ឌ) ឬកូដទំនិញ ឬលេខកូដផលិតផល។

2. លេខសម្គាល់ផលិតផលរបស់អ្នកផលិតដែលមិនស្ដង់ដា – លេខកូដមានតែមួយគត់របស់ក្រុមហ៊ុនផលិត ឬអ្នកផ្គត់ផ្គង់ផលិតផល ដែលត្រូវបានកំណត់សម្រាប់ផលិតផលនីមួយៗ។

3. លេខកូដសម្គាល់ផលិតផលរបស់អ្នកផលិតដែលស្តង់ដា (ប្រសិនបើមានតែប៉ុណ្ណោះ) - ដែលកំណត់ដោយស្ថាប័នស្ដង់ដារឧស្សាហកម្មពិភពលោកក្នុងទម្រង់ជាបាកូដ នៅពេលដែលផលិតផលរបស់ក្រុមហ៊ុនផលិតបំពេញតាមស្តង់ដាពិភពលោកដែលបានកំណត់ដោយស្ថាប័នគ្រប់គ្រង។ បាកូដនេះ គឺដូចគ្នាសម្រាប់គ្រប់អ្នកលក់រាយទាំងអស់ដែលលក់ផលិតផលដូចគ្នាបេះបិទ។

យើងស្នើសុំជាខ្លាំងឲ្យបន្ថែមលេខសម្គាល់ផលិតផលទាំងបីប្រភេទនេះ ចាប់ពីថ្ងៃទី 1 ខែកក្កដា ឆ្នាំ 2026 នេះតទៅ ដើម្បីជួយធានាការបញ្ចេញទំនិញដោយរលូនសម្រាប់បញ្ញើទំនិញតម្លៃទាបទៅកាន់សហភាពអឺរ៉ុប ដើម្បីត្រៀមខ្លួនសម្រាប់ ការដាក់កំហឹតឲ្យអនុវត្តនៅថ្ងៃទី 1 ខែវិច្ឆិកា ឆ្នាំ 2026 ខាងមុខ យោងតាមការណែនាំពីសំណាក់អាជ្ញាធរសហភាពអឺរ៉ុប។

*យោងតាមនិយមន័យរបស់គណៈកម្មាធិការអឺរ៉ុប បញ្ញើទំនិញ B2C សម្ដៅដល់បញ្ញើទំនិញដែលផ្ញើទៅកាន់អ្នកទទួល ដែលមិនមានចុះបញ្ជីអាករលើតម្លៃបន្ថែម។

FedEx ដែលដើរតួជាភ្នាក់ងាររៀបចំឯកសារសម្រាប់រត់ការពន្ធគយនៅពេលនាំចូលទៅក្នុងដែនសមត្ថកិច្ចគយរបស់សហភាពអឺរ៉ុប នឹងត្រូវដាក់បញ្ជូនឯកសារទាំងនេះទៅក្នុងការបញ្ចូលទិន្នន័យផ្នែកគយទៅឱ្យអាជ្ញាធរគយ នៅក្នុងអំឡុងពេលដំណើរការបញ្ចេញទំនិញពីគយ។

ទាញយក ការណែនាំអំពី PID របស់យើង ដើម្បីស្វែងយល់អំពីអ្វីគឺជា PID និងរបៀបផ្តល់វាសម្រាប់បញ្ញើទំនិញរបស់លោកអ្នកនៅក្នុងឧបករណ៍ដឹកជញ្ជូនរបស់យើង។

ការលើកលែងអាករតម្លៃបន្ថែមសម្រាប់តម្លៃអប្បបរមា ត្រូវបានដកចេញនៅឆ្នាំ 2021 ហើយទំនិញទាំងអស់ដែលនាំចូលទៅក្នុងសហភាពអឺរ៉ុបត្រូវបង់អាករតម្លៃបន្ថែម ដោយមិនគិតពីតម្លៃនោះទេ។ 

ថ្មីៗនេះ យើងបានរៀបចំសិក្ខាសាលាអនឡាញសម្រាប់អតិថិជន ដែលពិភាក្សាអំពីការដកចេញនូវការលើកលែងពន្ធក្នុងកម្រិតអប្បបរមារបស់សហភាពអឺរ៉ុប ដែលនឹងមានប្រសិទ្ធភាពចាប់ពីថ្ងៃទី 1 ខែកក្កដា ឆ្នាំ 2026 នេះ។ មើលកំណត់ត្រា ដើម្បីបន្តទទួលបានពត៌មានថាតើលក្ខខណ្ឌតម្រូវដែលកំពុងវិវត្តទាំងនេះអាចប៉ះពាល់ដល់ដំណើរការដឹកជញ្ជូនឆ្លងដែន និងដំណើរការអនុលោមភាពរបស់លោកអ្នកឬទេ។

បន្តទទួលដំណឹងថ្មីៗអំពីបទប្បញ្ញត្តិថ្មីៗតាមរយៈការណែនាំរបស់យើងស្តីពី ការនាំចូលតាមច្រកចេញចូលតែមួយ (IOSS) និង លេខសម្គាល់ផលិតផល (PID)