សេវាកម្ម ការធ្វើបច្ចុប្បន្នភាពបទប្បញ្ញត្តិ និងការជូនដំណឹងសំខាន់ៗ

ការស្ដារឡើងវិញនៃប្រតិបត្តិការនៅប្រទេសវៀតណាមកំពុងដំណើរការល្អ ដោយលំហូរទំនិញតាមដំណាក់កាលបញ្ចេញទំនិញ និងការដឹកជញ្ជូនដល់ដៃអតិថិជន កំពុងមានស្ថិរភាព ខណៈដែលបរិមាណបញ្ញើទំនិញកកស្ទះបានថយចុះ។ នៅពេលស្ថានភាពបន្តមានភាពប្រសើរឡើង កម្រិតសេវាកម្មនៅទូទាំងបណ្តាញដឹកជញ្ជូនកំពុងត្រូវបានពង្រឹង ដែលអាចឱ្យអតិថិជនកាន់តែច្រើនអាចផ្ញើ និងទទួលទំនិញបានដោយជោគជ័យ។

ស្របតាមការកែលម្អទាំងនេះ ចាប់ពីថ្ងៃទី 15 ខែមិថុនា ឆ្នាំ 2026 ពេលវេលាដឹកជញ្ជូន នឹងត្រូវបានកែសម្រួលដូចខាងក្រោម៖

• ពីគ្រប់ប្រទេសទូទាំងពិភពលោកទៅកាន់ទីក្រុងហាណូយ៖ ដកចេញពេលវេលាដឹកជញ្ជូនបន្ថែមទាំងអស់
• ពីគ្រប់ប្រទេសទូទាំងពិភពលោកទៅកាន់ទីក្រុងហូជីមិញ៖ ការបន្ថែមពេលវេលាដឹកជញ្ជូនជាបណ្តោះអាសន្ន នឹងត្រូវបានកាត់បន្ថយពី +2 ថ្ងៃ មក +1 ថ្ងៃ

ចំណាំ៖ ការបន្ថែមពេលវេលាដឹកជញ្ជូនត្រូវបានគណនាជា ថ្ងៃធ្វើការ និងអនុវត្តចំពោះសេវាកម្មទាំងអស់។ សម្រាប់បញ្ញើទំនិញដែលបានទទួលក្រោយម៉ោងកាត់ផ្ដាច់ នឹងត្រូវបានដំណើរការនៅថ្ងៃធ្វើការបន្ទាប់។

ក្រុមការងាររបស់យើង នៅតែបន្តផ្តោតលើការធ្វើឱ្យប្រតិបត្តិការមានស្ថិរភាព និងស្ដារឡើងវិញនូវភាពស៊ីសង្វាក់នៃសេវាកម្មឱ្យបានឆាប់រហ័សតាមដែលអាចធ្វើទៅបាន។ យើងនឹង បន្តជូនដំណឹងអំពីបច្ចុប្បន្នភាពជាបន្តបន្ទាប់។

1. បច្ចុប្បន្នភាពពេលវេលាដឹកជញ្ជូននៅវៀតណាម 

យោងតាមការជូនដំណឹងរបស់យើងនាពេលថ្មីៗនេះ FedEx បានធ្វើការផ្លាស់ប្តូរប្រតិបត្តិការដើម្បីពង្រឹងសមត្ថភាពរបស់យើងនៅវៀតណាម។ ក្នុងអំឡុងពេលនេះ ការបូករួមបញ្ចូលគ្នានៃថ្ងៃឈប់សម្រាកសាធារណៈ ការកើនឡើងនៃបរិមាណបញ្ញើទំនិញ និងការកែសម្រួលប្រព័ន្ធផ្ទៃក្នុង បានបង្កើតជាសម្ពាធលើសមត្ថភាពដំណើរការបញ្ញើជាបណ្តោះអាសន្ន។ 

ក្រុមការរបស់យើង កំពុងធ្វើការមិនឈប់ឈរដើម្បីស្ដារស្ថេរភាពប្រតិបត្តិការ និងស្តារកម្រិតសេវាកម្ឲ្យមកមធម្មតាវិញឱ្យបានឆាប់តាមដែលអាចធ្វើទៅបាន។ ជាមួយនឹងការរីកចម្រើនថេរនៅទូទាំងបណ្តាញដឹកជញ្ជូន ពត៌មានខាងក្រោមនឹងមានប្រសិទ្ធភាពចាប់ពី ថ្ងៃទី 1 ខែមិថុនា ឆ្នាំ 2026 នេះតទៅ៖ 

• ពីប្រទេសវៀតណាមទៅទូទាំងពិភពលោក៖ ពេលវេលាដឹកជញ្ជូននឹង ត្រឡប់មកស្ថានភាពធម្មតាវិញ 
• ពីទូទាំងពិភពលោកទៅកាន់ទីក្រុងហាណូយ៖ ការពន្យារពេលវេលាដឹកជញ្ជូនជាបណ្តោះអាសន្ន បានកាត់បន្ថយពី +2 ថ្ងៃទៅ +1 ថ្ងៃ វិញ 
• ពីទូទាំងពិភពលោកទៅកាន់ទីក្រុងហូជីមិញ៖ ការពន្យារពេលវេលាដឹកជញ្ជូនជាបណ្តោះអាសន្ន បានកាត់បន្ថយពី +4 ថ្ងៃទៅ +2 ថ្ងៃ វិញ 

ចំណាំ៖ ពេលវេលាដឹកជញ្ជូនដែលបានពន្យារពេល ត្រូវបានគិតជាថ្ងៃធ្វើការ និងអនុវត្តចំពោះគ្រប់សេវាកម្មទាំងអស់។ បញ្ញើទំនិញដែលត្រូវបានទទួលយកបន្ទាប់ពីម៉ោងកាត់ផ្ដាច់ នឹងត្រូវបានដំណើរការនៅថ្ងៃធ្វើការបន្ទាប់។ 

2. ការផ្លាស់ប្តូរលេខកូដឃ្លាំងនៅទីក្រុងហូជីមិញ 

យោងតាមសេចក្តីជូនដំណឹងផ្លូវការថ្មីបំផុតពីការិយាល័យសារពើពន្ធនៃការដឹកជញ្ជូន លេខកូដឃ្លាំងសម្រាប់ទីក្រុងហូជីមិញ នឹងផ្លាស់ប្តូរពី 02DSEDA ទៅ 06DSEDA ដែលមានប្រសិទ្ធិភាពចាប់ពី ថ្ងៃទី 1 ខែមិថុនា ឆ្នាំ 2026 នេះតទៅ។ 

• បញ្ញើនាំចេញ/នាំចូល ដែលមានកាលបរិច្ឆេទដាក់ស្នើប្រតិវេទន៍ មុនថ្ងៃទី 1 ខែមិថុនា ឆ្នាំ 2026 ប្រតិវេទន៍ត្រូវតែប្រើប្រាស់លេខកូដឃ្លាំង 02DSEDA   
• បញ្ញើនាំចេញ/នាំចូល ដែលមានកាលបរិច្ឆេទដាក់ស្នើប្រតិវេទន៍ នៅត្រឹម ឬបន្ទាប់ពីថ្ងៃទី 1 ខែមិថុនា ឆ្នាំ 2026 ប្រតិវេទន៍ត្រូវតែប្រើប្រាស់លេខកូដឃ្លាំង 06DSEDA

ប្រសិនបើលោកអ្នកប្រើប្រាស់អ្នករត់ការសារពើពន្ធផ្សេងក្រៅពី FedEx សូមប្រាកដថាបានប្រើប្រាស់លេខកូដឃ្លាំងដែលត្រឹមត្រូវនៅពេលបំពេញ បែបបទប្រតិវេទន៍សារពើពន្ធ និង ទម្រង់ 30 ដើម្បីជៀសវាងការពន្យាពេលណាមួយ។ 

ក្នុងរយៈពេលប៉ុន្មានសប្តាហ៍ថ្មីៗនេះ ការពន្យារពេលដឹកជញ្ជូន និងការកកស្ទះទំនិញដែលពាក់ព័ន្ធនឹង FedEx នៅវៀតណាម បានប៉ះពាល់ដល់អាជីវកម្ម និងអតិថិជន ហើយនិងបានជំរុញឱ្យមានសកម្មភាពស្ដារឡើងវិញយ៉ាងទូលំទូលាយនៅគ្រប់បណ្ដាញដឹកជញ្ជូន។ 

ការផ្លាស់ប្តូរដ៏ស្មុគស្មាញនៅពីក្រោយការរំខាននេះ 

ការរំខាននេះ បានកើតឡើងស្របពេលជាមួយនឹងការផ្លាស់ប្តូរប្រតិបត្តិការទៅកាន់ដៃគូ និងបច្ចេកវិទ្យាថ្មីដ៏សំខាន់។ ការផ្លាស់ប្តូរនេះ បង្ហាញពីការឆ្ពោះទៅកាន់គំរូប្រតិបត្តិការដែលមានការរួមបញ្ចូលគ្នាច្រើនជាងមុន និងស្របតាមស្តង់ដារសកលរបស់ FedEx។ ជារួម វារាប់បញ្ចូលការផ្លាស់ទៅកាន់បណ្ដាញដឹកជញ្ជូនគាំទ្រដោយបច្ចេកវិទ្យា និងការណែនាំដំណើរប្រតិបត្តិការថ្មី។ 

ស្របពេលដែលការផ្លាស់ប្តូរទាំងនេះ នឹងពង្រឹងសមត្ថភាព ចក្ខុវិស័យ និងការពង្រីកសមត្ថភាពក្នុងរយៈពេលវែងក៏ដោយ ភាពស្មុគស្មាញនៃការដំឡើងប្រព័ន្ធ ដំណើរការ និងក្រុមការងារថ្មីៗជាបន្តបន្ទាប់ក្នុងពេលតែមួយ បានបង្កើតបញ្ហាប្រឈមនៅក្នុងដំណាក់កាលផ្លាស់ប្តូរនេះ។ នៅពេលប្រព័ន្ធ និងប្រតិបត្តិការមានស្ថិរភាពឡើងវិញ កម្រិតសេវាកម្ម ត្រូវបានរំពឹងថានឹងត្រឡប់ទៅស្ថានភាពធម្មតាវិញក្នុងពេលដ៏ខ្លីខាងមុខ។ 

ខណៈពេលដែលការព្រួយបារម្ភរបស់អតិថិជនមានការកើនឡើងទាំងនៅលើបណ្ដាញសង្គម និងវេទិកានានាក្នុងស្រុក FedEx បានទទួលស្គាល់ស្ថានការណ៍នេះជាសាធារណៈ ហើយបានចាត់វិធានការយ៉ាងឆាប់រហ័ស ដើម្បីធ្វើឱ្យប្រតិបត្តិការមានស្ថិរភាព និងស្ដារឡើងវិញនូវទំនុកចិត្តមកលើសេវាកម្មរបស់យើង។ 

លោក Masamichi Ujiie ប្រធានប្រចាំតំបន់ប៉ាស៊ីហ្វិកខាងជើង និងខាងត្បូង របស់ FedEx បានមានប្រសាសន៍ថា៖ «យើងទទួលស្គាល់ទាំងស្រុងចំពោះការរំខានលើសេវាកម្មដែលអតិថិជនរបស់យើងនៅវៀតណាមកំពុងជួបប្រទះ ព្រមទាំងផលប៉ះពាល់របស់វាចំពោះប្រតិបត្តិការរបស់ពួកគេ។ យើងកំពុងដោះស្រាយបញ្ហានេះដោយមោះមុត និងបន្ទាន់ជាទីបំផុត។» 

សកម្មភាពដាច់ខាតដើម្បីធ្វើឱ្យប្រតិបត្តិការមានស្ថិរភាពវិញ 

ក្រុមហ៊ុន បានចាត់វិធានការដាច់ខាតនានា ដើម្បីបង្កើនល្បឿនការស្ដារឡើងវិញ និងស្ដារស្ថិរភាពនៃប្រតិបត្តិការ។ វិធានការទាំងនេះ រួមមានការពង្រឹងសមត្ថភាពលើការបែងចែកទំនិញ ការបញ្ចេញទំនិញ និងជំនួយអតិថិជនតាមរយៈការដាក់ធនធានបន្ថែម ព្រមទាំងការជ្រើសរើសបុគ្គលិកមូលដ្ឋាន ដើម្បីជួយដល់ប្រតិបត្តិការ បន្ថែមពីលើការបង្កើនកម្រិតបុគ្គលិកដល់ទៅ 150% ដែលបានដាក់ពង្រាយសម្រាប់ដំណាក់កាលផ្លាស់ប្តូរនេះ។ 

ធាតុសំខាន់មួយនៃកិច្ចខិតខំស្ដារឡើងវិញ គឺការបង្កើតក្រុមការងារស្ដារឡើងវិញតាមមុខងារនានាដែលមានភារកិច្ចជាក់លាក់ ដោយរួមមានផ្នែកប្រតិបត្តិការ ផ្នែកតាមដាន ផ្នែកបទពិសោធន៍អតិថិជន ការបញ្ចេញទំនិញ វិស្វកម្ម បច្ចេកវិទ្យាពត៌មាន និងផ្នែកលក់ផងដែរ។ ក្រុមនេះ ផ្តោតលើការផ្តល់អាទិភាពដល់ទំនិញសំខាន់ៗ និងករណីអតិថិជនជារៀងរាល់ថ្ងៃ ស្របពេលរក្សាការសម្របសម្រួលយ៉ាងជិតស្និទ្ធជាមួយអាជ្ញាធរត្រួតពិនិត្យ ដើម្បីរក្សាភាពស្របគ្នា និងការអនុលោមតាមច្បាប់។ 

វឌ្ឍនភាពជាបន្តបន្ទាប់នៅទូទាំងបណ្ដាញដឹកជញ្ជូន 

យោងតាម FedEx ការស្ដារឡើងវិញនៃប្រតិបត្តិការកំពុងដំណើរការ ដោយមានការកែលម្អដែលអាចមើលឃើញយ៉ាងច្បាស់លាស់នៅទូទាំងបណ្ដាញដឹកជញ្ជូនទាំងអស់។ បច្ចុប្បន្ន ទំនិញនាំចូលទាំងអស់ ស្ថិតនៅក្នុងប្រទេសវៀតណាមរួចហើយ ដែលធ្វើឲ្យការគ្រប់គ្រងកាន់តែប្រសើរឡើងលើ ការដំណើរការ និងការប្រគល់ទំនិញ ខណៈកម្រិតទំនិញកកស្ទះសរុបបន្តធ្លាក់ចុះជិត 50% ពីកម្រិតខ្ពស់បំផុតកាលពីដើមខែឧសភា។ លំហូរបញ្ញើទំនិញចាប់ពីការបញ្ចេញទំនិញរហូតដល់ការដឹកជញ្ជូនចុងក្រោយ កំពុងមានស្ថិរភាពកាន់តែច្រើន ដោយសារប្រសិទ្ធភាពនៃការបញ្ចេញទំនិញ និងការចាត់ចែងទំនិញបញ្ញើទំនិញចូល ដែលកាន់តែប្រសើរជាងមុន។ 

FedEx បានបន្ថែមថា សមត្ថភាពនៃការទៅទទួលទំនិញ និងការដឹកចេញក្នុងថ្ងៃតែមួយសម្រាប់ទំនិញនាំចេញ កំពុងមាននិន្នាការឆ្ពោះទៅរកកម្រិតនៅមុនការផ្លាស់ប្តូរ ខណៈបច្ចុប្បន្នមានការប្រគល់ទំនិញប្រហែល 4,500 បញ្ញើ ត្រូវបានបញ្ចប់ជារៀងរាល់ថ្ងៃ ដែលវាបានបង្ហាញពីការកើនឡើងនៃសមត្ថភាពដំណើរការនៅទូទាំងបណ្ដាញដឹកជញ្ជូន។ 

យោងតាម FedEx ក្រុមការងារកំពុងគ្រប់គ្រងការកើនឡើងយ៉ាងខ្លាំងនៃការទាក់ទងពីអតិថិជន ដោយដោះស្រាយសំណួរប្រហែលជា 250% ច្រើនជាងមុនក្នុងមួយថ្ងៃ។ ជាការឆ្លើយតប ធនធានត្រូវបានពង្រីកជិត 90% រួមមានការបង្កើនសមត្ថភាពខ្សែទូរស័ព្ទបន្ទាន់ ការគាំទ្របន្ថែមពីក្រៅប្រទេស និងការពង្រីកម៉ោងប្រតិបត្តិការ ដើម្បីបង្កើនសមត្ថភាពឆ្លើយតប។ 

ការប្តេជ្ញាចំពោះការអនុលោមតាមច្បាប់ និងសុចរិតភាព 

FedEx ក៏បានឆ្លើយតបទៅនឹងការព្រួយបារម្ភទាក់ទងនឹងការបញ្ចេញទំនិញពីគយ និងសុចរិតភាពប្រតិបត្តិការ ដោយបញ្ជាក់ថាទំនិញទាំងអស់នៅតែបន្តត្រូវបានចាត់ចែងស្របតាមតម្រូវការ់នៃបទប្បញ្ញត្តិដែលអាចអនុវត្តបានទាំំងអស់។ ក្រុមហ៊ុនដំណើរដោយមានការអនុម័តជាចាំបាច់នៅវៀតណាម និងនៅតែប្តេជ្ញាចិត្តយ៉ាងមុតមាំចំពោះការអនុលោមតាមច្បាប់នៅគ្រប់ផ្នែកនៃប្រតិបត្តិការរបស់ខ្លួន។ 

លោក Ujiie បានមានប្រសាសន៍ថា៖  «សុវត្ថិភាព ការអនុលោមតាមច្បាប់ និងសុចរិតភាព នៅតែជាគោលការណ៍ដែលមិនអាចចរចាបាន ក្នុងការធ្វើប្រតិបត្តិការរបស់យើង។ យើងបន្តធ្វើការយ៉ាងជិតស្និទ្ធជាមួយអាជ្ញាធរត្រួតពិនិត្យវៀតណាម គាំទ្រដោយទិន្នន័យ និងឯកសារប្រតិបត្តិការដែលមានតម្លាភាពច្បាស់លាស់ ដើម្បីធានាការអនុលោមតាមច្បាប់ពេញលេញនៅគ្រប់ដំណាក់កាលទាំងអស់។» 

FedEx បានបន្ថែមថា ការចូលរួមជាមួយអាជ្ញាធរនៅតែបន្ត ដោយមានការពង្រឹងបន្ថែមនូវការគ្រប់គ្រងផ្ទៃក្នុង និងការត្រួតពិនិត្យ ដើម្បីធានាថាដំណើរការមានភាពរឹងមាំ និងត្រូវបានអនុវត្តយ៉ាងស៊ីសង្វាក់។ 

ការផ្តោតលើការស្ដារឡើងវិញ និងអតិថិជន 

ខណៈពេលដែលកិច្ចខិតខំស្ដារឡើងវិញបន្តដំណើរការ ក្រុមហ៊ុនបានឱ្យដឹងថា ខ្លួននៅតែផ្តោតលើការសម្អាតទំនិញកកស្ទះដែលនៅសេសសល់ ការកែលម្អប្រសិទ្ធភាពដំណើរការ និងការពង្រឹងការសម្របសម្រួលរវាងការបញ្ចេញទំនិញញ ប្រតិបត្តិការ និងការប្រគល់ទំនិញ។ ការផ្តោតជាបន្តបន្ទាប់ក៏ត្រូវបានដាក់លើការកែលម្អការទំនាក់ទំនង និងសមត្ថភាពឆ្លើយតបទៅកាន់អតិថិជនផងដែរ។ 

ការផ្លាស់ប្តូរនេះជាជំហានមួយឆ្ពោះទៅកាន់គំរូប្រតិបត្តិការដែលមានការរួមបញ្ចូលគ្នាច្រើនជាងមុន ដែលត្រូវបានរចនាឡើងដើម្បីបង្កើនចក្ខុវិស័យ ពង្រឹងការគ្រប់គ្រងបណ្ដាញដឹកជញ្ជូន និងផ្តល់សេវាកម្មដែលអាចទុកចិត្តបានកាន់តែខ្លាំងជាងមុន ក្នុងរយៈពេលវែង។ 

FedEx នៅតែប្តេជ្ញាស្ដារឡើងវិញនូវទំនុកចិត្តរបស់អតិថិជន តាមរយៈសកម្មភាពជាបន្តបន្ទាប់ ការទំនាក់ទំនងប្រកបដោយតម្លាភាព និងវឌ្ឍនភាពដែលប្រកបដោយនិរន្តរភាព។ 

កាលពីចុងសប្ដាហ៍មុននេះ យើងបានធ្វើឲ្យវឌ្ឍនភាពនៃការស្តារឡើងវិញនូវសេវាកម្មរបស់យើងមានការរីកចម្រើនគួរឲ្យកត់សម្គាល់ជាបន្តបន្ទាប់ បន្ទាប់ពីការផ្លាស់ប្តូរប្រតិបត្តិការនៅប្រទេសវៀតណាមកាលពីចុងខែមេសានេះ។ នៅថ្ងៃនេះ យើងបានមើលឃើញភាពប្រសើរឡើងយ៉ាងជាក់ស្តែងនៅទូទាំងបណ្តាញរបស់យើង៖ 

• ការកកស្ទះបញ្ញើទំនិញកំពុងថយចុះជាបន្តបន្ទាប់ – ការកកស្ទះនៅច្រកចេញចូលផ្លូវអាកាសនៅទីក្រុងហូជីមិញ (SGN) បានថយចុះប្រមាណ 80% ពីកម្រិតកំពូល និងប្រមាណ 50% នៅទីក្រុងហាណូយ (HAN)។ 

• ប្រតិបត្តិការនាំចូលកំពុងមានស្ថេរភាព – បញ្ញើនាំចូលថ្មីៗ កំពុងត្រូវបានដំណើរការដោយរលូន។ 

• ភាពបត់បែនជូនអតិថិជនដែលកាន់តែប្រសើរ – ឥឡូវនេះ លោកអ្នកអាចរៀបចំការទៅយកទំនិញដោយខ្លួនឯងបានទាំងនៅទីក្រុងហាណូយ និងហូជីមិញ។ 

• ដំណើរការជំនួយអតិថិជនដែលបានកែលម្អ – ការទំនាក់ទំនងតាមខ្សែទូរស័ព្ទបន្ទាន់ បានកើនឡើងប្រមាណ 30% ដោយការបង្កើនធនធានផ្នែកហៅទូរស័ព្ទ អ៊ីមែល និងការសាកសួរពីការតាមដាន។ 

អតិថិជន នឹងបន្តមើលឃើញវឌ្ឍនភាពនេះ តាមរយៈការបញ្ចេញទំនិញ និងការដឹកជញ្ជូនដែលលឿនជាងមុនក្នុងមួយសប្ដាហ៍ ជាពិសេសសម្រាប់បញ្ញើអាទិភាព និងបញ្ញើដែលរងផលប៉ះពាល់ខ្លាំង។ 

ការផ្តោតចម្បងរបស់យើង នៅតែទៅលើការស្តារនូវទំនុកចិត្ត ជម្រុញដំណើរការដឹកជញ្ជូនទំនិញឲ្យលឿន និងកសាងនូវទំនុកចិត្តរបស់លោកអ្នកមកលើសេវាកម្មរបស់យើងឡើងវិញ។ 

យើងទទួលស្គាល់ថាការរំខានដែលបានកើតឡើងក្នុងរយៈពេលប៉ុន្មានសប្ដាហ៍ចុងក្រោយនេះ ហើយយើងទទួលខុសត្រូវទាំងស្រុងចំពោះផលប៉ះពាល់ទៅលើអាជីវកម្មរបស់លោកអ្នក។ យើងសូមថ្លែងអំណរគុណសម្រាប់ការអត់ធ្មត់របស់លោកអ្នក និងភាពជាដៃគូបន្តបន្ទាប់ក្នុងពេលអនាគតជាមួយគ្នា។ 

សូមអរគុណសម្រាប់ការបន្តទុកចិត្តរបស់លោកអ្នកមកលើ FedEx។ 

យោងតាមការជូនដំណឹងរបស់យើងនាពេលថ្មីៗនេះ FedEx បានធ្វើការផ្លាស់ប្តូរប្រតិបត្តិការថ្មីៗនេះ ដែលជាផ្នែកមួយនៃកិច្ចខិតខំប្រឹងប្រែងរបស់យើងដើម្បីពង្រឹងសមត្ថភាពរបស់យើងនៅក្នុងទីផ្សារវៀតណាម។ ក្នុងអំឡុងពេលនេះ ការរួមបញ្ចូលគ្នានៃថ្ងៃឈប់សម្រាកសាធារណៈ បរិមាណបញ្ញើទំនិញកើនឡើង និងការកែសម្រួលប្រព័ន្ធខាងក្នុង បានដាក់សម្ពាធជាបណ្ដោះអាសន្នលើសមត្ថភាពដំណើរការរបស់យើង។ ដោយសារតែបញ្ហានេះ អតិថិជនមួយចំនួនអាចប្រឈមនឹងរយៈពេលដឹកជញ្ជូនយូរជាងធម្មតា សម្រាប់ការដឹកជញ្ជូនទៅ និងមកពីប្រទេសវៀតណាម។  

ក្រុមការងាររបស់យើង កំពុងធ្វើការយ៉ាងសកម្មដើម្បីធ្វើឱ្យប្រតិបត្តិការមានស្ថេរភាពឡើងវិញ និងស្ដារកម្រិតសេវាកម្មមកធម្មតាឱ្យបានលឿនបំផុតតាមដែលអាចធ្វើទៅបាន។ ខណៈពេលដែលស្ថានភាពកំពុងវិវឌ្ឍកាន់តែប្រសើរឡើង វាអាចនឹងចំណាយពេលខ្លះ ដើម្បីសម្អាតបញ្ញើដែលបានកកស្ទះទាំងអស់ និងធ្វើឱ្យប្រតិបត្តិការត្រលប់ទៅមធម្មតាទាំងស្រុងវិញបាន។  

ដើម្បីគាំទ្រស្ថេរភាពប្រតិបត្តិការ វិធានការបណ្ដោះអាសន្នខាងក្រោមត្រូវបានអនុវត្ត៖  

1. ការបន្ថែមពេលវេលាដឹកជញ្ជូន៖ ពេលវេលាដឹកជញ្ជូនសម្រាប់សេវាកម្មទាំងអស់ទៅ និងមកពីវៀតណាម ត្រូវបានបន្ថែមចំនួនពីរទៅបួនថ្ងៃជាបណ្ដោះអាសន្ន ហើយមានប្រសិទ្ធភាពចាប់ពីថ្ងៃទី 8 ខែឧសភា ឆ្នាំ 2026 រហូតដល់មានការជូនដំណឹងបន្ថែម។  
2. ការផ្អាកសេវាកម្មបណ្ដោះអាសន្ន៖ សេវាកម្មរួមមាន FedEx International Economy®, FedEx International Economy® Freight និង FedEx® International Economy DirectDistribution ចេញពីអាស៊ីទៅទីក្រុងហូជីមិញ (SGN) ត្រូវបានផ្អាកជាបណ្ដោះអាសន្ន និងមានប្រសិទ្ធភាពចាប់ពីថ្ងៃទី 11 ខែឧសភា ឆ្នាំ 2026 រហូតដល់មានការជូនដំណឹងបន្ថែម។ អតិថិជន អាចបន្តដឹកជញ្ជូនដោយប្រើប្រាស់សេវាកម្ម FedEx International Priority បាន។  

វិធានការទាំងនេះ គឺគ្រាន់តែជាវិធានបណ្ដោះអាសន្នតែប៉ុណ្ណោះ ហើយនឹងត្រូវបានដកចេញនៅពេលដែលប្រសិទ្ធភាពប្រតិបត្តិការមានភាពប្រសើរឡើង។  

យើងសូមអភ័យទោសចំពោះភាពរអាក់រអួលនានាដែលបណ្តាលមកពីស្ថានភាពខាងលើនេះ និងសូមថ្លែងអំណរគុណចំពោះភាពអត់ធ្មត់ និងការយោគយល់របស់លោកអ្នកក្នុងអំឡុងពេលនេះ។  

យើងនឹងបន្តតាមដានស្ថានភាពយ៉ាងជិតស្និទ្ធ និងធ្វើការជូនដំណឹងដល់លោកអ្នកនូវព័ត៌មានបច្ចុប្បន្នភាពជាបន្តបន្ទាប់។ ក្រុមការងាររបស់យើង នៅតែប្ដេជ្ញាចិត្តក្នុងការគាំទ្រតម្រូវការដឹកជញ្ជូនរបស់លោកអ្នកជានិច្ច។  

ចាប់ពីថ្ងៃទី 4 ខែឧសភា ឆ្នាំ 2026 តទៅ សេវាកម្ម FedEx International Priority® Express (IPE) — សេវាកម្មអន្តរជាតិកម្រិតគុណភាពខ្ពស់ដែលមានពេលវេលាកំណត់ — នឹងពង្រីកវិសាលភាពសេវាគ្របដណ្ដប់តំបន់ Clark Field Pampanga នៃប្រទេសហ្វ៊ីលីពីន (លេខកូដប្រៃសណីយ៍ 2023) ដែលជាតំបន់បានជ្រើសរើស បន្ថែមពីលើទីតាំងដែលមានស្រាប់រួមមាន អូស្ត្រាលី ចិនដីគោក តំបន់រដ្ឋបាលពិេសសហុងកុង ជប៉ុន សិង្ហបុរី និងថៃ។ ការកែលម្អនេះ គឺជាផ្នែកមួយនៃការប្តេជ្ញាចិត្តរបស់យើងក្នុងការកែលំអរបណ្តាញដឹកជញ្ជូនរហ័ស និងជួយអាជីវកម្មនៅទូទាំងអាស៊ីប៉ាស៊ីហ្វិកផ្ញើរបញ្ញើជាមួយល្បឿនកាន់តែលឿន ទំនុកចិត្ត និងភាពជឿជាក់កាន់តែខ្ពស់។ 

តើនេះមានន័យដូចម្តេចសម្រាប់លោកអ្នក 

ជាមួយសេវាកម្ម FedEx International Priority® Express លោកអ្នកអាចទទួលបាន៖ 

• ពេលវេលាដឹកជញ្ជូនលឿនបំផុតតាមបណ្តាញអាកាសចរណ៍ប្រណិតរបស់យើង 
• ដឹកជញ្ជូនត្រឹម 1-2 ថ្ងៃធ្វើការ ទៅកាន់ទិសដៅមួយចំនួន 
• ការប្តេជ្ញាប្រគល់ទំនិញអោយដល់ត្រឹមថ្ងៃត្រង់ នៅទិសដៅទីផ្សារអន្តរជាតិសំខាន់ៗ" 

មិនថាលោកអ្នកកំពុងផ្ញើគ្រឿងបន្លាស់សំខាន់ៗ ឯកសារចាំបាច់ ឬទំនិញដែលទាមទារពេលវេលាតិចឡើយ សេវាកម្ម IPE នឹងធានាការដឹកជញ្ជូនរបស់លោកអ្នកទៅដល់ទាន់ពេលវេលា និងប្រកបដោយទំនុកចិត្ត។ 

តើលោកអ្នកត្រៀមខ្លួនរួចរាល់ហើយឬនៅក្នុងការបញ្ជូនកាន់តែលឿនជាងមុន? 

សាកល្បងភាពខុសគ្នាជាមួយសេវាកម្ម FedEx International Priority Express ហើយធ្វើឲ្យអាជីវកម្មរបស់អ្នកនាំមុខគេឥឡូវនេះ។ សូមចូលទៅកាន់ fedex.com ដើម្បីស្វែងយល់បន្ថែមអំពីសេវាកម្ម ឬទំនាក់ទំនងអ្នកតំណាងផ្នែកលក់របស់លោកអ្នកសម្រាប់ព័ត៌មានបន្ថេម។ 

សូមអរគុណចំពោះការជ្រើសរើស FedEx — ជាអ្នកដែលចាត់ទុកបញ្ញើរបស់លោកអ្នកជាអាទិភាពរបស់យើងជានិច្ច។ 

ដើម្បីសម្រួលដំណើរការផ្ទៀងផ្ទាត់ការបង់ប្រាក់ និងធានាដំណើរការទូទាត់ប្រាក់ទាន់ពេលវេលា​ អតិថិជននៅកម្ពុជាទាំងអស់ សូមផ្ញើការជូនដំណឹងបញ្ជាក់ការបានទូទាត់ប្រាក់ នៅក្នុងថ្ងៃក្នុងថ្ងៃតែមួយនៃថ្ងៃដែលលោកអ្នកធ្វើការទូទាត់ប្រាក់។ ការជូនដំណឹងអំពីការបានទូទាត់ប្រាក់ ត្រូវរួមបញ្ចូលព័ត៌មានចាំបាច់ទាំងអស់ ហើយត្រូវផ្ញើក្នុងទម្រង់ដែលទទួលយកបាន​ (លិខិត បញ្ជាក់ការបានផ្ទេរប្រាក់ក្នុងទម្រង់ PDF របស់ធនាគារ)។ ទម្រង់ដែលអាចទទួលយកបានផ្សេងទៀត រួមមាន រូបភាពថតអេក្រង់ដែលច្បាស់ (JPG, JPEG, PNG, TIFF) ឬអ៊ីមែលសរសេរអក្សរដែលមានព័ត៌មានលម្អិតដែលត្រូវការទាំងអស់។

រួមបញ្ចូល៖ | លេខគណនី FedEx | លេខវិក្កយបត្រ FedEx | ចំនួនទឹកប្រាក់បានទូទាត់ (រូបិយប័ណ្ណក្នុងស្រុក) | កាលបរិច្ឆេទទូទាត់ប្រាក់ | កំណត់សម្គាល់ផ្សេងៗ (បើមាន)

អ៊ីមែលដាច់ដោយឡែកសម្រាប់ការផ្ញើការជូនដំណឹងបញ្ជាក់ការបានទូទាត់ប្រាក់

• ផ្ញើព័ត៌មានពីការទូទាត់ប្រាក់ទាំងអស់ទៅកាន់អាសយដ្ឋានអ៊ីម៉ែលផ្តាច់មុខសម្រាប់ប្រទេស៖ KH-paymentadvice@fedex.com
• សូមកុំផ្ញើព័ត៌មានពីការទូទាត់ប្រាក់ទៅកាន់អាសយដ្ឋានអ៊ីមែលទូទៅ ឬអ៊ីមែលរួមណាមួយឲ្យសោះ ដើម្បីជៀសវាងការពន្យាពេល ឬការផ្ទៀងផ្ទាត់មិនត្រឹមត្រូវ។

ផលប៉ះពាល់ពីការផ្ញើការជូនដំណឹងបញ្ជាក់ការបានទូទាត់ប្រាក់ យឺតយ៉ាវ ឬមិនពេញលេញ

• ការផ្គូផ្គងការទូទាត់របស់លោកអ្នកមានភាពយឺតយ៉ាវ បង្កើតជាភាពខុសគ្នា និងអាចប៉ះពាល់ដល់ស្ថានភាពគណនីរបស់លោកអ្នក។
• ការពន្យារពេលបណ្ដោះអាសន្នលើដំណើរការបញ្ជាទិញ ការដឹកជញ្ជូននិងប្រគល់ទំនិញ ឬការផ្តល់សេវា អាចកើតឡើងប្រសិនបើមិនអាចផ្ទៀងផ្ទាត់ការទូទាត់បានទេ។
• កិច្ចខិតខំផ្នែករដ្ឋបាលបន្ថែម ដើម្បីតាមដាន និងផ្គូផ្គងការទូទាត់ដែលមិនត្រូវគ្នា អាចបង្កឱ្យការផ្ទៀងផ្ទាត់ការទូទាត់កាន់តែយឺតយ៉ាវថែមទៀត។

វិធីទូទាត់ប្រាក់ដែលអាចប្រើប្រាស់បាន — កម្ពុជា៖ យើងផ្ដល់ជូនវិធីទូទាត់ប្រាក់ងាយស្រួលច្រើនប្រភេទសម្រាប់កម្ពុជា រួមមាន៖

• ការផ្ទេរប្រាក់តាមប្រព័ន្ធអេឡិចត្រូនិក (EFT)
• កាតឥណទាន / កាតឥណពន្ធ
• ការទូទាត់តាមអនឡាញ តាមរយៈ FedEx Billing Online (FBO)

សម្រាប់ការណែនាំលម្អិត និងព័ត៌មានអំពីការទូទាត់ប្រាក់តាមប្រទេសជាក់លាក់ សូមចូលទៅកាន់ fedex.com/kh ។

សម្រាប់សំណួរ ឬការបញ្ជាក់ផ្សេងៗ សូមទំនាក់ទំនង fsckh@fedex.com ។ 

ត្រៀមខ្លួនឥឡូវនេះដើម្បីជៀសវាងការពន្យាពេល និងការរំខានដល់ការដឹកជញ្ជូនរបស់លោកអ្នក។ 

FedEx នៅទីនេះដើម្បីជួយលោកអ្នកត្រៀមខ្លួនជាស្រេច។ 

មានអ្វីកំពុងផ្លាស់ប្តូរ? 

ចាប់ពីថ្ងៃទី 1 ខែកក្កដា ឆ្នាំ 2026៖ 

• បញ្ចប់ការលើកលែងពន្ធ (de minimis) សម្រាប់ទំនិញមានតម្លៃទាបនាំចូលទៅក្នុងសហភាពអឺរ៉ុប  
• ពន្ធអាករថ្មីចំនួន €3 ត្រូវបានអនុវត្តចំពោះទំនិញ B2C ដែលមានតម្លៃ €150 ឬតិចជាងនេះ 
• លេខសម្គាល់ផលិតផលរបស់អ្នកលក់ លេខសម្គាល់ផលិតផលរបស់ក្រុមហ៊ុនផលិតដែលមិនស្តង់ដា និងលេខសម្គាល់ផលិតផលរបស់ក្រុមហ៊ុនផលិតដែលស្តង់ដា (ប្រសិនបើមាន) នឹងត្រូវបានទាមទារ។ យើងសូមណែនាំយ៉ាងខ្លាំងលើការផ្ដល់បន្ថែមលេខសម្គាល់ផលិតផលទាំងបីប្រភេទនេះ ចាប់ពីថ្ងៃទី 1 ខែកក្កដា ឆ្នាំ 2026 តទៅ ដើម្បីជួយធានាការបញ្ចេញទំនិញដោយរលូនសម្រាប់បញ្ញើដែលមានតម្លៃទាបទៅកាន់សហភាពអឺរ៉ុប ក្នុងការត្រៀមរៀបចំសម្រាប់ការប្រតិបត្តិជាកំហិតនៅថ្ងៃទី 1 ខែវិច្ឆិកា ឆ្នាំ 2026 យោងតាមការណែនាំពីអាជ្ញាធររបស់សហភាពអឺរ៉ុប។ 

ការរំលឹកចំពោះពត៌មានលម្អិត 

ការនាំចូលទាំងអស់ទៅក្នុងសហភាពអឺរ៉ុប ដែលមានតម្លៃពិតជាក់ស្ដែង €150 ឬតិចជាងនេះ នឹងត្រូវបង់ពន្ធចំនួន €3 ក្នុងមួយមុខទំនិញនៃប្រតិវេទន៍នាំចូល (ដែលអាចមានមួយឬច្រើនមុខទំនិញ អាស្រ័យលើការបែងចែកពន្ធ)។ 

មានករណីលើកលែងមួយចំនួន៖ 

• សម្រាប់អ្នកទទួលដែលជា B2B និងបានចុះបញ្ជីអាករលើតម្លៃបន្ថែម (VAT) នឹងអនុវត្តតម្លៃពន្ធស្តង់ដា 
• សម្រាប់បញ្ញើទំនិញក្រោមកិច្ចព្រមព្រៀងពាណិជ្ជកម្មសេរី៖ 
• មិនបានលក់តាមប្រព័ន្ធ IOSS អាចអនុវត្តការលើកលែងពន្ធបាន។ 
• លក់តាមប្រព័ន្ធ IOSS ពន្ធអាករចំនួន €3 នឹងត្រូវបានអនុវត្តទៅតាមមុខទំនិញនៃប្រតិវេទន៍។ 
   

ទាញយកការណែនាំលើការបញ្ចូលពត៌មានក្នុង IOSS 

ច្បាប់ VAT សម្រាប់ការនាំចូលទៅក្នុងសហភាពអឺរ៉ុប នៅតែរក្សារដដែល។ 

ការទាមទារទិន្នន័យបន្ថែម 

លេខកូដសម្គាល់ផលិតផល គឺជាសំណុំកូដដែលប្រើប្រាស់ដោយក្រុមហ៊ុនផលិត អ្នកលក់ វេទិកាលក់ និងទីផ្សារនានាដើម្បីសម្គាល់ផលិតផលរបស់ពួកគេ។ 

ចាប់ពីថ្ងៃទី 1 ខែកក្កដា ឆ្នាំ 2026 តទៅ សម្រាប់ទំនិញប្រើប្រាស់ដែលនាំចូលទៅក្នុងសហភាពអឺរ៉ុប ដែលមានតម្លៃពិតជាក់ស្ដែងមិនលើសពី €150 កូដចំនួនបី ត្រូវតែផ្តល់ទៅឱ្យអាជ្ញាធរពន្ធគយក្នុងអំឡុងពេលនៃដំណើរការបញ្ចេញទំនិញ។ 

1. កូដសម្គាល់ផលិតផលរបស់អ្នកលក់ 
2. កូដសម្គាល់ផលិតផលរបស់អ្នកផលិតដែលមិនស្តង់ដា 
3. កូដសម្គាល់ផលិតផលរបស់អ្នកផលិតដែលស្តង់ដា (ប្រសិនបើមានតែប៉ុណ្ណោះ) 

ចាប់ពីថ្ងៃទី 1 ខែកក្កដា ឆ្នាំ 2026 តទៅ ដើម្បីជួយធានាការបញ្ចេញទំនិញដោយរលូនសម្រាប់បញ្ញើដែលមានតម្លៃទាបទៅកាន់សហភាពអឺរ៉ុប ក្នុងការត្រៀមរៀបចំសម្រាប់ការប្រតិបត្តិជាកំហិតនៅថ្ងៃទី 1 ខែវិច្ឆិកា ឆ្នាំ 2026 យោងតាមការណែនាំពីអាជ្ញាធររបស់សហភាពអឺរ៉ុប។ 

ការទាមទារទិន្នន័យនេះ មិនអនុវត្តចំពោះការនាំចូល B2B ដែលបានចុះបញ្ជីអាករលើតម្លៃបន្ថែមនោះទេ។ 
 

ទាញយកការណែនាំរបស់យើងអំពីកូដសម្គាល់ផលិតផល (PID) 

នេះគឺជាអ្វីដែលលោកអ្នកត្រូវតែបញ្ជាក់ជាមួយអតិថិជនរបស់លោកអ្នកដែលស្ថិតនៅក្នុងដែនគយសហភាពអឺរ៉ុប៖ 

• សួរថាតើពួកគេបានចុះឈ្មោះអាករលើតម្លៃបន្ថែមឬនៅ និងធានាថាឯកសារទាំងអស់មានភាពត្រឹមត្រូវ 
• ធានាថាស្ថានភាពចុះឈ្មោះអាករលើតម្លៃបន្ថែមរបស់អ្នកទទួល ត្រូវបានចែករំលែកជាមួយយើង និងបង្ហាញយ៉ាងច្បាស់នៅក្នុងប្រព័ន្ធរបស់យើង និងនៅលើវិក្កយបត្រពាណិជ្ជកម្ម 
• ព្រមព្រៀងគ្នាជាមុនថាតើអ្នកណាជាអ្នកបង់ពន្ធគយ និងអាករ ដើម្បីជៀសវាងការចំណាយ ឬការពន្យារពេលដែលមិនបានរំពឹងទុក 
• ត្រូវប្រាកដថា IncoTerms^© ត្រូវគ្នាជាមួយពាក្យពេចន៍ដឹកជញ្ជូនរបស់ FedEx - ប្រសិនបើលោកអ្នកមិនជ្រើសរើស "Bill to Shipper" ទេ នោះពន្ធអាករ នឹងត្រូវបានកំណត់ដោយស្វ័យប្រវត្តិជា “Bill to Recipient” 
• កំណត់ការរំពឹងទុកឲ្យច្បាស់លាស់អំពីការផ្ញើត្រឡប់មកវិញ - អាករ/ពន្ធ អាចនឹងមិនអាចសងត្រឡប់វិញទេ 
• ធ្វើបច្ចុប្បន្នភាពលើតម្លាភាពនៅពេលបញ្ជាទិញ - ពិនិត្យលក្ខខណ្ឌ និងធ្វើឱ្យមានភាពច្បាស់លើការទទួលខុសត្រូវពន្ធអាករ 

ការធ្វើការជាមួយអតិថិជនរបស់លោកអ្នក នឹងធ្វើឱ្យតម្លាភាពកាន់តែច្បាស់លាស់ និងជៀសវាងទាំងការភ្ញាក់ផ្អើល និងការពន្យារពេលដែលមិនចាំបាច់។ 

ការផ្តល់អាសយដ្ឋានអ៊ីមែលអ្នកទទួលរបស់លោកអ្នក ក៏មានសារៈសំខាន់ផងដែរដើម្បីធានាឱ្យមានការទូទាត់ទាន់ពេលវេលានៃថ្លៃពន្ធ អាករ និងថ្លៃសេវាផ្សេងៗរបស់ FedEx ដែលអាចអនុវត្តបាននៅពេលនាំចូល។ 

ត្រៀមខ្លួនឥឡូវនេះ 

FedEx ដើរតួជាអ្នករត់ការសារពើពន្ធនៅពេលនាំចូលទៅកាន់ដែនគយសហភាពអឺរ៉ុប។ ប្រសិនបើយើងគ្មានពត៌មានត្រឹមត្រូវដែលអនុលោមតាមច្បាប់ថ្មីពាក់ព័ន្ធនឹងផលិតផលដែលបានលក់នៅក្នុងសហភាពអឺរ៉ុបនេះទេ បញ្ញើទំនិញរបស់លោកអ្នក នឹងមិនត្រូវបានអនុញ្ញាតឲ្យចូលដោយអាជ្ញាធរពន្ធគយជាតិទេ ហើយអតិថិជនរបស់លោកអ្នកនឹងមិនទទួលបានទំនិញរបស់ពួកគេឡើយ។ 

ពិនិត្យមើលដំណើរការ និងប្រព័ន្ធរបស់លោកអ្នកឥឡូវនេះដើម្បីធានាថាលោកអ្នកផ្តល់ទិន្នន័យផលិតផលពេញលេញ និងត្រឹមត្រូវ ហើយស្វែងយល់ពីការអនុវត្តពន្ធ និងអាករលើបញ្ញើទំនិញរបស់លោកអ្នក។ ដោយមានបទពិសោធន៍ជាង 50 ឆ្នាំក្នុងពាណិជ្ជកម្ម និងច្បាប់សកល FedEx នៅទីនេះដើម្បីគាំទ្រលោកអ្នកជានិច្ច។ 

យល់ដឹងអំពីការផ្លាស់ប្តូរ – ចូលទៅកាន់គេហទំព័រដាច់ដោយឡែករបស់យើង 

នៅថ្ងៃទី 20 កុម្ភៈ ឆ្នាំ 2026 តុលាការកំពូលនៃសហរដ្ឋអាមេរិកបានចេញសាលក្រមថាពន្ធដែលបានចេញក្រោមច្បាប់អំណាចសេដ្ឋកិច្ចបន្ទាន់អន្តរជាតិនេះ (IEEPA) គឺមិនស្របច្បាប់ឡើយ។ យើងយល់ថាព័ត៌មាននេះបានបង្កើតសំណួរអំពីពន្ធនិងបញ្ហាដែលបានវាយតម្លៃពីមុន។ យើងប្តេជ្ញាចិត្តជួយអតិថិជនរបស់យើងក្នុងការស្វែងរកបរិយាកាសច្បាប់ និងផ្តល់នូវព័ត៌មានបន្ថែមនៅពេលយើងមាន។ ការសម្រេចចិត្តរបស់តុលាការកំពូលមិនប៉ះពាល់ដល់ពន្ធនិងបញ្ហាផ្សេងទៀតឡើយ។ 

បំណងរបស់យើងគឺច្បាស់លាស់៖ ប្រសិនបើ FedEx ទទួលបានការសងប្រាក់វិញ យើងនឹងធ្វើការសងប្រាក់វិញទៅកាន់អ្នកផ្ញើសារ និងអ្នកប្រើប្រាស់ដែលបានទទួលបន្ទុកទាំងនេះដំបូង។ FedEx កំពុងផ្តល់អាទិភាពដល់ការដាក់ស្នើវគ្គទី 1 យោងទៅតាមកាលបរិច្ឆេទបញ្ចប់ការប្រព្រឹត្តិ។ FedEx ផ្តោតលើការបំពេញការងារអោយបានឆាប់រហ័សដើម្បីបំពេញការសងប្រាក់វិញសម្រាប់ពន្ធ IEEPA ដែលបានបង់ជូនអតិថិជនរបស់ខ្លួនដែលបានបម្រើជាតំណាងបញ្ជូលទំនិញ នៅពេលចាប់ផ្តើមទទួលការសងប្រាក់វិញពី CBP។ 

យើងប្តេជ្ញាចិត្តក្នុងការជម្រះជម្រាល និងនឹងទំនាក់ទំនងយ៉ាងច្បាស់នៅពេលមានការណែនាំបន្ថែមពីរដ្ឋាភិបាលអាមេរិក និងតុលាការ។ 

ការពន្យល់អំពីមាត្រា 122:
 

នៅថ្ងៃទី 7 ឧសភា 2026 តុលាការពាណិជ្ជកម្មអន្តរជាតិអាមេរិក (CIT) បានចេញសាលក្រមថាពន្ធបណ្តោះអាសន្នដែលត្រូវបានដាក់អនុវត្តក្រោមមាត្រា 122 នៃច្បាប់ពាណិជ្ជកម្មឆ្នាំ 1974 គឺមិនស្របច្បាប់ដោយសារតែស្ថានភាពសេដ្ឋកិច្ចដែលចាំបាច់សម្រាប់ការអនុវត្តមិនបានបំពេញ។ មតិយោបល់នេះមានស្តង់ដារសម្រាប់រក្សាការបញ្ជូនតែពីរ និងរដ្ឋវ៉ាស៊ីនតោន ដែលជាក្រុមហ៊ុននាំចូលដែលបានដាក់បណ្តឹង ហើយសាលក្រមនេះត្រូវបានរដ្ឋាភិបាលប្តឹងឧទ្ធរណ៍។ ពន្ធដែលដាក់អនុវត្តក្រោមមាត្រា 122 គឺមានលក្ខណៈផ្សេងពីពន្ធ IEEPA និងសេចក្តីសម្រេចនេះមិនអាចប៉ះពាល់ដល់ដំណើរការសងប្រាក់វិញ IEEPA និងពន្ធមាត្រា 122 មិនមានសិទ្ធិសម្រាប់ការសងប្រាក់វិញពន្ធ IEEPA នាពេលបច្ចុប្បន្ន។ នៅពេលនេះ FedEx នឹងបន្តធ្វើការវាយតម្លៃ និងប្រមូលពន្ធមាត្រា 122 យោងតាមការណែនាំរបស់រដ្ឋាភិបាលបច្ចុប្បន្ន លុះត្រាតែមានការណែនាំបន្ថែមពីអាជ្ញាធរអាមេរិក។ 

ខាងក្រោមនេះ គឺជាសំណួរទូទៅមួយចំនួនទាក់ទងនឹងដំណើរការសងប្រាក់នេះ៖  

1. តើ FedEx បានចាប់ផ្តើមដាក់បញ្ជូនសំណើសុំការបង្វិលប្រាក់សងនៅពេលណា? FedEx បានចាប់ផ្តើមដាក់បញ្ជូនសំណើសុំការបង្វិលប្រាក់សងទៅកាន់ CBP នៅថ្ងៃទី 20 ខែមេសា ដែលជាថ្ងៃដែលប្រព័ន្ធ CAPE បានបើកសម្រាប់ការដាក់ស្នើសុំដំណាក់កាលទីមួយ។  

2. តើ FedEx ចាត់ចែងអាទិភាពនៃការដាក់ស្នើដូចម្ដេច? FedEx ផ្តល់អាទិភាពនៃការដាក់ស្នើយោងតាមកាលបរិច្ឆេទនៃសេចក្ដីសម្រេចពន្ធអាករចុងក្រោយលើការនាំចូល។ សូមសម្គាល់ថា មិនមែនគ្រប់ការនាំចូលទាំងអស់ដែលពាក់ព័ន្ធនឹង IEEPA នឹងត្រូវបានទទួលយកដោយ CBP នៅក្នុងដំណើរការបង្វិលប្រាក់សងដំណាក់កាលទីមួយរបស់ CBP នោះទេ។ យើងសូមអំពាវនាវ និងថ្លែងអំណរគុណចំពោះអតិថិជនសម្រាប់មានភាពអត់ធ្មត់ ខណៈពេលដែលវានឹងចំណាយពេលវេលាទម្រាំការនាំចូលទាំងអស់អាចដាក់ស្នើសុំបាន។  

3. តើ FedEx អាចផ្តល់របាយការណ៍ដាក់បញ្ជូន ឬការប៉ាន់ស្មានសំណងបានដែរឬទេ? FedEx មិនអាចផ្តល់របាយការណ៍ដាក់បញ្ជូនដែលអាចប្រើសម្រាប់ការប៉ាន់ស្មានប្រាក់បង្វិលសងនៅខណៈពេលនេះបានទេ ពីព្រោះកំណត់ត្រាការបង់ប្រាក់ និងការចេញវិក្កយបត្រពន្ធអាករ ស្ថិតនៅក្រៅប្រព័ន្ធរបស់យើង។ របាយការណ៍ណាមួយដែលយើងអាចផ្តល់ជូនបានឥឡូវនេះ នឹងមិនពេញលេញ ហើយមិនអាចប៉ាន់ស្មានប្រាក់បង្វិលសងបានត្រឹមត្រូវ និងកំណត់អ្នកដែលបានទូទាត់ពន្ធបានទេ។  

4. តើខ្ញុំនឹងទទួលបានប្រាក់បង្វិលសងនៅពេលណា? យើងមិនមានពេលវេលាជាក់លាក់នៅឡើយទេ។ CBP បាននិយាយថា ពួកគេរំពឹងថានឹងចេញប្រាក់បង្វិលសងក្នុងរយៈពេល 60-90 ថ្ងៃ បន្ទាប់ពីបានទទួលសំណើ លុះត្រាតែតម្រូវឲ្យមានការត្រួតពិនិត្យបន្ថែម។ FedEx នឹងធ្វើការបង្វិលប្រាក់សងឲ្យបានឆាប់រហ័សនៅពេលដែលយើងទទួលបានប្រាក់បង្វិលសងពី CBP។  

5. តើ FedEx គិតថ្លៃសេវាសម្រាប់ការដាក់បញ្ជូនសំណើ ឬដំណើរការបង្វិលប្រាក់សងនេះដែរឬទេ? ទេ។ FedEx មិនគិតថ្លៃសេវាណាមួយ សម្រាប់ការដាក់បញ្ជូនសំណើរ ឬដំណើរការបង្វិលប្រាក់សងនេះឡើយ។ អាទិភាពរបស់យើង គឺដើម្បីធានាដំណើរការបង្វិលប្រាក់សងដោយរលូន និងមានប្រសិទ្ធភាពសម្រាប់អតិថិជនគ្រប់រូប។  

6. តើខ្ញុំអាចរកមើលបច្ចុប្បន្នភាពថ្មីៗ និងចុងក្រោយបំផុតនៅទីណា? ទទួលបានព័ត៌មានថ្មីៗនៅលើទំព័រពន្ធគយអន្តរជាតិរបស់យើង។ លោកអ្នក អាចទទួលបានព័ត៌មានលម្អិតបន្ថែមនៅលើទំព័រការបង្វិលសងប្រាក់ពន្ធ IEEPA របស់ CBP។  

7. FedEx អនុវត្តប្រាក់សំណង IEEPA សម្រាប់អតិថិជនដែលប្រើ FedEx ជា អ្នកនាំចូលដែលបានកំណត់ត្រា (IOR) ឬ? បាទ/ចាស។ FedEx បានដាក់ពាក្យស្នើសុំប្រាក់សំណងសម្រាប់អតិថិជនដែលវាបានធ្វើជាតំណាងពន្ធដារ ដោយមិនគិតពីស្ថានភាពអ្នកនាំចូលដែលបានកំណត់ត្រា (IOR)។
 
សម្រាប់ការចូលរបស់ដំណាក់កាលទី 1 FedEx បានដាក់ប្រកាសដែលចាំបាច់ដោយមិនមានថ្លៃបន្ថែមដើម្បីធានាឱ្យមានការទទួលយក និងដំណើរការប្រាក់សំណងទាន់ពេលវេលា។ 

8. FedEx អនុវត្តប្រាក់សំណង IEEPA សម្រាប់អតិថិជនដែលជាអ្នកនាំចូលដែលបានកំណត់ត្រារបស់ខ្លួន ក៏ដោយប្រើ FedEx ជាតំណាងពន្ធដារឬ? បាទ/ចាស។ FedEx បានអនុវត្តប្រាក់សំណងសម្រាប់អតិថិជនដែលបានធ្វើជាអ្នកនាំចូលដែលបានកំណត់ត្រារបស់ខ្លួន បើ FedEx បានដើរតួនាទីជាតំណាងពន្ធដារ។
 
ការប្រកាសសម្រាប់ការចូលរបស់ដំណាក់កាលទី 1 ត្រូវបានដាក់ក្នុងករណីទាំងនេះ។ សំណើពីអតិថិជនដើម្បីពន្យារពេលដាក់ពាក្យ (ដែលបានដាក់មុនថ្ងៃទី 1 ខែឧសភា ឆ្នាំ 2026) ត្រូវបានគោរព។ 

9. FedEx អនុវត្តប្រាក់សំណង IEEPA សម្រាប់អតិថិជនដែលប្រើ FedEx ជាអ្នកនាំចូលដែលបានកំណត់ត្រាក៏ដោយមានការរៀបចំ Automated Clearing House (ACH) ដើម្បីបង់ពន្ធដោយផ្ទាល់ទៅ CBP ឬ? បាទ/ចាស។ FedEx បានអនុវត្តប្រាក់សំណងដោយមិនគិតពីការរៀបចំការបង់ប្រាក់ ACH។
 
សូមចំណាំថាអតិថិជនមិនអាចមានការរៀបចំការបង់ពន្ធ ACH ជាមួយ CBP បានទេ ប្រសិនបើ FedEx ត្រូវបានកំណត់ជាអ្នកនាំចូលដែលបានកំណត់ត្រា។ 

10. FedEx អនុវត្តប្រាក់សំណង IEEPA សម្រាប់អតិថិជនដែលជាអ្នកនាំចូលដែលបានកំណត់ត្រារបស់ខ្លួន និងមានការរៀបចំ Automated Clearing House (ACH) ដើម្បីបង់ប្រាក់ទៅ CBP ដោយផ្ទាល់ (ដោយ FedEx សំដៅតែមកជាតំណាង) ឬ? បាទ/ចាស។ FedEx ក៏អនុវត្តប្រាក់សំណងក្នុងករណីទាំងនេះផងដែរ លើកលែងតែអតិថិជនបានស្នើសុំការពន្យារពេលដាក់ពាក្យមុនថ្ងៃទី 1 ខែឧសភា ឆ្នាំ 2026។
 
ការចែកចាយប្រាក់សំណងអាស្រ័យលើការដាក់ស្នើការនាំចូលទៅ CBP ដូចម្តេច៖ 

• ប្រសិនបើ FedEx ត្រូវបានរាយឈ្មោះជា ភាគីជូនដំណឹង (បែបបទ CBP 4811) FedEx នឹងទទួលបានប្រាក់សំណង ហើយបន្ទាប់មកបែងចែកឱ្យអតិថិជន។ 
• ប្រសិនបើអតិថិជនជាអ្នកនាំចូលដែលបានកំណត់ត្រា និងជាភាគីជូនដំណឹង ប្រាក់សំណងនឹងត្រូវបានចេញដោយ CBP ដោយផ្ទាល់ ប្រសិនបើអតិថិជនបានបង្កើតគណនីសំណង ACH។ 
• ប្រសិនបើអតិថិជនមិនមានគណនីសំណង ACH ប្រាក់សំណងនឹងមិនត្រូវបានចែកចាយដោយស្វ័យប្រវត្តិទេ ហើយអាចនៅស្ថិតក្នុងស្ថានភាពរង់ចាំ។ ក្នុងករណីដូច្នេះ អតិថិជនគួរតែទាក់ទង CBP ដោយផ្ទាល់សម្រាប់ការណែនាំ។ 

ដើម្បីមើលស្ថានភាពប្រាក់សំណង CBP ផ្តល់ជូននូវរបាយការណ៍បរិយាកាសពាណិជ្ជកម្មដោយស្វ័យប្រវត្តិ (ACE) ចំនួនច្រើនដែលអ្នកនាំចូល និងអ្នកតំណាងអាចប្រើដើម្បីតាមដានការទាមទារប្រាក់សំណង CAPE រួមទាំងសកម្មភាពលក់ដុំ និងការទូទាត់ប្រាក់សំណង។
 
សម្រាប់ព័ត៌មានបន្ថែម សូមមើល https://www.cbp.gov

11. FedEx អនុវត្តប្រាក់សំណង IEEPA សម្រាប់អតិថិជនដែលប្រើជម្រើសជ្រើសរើសអ្នកតំណាង (BSO) ឬ? ទេ។ FedEx មិនបានអនុវត្តប្រាក់សំណងសម្រាប់ការដឹកជញ្ជូនដែលបានដំណើរការក្រោមជម្រើសជ្រើសរើសអ្នកតំណាង (BSO) ទេ ព្រោះ FedEx មិនមែនជាអ្នកតំណាងដែលបានកំណត់ត្រាសម្រាប់ប្រតិបត្តិការទាំងនោះ។
 
FedEx ធ្វើការប្រកាសសម្រាប់ការចូលរបស់ដំណាក់កាលទី 1 ដែលមានសិទ្ធិដែលវាបានដើរតួជាតំណាងពន្ធដារតែប៉ុណ្ណោះ។ 

អតិថិជនទាំងអស់ អាចមានទំនុកចិត្តបានថាក្រុមការងាររបស់ FedEx កំពុងធ្វើការយ៉ាងស្វាហាប់ដើម្បីធានាការបង្វិលប្រាក់សងនៃពន្ធ IEEPA ជំនួសឲ្យអតិថិជនទាំងអស់ដែលបានទទួលបន្ទុកលើការចំណាយនេះពីដំបូង សម្រាប់បញ្ញើដែលមាន FedEx ធ្វើជាអ្នករត់ការពន្ធគយជូន។ សូមថ្លែងអំណរគុណចំពោះការអត់ធ្មត់របស់លោកអ្នក ខណៈដែលយើងកំពុងដំណើរការកិច្ចការនេះ។ 

ដោយសេចក្ដីគោរព,

ក្រុមការងារ FedEx   

ចាប់ពីថ្ងៃទី 8 ខែឧសភា ឆ្នាំ 2026 FedEx នឹងបញ្ជូនថ្លៃត្រួតពិនិត្យឯកសារដែលកំណត់ដោយរដ្ឋាភិបាលបច្ចុប្បន្នទៅឲ្យអតិថិជនដែលបញ្ញើរបស់ពួកគេត្រូវការការត្រួតពិនិត្យឯកសារពីក្រសួងកសិកម្ម នេសាទ និងព្រៃឈើ (DAFF) សម្រាប់ការនាំចូលដែលមានតម្លៃ AUD 1000 ឬតិចជាងនេះ។ ការអនុវត្តនេះ គឺស្របតាមការទាមទារនៃបទប្បញ្ញត្តិបច្ចុប្បន្ន ដើម្បីជួយគ្រប់គ្រងហានិភ័យសុវត្ថិភាពជីវសាស្ត្ររបស់អូស្រ្តាលី ហើយនឹងត្រូវបានគិតតែនៅពេលដែល DAFF បានសំរេចប៉ុណ្ណោះ។  

ថ្លៃនេះ ត្រូវបានណែនាំដោយ DAFF ចំនួនបីបួនឆ្នាំមកហើយ។ រហូតមកដល់ពេលនេះ FedEx បានទទួលបន្ទុកលើថ្លៃនេះ និងមិនបានបញ្ជូនទៅឲ្យអតិថិជនដែលមានបញ្ញើដែលមានតម្លៃ AUD 1000 ឬតិចជាងនេះទេ។  

ថ្លៃនេះ នឹងខុសគ្នាទៅតាមបែបបទនៃបញ្ញើ ពេលវេលា និងរយៈពេលនៃការត្រួតពិនិត្យ ដែលទាំងអស់នេះត្រូវបានកំណត់ដោយ DAFF។ បច្ចុប្បន្ន DAFF គិតថ្លៃ AUD 40 ក្នុង 15 នាទី ក្នុងមួយនាក់ សម្រាប់ការត្រួតពិនិត្យនៅក្នុងការិយាល័យក្នុងម៉ោងធ្វើការ។  

សូមចូលទៅកាន់គេហទំព័របស់ DAFF សម្រាប់ពត៌មានលម្អិតបន្ថែមអំពីថ្លៃនេះ៖ https://www.agriculture.gov.au/about/fees/biosecurity-cris  

បញ្ញើដែលត្រូវបង់ថ្លៃនេះរួមមាន (ប៉ុន្តែមិនលើកលែង) បញ្ញើដែលមានរុក្ខជាតិ ផលិតផលចំណីអាហារ ផលិតផលសត្វ ស្នាដៃសិល្បៈ រសជាតិសិប្បនិម្មិត និងឈើ។  

បន្ថែមពីលើថ្លៃដែលកំណត់ដោយរដ្ឋាភិបាលនេះ ចាប់ពីថ្ងៃទី 8 ខែឧសភា ឆ្នាំ 2026 តទៅ ប្រសិនបើបញ្ញើទំនិញនាំចូលទៅអូស្រ្តាលីមិនត្រូវបានភ្ជាប់ជាមួយគណនី FedEx ដែលអាចទូទាត់ប្រាក់បានទេ FedEx នឹងគិតថ្លៃចាត់ចែងពន្ធគយ និងអាករ ដែលមានតម្លៃស្មើនឹង 2.9% នៃពន្ធគយ និងអាករ ឬ AUD 20 ក្នុងមួយបញ្ញើទំនិញ ពោលគឺយកមួយណាដែលធំជាង។ ថ្លៃនេះអនុវត្តនៅពេលដែល FedEx ដំណើរការពន្ធគយ និងអាករដែលអាចអនុវត្តបាននានា ពន្ធ និង/ឬថ្លៃស្របតាមបទប្បញ្ញត្តិដទៃទៀត ជំនួសឲ្យអតិថិជនដែលមិនមានលេខគណនី FedEx។  

យើងសូមណែនាំឲ្យលោកអ្នកពិនិត្យមើលទំនិញក្នុងបញ្ញើរបស់លោកអ្នក និងឯកសារទាំងអស់ ដើម្បីជួយរំពឹងទុកនូវការទាមទារតាមច្បាប់ផ្សេងៗដែលអាចកើតមាន។  

ច្បាប់​កាតព្វកិច្ចពន្ធគយ​លើការនាំចូលដែលមានតម្លៃទាបទៅកាន់សហភាពអឺរ៉ុប (ដែលមានតម្លៃរហូតដល់ €150) នឹងផ្លាស់ប្តូរ ចាប់ពីថ្ងៃទី 1 ខែកក្កដា ឆ្នាំ 2026 តទៅ។  

ការផ្លាស់ប្តូរនេះ នាំមកនូវការទាមទារការដាក់បញ្ចូនពត៌មានទិន្នន័យបន្ថែម៖ សម្រាប់ផលិតផលនីមួយៗដែលនាំចូលទៅក្នុងដែនគយសហភាពអឺរ៉ុប ក្នុងបញ្ញើដែលមានតម្លៃពិតជាក់ស្ដែងមិនលើសពី €150 នឹងត្រូវការព័ត៌មានលម្អិតនៃកូដសម្គាល់ផលិតផល (PID)។ ការផ្លាស់ប្តូរនេះ មិនអនុវត្តចំពោះការនាំចូល B2B ដែលបានចុះឈ្មោះអាករលើតម្លៃបន្ថែមនោះទេ។  

រហូតដល់ពេលដែលព័ត៌មាននេះត្រូវបានផ្តល់ជូន ទំនិញរបស់លោកអ្នកមិនអាចបញ្ចេញដោយអាជ្ញាធរគយ និងដឹកជញ្ជូនដោយ FedEx បាននោះទេ។  

ស្វែងយល់បន្ថែមអំពីកូដសម្គាល់ផលិតផល (PID) និងយល់ដឹងពីសកម្មភាពដែលលោកអ្នកត្រូវធ្វើនៅលើ fedex.com។  

តើកូដសម្គាល់ផលិតផលគឺជាអ្វី?  

សម្គាល់ផលិតផល គឺជាកូដមួយសំណុំ ដែលត្រូវបានប្រើដោយក្រុមហ៊ុនផលិត អ្នកលក់ វេទិកា និងទីផ្សារនានាដើម្បីសម្គាល់ផលិតផលរបស់ពួកគេ។  

ចាប់ពីថ្ងៃទី 1 ខែកក្កដា ឆ្នាំ 2026 តទៅ សម្រាប់ទំនិញប្រើប្រាស់ដែលនាំចូលទៅសហភាពអឺរ៉ុប ដែលមានតម្លៃពិតជាក់ស្ដែងមិនលើសពី €150 នឹងមានកាតព្វកិច្ចចាំបាច់ក្នុងការដាក់ស្នើកូដចំនួនបីទៅកាន់អាជ្ញាធរគយអំឡុងដំណើរការបញ្ចេញទំនិញពីគយ។  

1. កូដសម្គាល់ផលិតផលពាណិជ្ជករ – កូដសម្គាល់តែមួយគត់របស់ពាណិជ្ជករ ដែលត្រូវបានប្រើសម្រាប់កំណត់អត្តសញ្ញាណទំនិញ ដោយជាទូទៅជារាងកូដ SKU (Stock Keeping Unit) កូដទំនិញ ឬកូដផលិតផល។  
2. កូដសម្គាល់ផលិតផលក្រុមហ៊ុនផលិតដែលមិនស្តង់ដា – កូដតែមួយរបស់ក្រុមហ៊ុនផលិត ឬអ្នកផ្គត់ផ្គង់ផលិតផល ដែលបានកំណត់លើផលិតផលជាក់លាក់។  
3. កូដសម្គាល់ផលិតផលក្រុមហ៊ុនផលិតដែលស្តង់ដា (ប្រសិនបើមាន) – ត្រូវបានកំណត់ដោយអង្គការស្តង់ដាឧស្សាហកម្មសកលជាមួយនឹងបាកូដ នៅពេលដែលផលិតផលរបស់ក្រុមហ៊ុនផលិតបំពេញតាមស្តង់ដាសកលតាមរយៈស្ថាប័នគ្រប់គ្រង។ បាកូដនេះ គឺដូចគ្នាសម្រាប់អ្នកលក់ទាំងអស់ដែលលក់ផលិតផលដូចគ្នា។  

យើងណែនាំយ៉ាងខ្លាំងឲ្យផ្ដល់បន្ថែមនូវកូដសម្គាល់ផលិតផលទាំងបីនេះ ចាប់ពីថ្ងៃទី 15 ខែមិថុនា ឆ្នាំ 2026 តទៅ ដើម្បីជួយធានាការបញ្ចេញទំនិញដោយរលូន សម្រាប់ការនាំចូលដែលមានតម្លៃទាបទៅដល់សហភាពអឺរ៉ុប នៅត្រឹម ឬក្រោយថ្ងៃទី 1 ខែកក្កដា។  

តើខ្ញុំត្រូវធ្វើអ្វី?  

ចាប់ពីថ្ងៃទី 15 ខែមិថុនា ឆ្នាំ 2026 តទៅ សូមផ្តល់កូដដែលបានរៀបរាប់ខាងលើទៅឲ្យ FedEx នៅលើវិក្កយបត្រពាណិជ្ជកម្ម។ ប្រព័ន្ធដឹកជញ្ជូនរបស់យើង កំពុងត្រូវបានកែលម្អដើម្បីគាំទ្រតម្រូវការនេះ រួមជាមួយព័ត៌មានលម្អិតបន្ថែមដែលមកជាមួយគ្នាផងដែរ។  

បន្ថែមពីលើការទាមទារចាំបាច់ទាំងអស់ ការផ្តល់អ៊ីមែលអ្នកទទួល គឺមានសារៈសំខាន់ណាស់ក្នុងការធានាការដឹកជញ្ជូនដោយរលូន និងការទូទាត់ពន្ធគយ អាករ និងថ្លៃសេវាផ្សេងៗរបស់ FedEx ទាន់ពេលវេលានៅពេលនាំចូល។  

តើវាអាចអនុវត្តបានលើបញ្ញើទំនិញណាខ្លះ?  

ទំនិញណាក៏ដោយដែលបានលក់ផ្ទាល់ទៅអ្នកប្រើប្រាស់ និងតាមរយៈទីផ្សារ ដែលមានតម្លៃពិតជាក់ស្ដែងមិនលើសពី €150 ដែលបាននាំចូលទៅសហភាពអឺរ៉ុប។ ការនាំចូល B2B ដែលបានចុះបញ្ជីអាករលើតម្លៃបន្ថែម មិនត្រូវបានប៉ះពាល់ទេ។  

ហេតុអ្វីបានជាវាមានសារៈសំខាន់?  

FedEx ដើរតួរជាភ្នាក់ងាររត់ការគយនៅពេលនាំទំនិញចូលទៅដែនគយសហភាពអឺរ៉ុប។ ប្រសិនបើយើងមិនមានព័ត៌មានត្រឹមត្រូវអនុលោមតាមបទប្បញ្ញត្តិថ្មីដែលទាក់ទងនឹងផលិតផលដែលបានលក់ក្នុងសហភាពអឺរ៉ុបទេនោះ បញ្ញើរបស់លោកអ្នកនឹងមិនអាចបញ្ចេញពីអាជ្ញាធរគយជាតិបានទេ ហើយអតិថិជនរបស់លោកអ្នកនឹងមិនទទួលបានទំនិញរបស់ពួកគេទេ។  

ទទួលបានព័ត៌មានលម្អិតបន្ថែម  

ទទួលបានព័ត៌មានបច្ចុប្បន្នភាពចុងក្រោយបំផុត និងគន្លឹះផ្សេងៗ នៅលើ ទំព័រព័ត៌មានអំពី EU de minimis របស់យើង ដើម្បីជួយលោកអ្នកក្នុងការសម្របខ្លួនទៅនឹងការផ្លាស់ប្តូរពន្ធគយរបស់សហភាពអឺរ៉ុបបានយ៉ាងងាយស្រួល។  

ប្រវត្តិ

គណៈកម្មាធិការសុវត្ថិភាពផលិតផលអតិថិជនរបស់សហរដ្ឋអាមេរិក (CPSC) គ្រប់គ្រងផលិតផលសម្រាប់គ្រួសារ និងអតិថិជនទូទៅជាច្រើន។ បច្ចុប្បន្ននេះ អ្នកនាំចូលផលិតផលដែលត្រូវបានគ្រប់គ្រងដោយ CPSC ត្រូវតែមានប័ណ្ណបញ្ជាក់អនុលោមភាព និងផ្តល់ពួកវាជូន CPSC ឬអង្គភាពការពារព្រំដែន និងគយរបស់សហរដ្ឋអាមេរិក (CBP) នៅពេលពួកគេស្នើរក។

នៅក្នុងខែតុលា ឆ្នាំ 2024 CPSC បានចាប់ផ្ដើមគម្រោងសាកល្បងការបំពេញពត៌មានតាមប្រព័ន្ធអេឡិចត្រូនិច (eFiling) ដោយស្ម័គ្រចិត្ត ដើម្បីអនុញ្ញាតឱ្យបំពេញព័ត៌មានអំពីវិញ្ញាបនប័ត្រអនុលោមភាព តាមរយៈប្រព័ន្ធ Automated Commercial Environment (ACE) របស់ CBP។​ CPSC បញ្ជាក់ថា eFiling ជួយកាត់បន្ថយការឃាត់ទុក និងការត្រួតពិនិត្យលើផលិតផលដែលអនុលោមទាំងឡាយ។  

តើមានអ្វីថ្មីខ្លះ?

មានប្រសិទ្ធភាពចាប់ពីថ្ងៃទី 8 ខែកក្កដា ឆ្នាំ 2026 ការបំពេញពត៌មានតាមប្រព័ន្ធអេឡិចត្រូនិច (eFiling) នឹងក្លាយជាកាតព្វកិច្ចចាំបាច់សម្រាប់ផលិតផលនាំចូលទៅសហរដ្ឋអាមេរិកដែលត្រូវបានគ្រប់គ្រងដោយ CPSC សហរដ្ឋអាមេរិក។ អ្នកនាំចូលផលិតផលដែលត្រូវបានគ្រប់គ្រងដោយ CPSC នឹងត្រូវបានទាមទារឱ្យផ្តល់នូវពត៌មានវិញ្ញាបនបត្រអនុលោមភាពរួមមកជាមួយនឹងឯកសារដឹកជញ្ជូនរបស់ពួកគេ ដើម្បីឱ្យពត៌មានទាំងនេះអាចផ្ទេរតាមប្រព័ន្ធអេឡិចត្រូនិចបានតាមរយៈសំណុំសារនៃភ្នាក់ងាររដ្ឋាភិបាលដែលចូលរួម (PGA) របស់ CPSC នៅក្នុង ACE នៅពេលនាំចូលទៅកាន់សហរដ្ឋអាមេរិក។   

សំណុំសារពេញលេញនៃ PGA របស់ CPSC នឹងទាមទារឱ្យអ្នកនាំចូលផ្តល់នូវទិន្នន័យវិញ្ញាបនបត្រអនុលោមភាព 7 ប្រភេទសម្រាប់ផលិតផលនាំចូលនីមួយៗ។ ដើម្បីធ្វើឱ្យដំណើរការប្រសើរឡើង អ្នកនាំចូលអាចបំពេញព័ត៌មានអំពីផលិតផលជាមុន នៅក្នុងបញ្ជីចុះឈ្មោះផលិតផលរបស់ CPSC បាន។ ផលិតផលដែលបានចុះបញ្ជីជាមុននៅក្នុងបញ្ជីចុះឈ្មោះផលិតផលរបស់ CPSC មានសិទ្ធប្រើវិធីបំពេញពត៌មានលក្ខណៈសង្ខេបបាន ដែលក្នុងនោះមានតែទិន្នន័យចំនួនបីប៉ុណ្ណោះត្រូវបានទាមទារក្រោមសំណុំសារយោង (លក្ខណៈសង្ខេប) នៃភ្នាក់ងាររដ្ឋាភិបាលដែលចូលរួម (PGA)។   

ការមិនបានផ្តល់ព័ត៌មានតាមដែលបានទាមទារ អាចនាំឱ្យមានការពន្យារពេលនាំចូល ការឃាត់ទំនិញទុក ការត្រួតពិនិត្យនានា ឬការស្នើសុំឯកសារបន្ថែម។ របាយការណ៍ថ្មីៗ បង្ហាញថាការបំពេញដំណើរការចុះបញ្ជីផលិតផលរបស់ CPSC អាចចំណាយពេលមួយរយៈ ដូច្នេះអ្នកនាំចូលដែលមានចំណាប់អារម្មណ៍ ត្រូវបានលើកទឹកចិត្តឱ្យចាប់ផ្ដើមដំណើរការនេះឱ្យបានលឿនតាមដែលអាចធ្វើទៅបាន ដើម្បីជៀសវាងការពន្យារការបញ្ចេញទំនិញពីគយ។  

សូមចំណាំថា សម្រាប់ដៃគូពាណិជ្ជកម្មដែលមិនមែនជាអ្នកនាំចូល ការចុះបញ្ជីផលិតផល CPSC គឺជាទំនួលខុសត្រូវរបស់អ្នកផ្គត់ផ្គង់ ឬអ្នកផ្ញើបញ្ញើផ្ទាល់។ FedEx មិនធ្វើការចុះបញ្ជីផលិតផលជំនួសឱ្យអតិថិជនទេ។  

យើងនឹងចែករំលែកពត៌មានបន្ថែមទៀតទាក់ទងនឹងពត៌មានម្អិតនៃការអនុវត្តនេះ នៅពេលដែលទទួលបានដំណឹងថ្មីៗ ដើម្បីជួយលោកអ្នកឱ្យតាមទាន់បច្ចុន្នភាពទាំងអស់ និងគាំទ្រលោកអ្នកនៅគ្រប់ដំណើរនៃការដឹកជញ្ជូនជាមួយ FedEx។  

សំណួរដែលត្រូវបានសួរញឹកញាប់

សំណួរ 1៖  តើមានផលិតផលអ្វីខ្លះដែលរងផលប៉ះពាល់ពីការទាមទារ eFilling នៃ CPSC? 

ការទាមទារថ្មីនេះ អនុវត្តចំពោះផលិតផលប្រើប្រាស់សម្រេចដែលនាំចូលទៅសហរដ្ឋអាមេរិក និងត្រូវបានគ្រប់គ្រងដោយ CPSC សហរដ្ឋអាមេរិក ដែលត្រូវការវិញ្ញាបនបត្រក្រោមវិធាន 16 CFR Part 1110 (CPSC គ្រប់គ្រងតែលើផលិតផលសម្រេចប៉ុណ្ណោះ)។ ឧទាហរណ៍នៃប្រភេទផលិតផលដែលត្រូវបានប៉ះពាល់រួមមាន៖ 

• ផលិតផលសម្រាប់កុមារ៖  
  • ប្រដាប់ប្រដារក្មេងលេង និងហ្គេម  
  • កូនគ្រែ គ្រែកូនក្មេង រទេះរុញ និងកន្លែងក្មេងលេង  
  • សម្លៀកបំពាក់ និងគ្រឿងពាក់ពេលគេងសម្រាប់កុមារ  
  • កៅអីរថយន្តសម្រាប់កុមារ សម្ភារសម្រាប់ស្ពាយឬយួរ កៅអីខ្ពស់សម្រាប់កុមារ  
• សម្ភារប្រើប្រាស់ក្នុងផ្ទះ និងគ្រឿងសង្ហារឹម៖  
  • គ្រឿងសង្ហារឹម (ឧ. សាឡុង កម្រាលពូក ទូសម្លៀកបំពាក់ គ្រែជាន់)  
  • កម្រាល កម្រាលព្រំ និងគ្រឿងបិទបង្អួច  
  • ធុងឥន្ធនៈចល័ត និងទៀន  
• គ្រឿងអេឡិចត្រូនិច និងផលិតផលអគ្គិសនី៖  
  • អាដាប់ទ័រថាមពល និងឧបករណ៍សាកថ្ម  
  • ផលិតផលបំភ្លឺចល័ត  
  • គ្រឿងប្រើប្រាស់តូចៗក្នុងផ្ទះ  
  • ឧបករណ៍ប្រើប្រាស់ដែលដំណើរការដោយថ្ម  
• ផលិតផលសម្រាប់កែលម្អគេហដ្ឋាន និងកម្សាន្ត៖  
  • ជណ្តើរ និងកៅអីមានកាំ  
  • គ្រឿងកីឡា និងផលិតផលកម្សាន្ត  
  • ចង្អើរក្រៅផ្ទះ និងផលិតផលប្រើប្រាស់ទាក់ទង  
• វាយនភណ្ឌ និងសម្លៀកបំពាក់ដែលត្រូវបានគ្រប់គ្រងដោយច្បាប់ CPSC៖  
  • ក្រណាត់ដែលអាចឆាបឆេះ  
  • សម្ភារស្រោបគ្រឿងសង្ហារឹម  

សំណួរ 2៖  តើការបំពេញ CPSC eFiling  ដំណើរការយ៉ាងដូចម្តេច ហើយតើពត៌មានអ្វីខ្លះដែលចាំបាច់ត្រូវផ្តល់? 

អតិថិជន ត្រូវតែយោងជាមួយការបំពេញ ACE ជាមួយទិន្នន័យវិញ្ញាបនបត្ររបស់ CPSC ដោយប្រើវិធីមួយក្នុងពីរវិធី eFiling យោងតាមផលិតផលត្រូវបានចុះឈ្មោះជាមុននៅក្នុង បញ្ជីចុះឈ្មោះផលិតផលរបស់ CPSC ឬក៏អត់៖ 

វិធីទី 1៖ សំណុំសារ PGA ពេញលេញ – សម្រាប់ផលិតផលដែលមិនបានចុះឈ្មោះជាមុនក្នុងបញ្ជីចុះឈ្មោះផលិតផលរបស់ CPSC ត្រូវផ្តល់នូវទិន្នន័យវិញ្ញាបនបត្រអនុលោមភាពចំនួន 7 សម្រាប់បញ្ញើនីមួយៗ រួមមាន៖ 

1. លេខសម្គាល់ផលិតផល (ឧ. លេខមុខទំនិញពាណិជ្ជកម្មសាកល) 
2. ច្បាប់នីមួយៗនៃ CPSC ដែលត្រូវបានចេញវិញ្ញាបនប័ត្រជូនសម្រាប់ផលិតផលក្រោម 16 CFR part 1110 
3. កាលបរិច្ឆេទផលិត សម្រាប់ផលិតផលសម្រេច 
4. ឈ្មោះ អាសយដ្ឋាន លេខទូរស័ព្ទ និងអ៊ីម៉ែលរបស់ក្រុមហ៊ុនផលិត អ្នកផលិត ឬអ្នកប្រមូលផ្ដុំ 
5. កាលបរិច្ឆេទធ្វើតេស្តចុងក្រោយបំផុតសម្រាប់ការអនុលោមតាមច្បាប់នានានៃ CPSC ដែលអាចអនុវត្តបាន 
6. ឈ្មោះ អាសយដ្ឋាន និងពត៌មានទំនាក់ទំនងរបស់កន្លែងធ្វើតេស្តដែលទទួលស្គាល់ ឬទីពិសោធន៍ 
7. ព័ត៌មានទំនាក់ទំនង (រួមមាន ឈ្មោះ អាសយដ្ឋាន លេខទូរស័ព្ទ និងអ៊ីម៉ែល) របស់ភាគីដែលរក្សាកំណត់ត្រានៃលទ្ធផលធ្វើតេស្ត 

• វិធីទី 1 ត្រូវបានណែនាំសម្រាប់អតិថិជនដែលនាំចូលផលិតផលដែលត្រូវបានគ្រប់គ្រងដោយ CPSC តែក្នុងចំនួនកំណត់ ឬមិននាំចូលផលិតផលដែលត្រូវបានគ្រប់គ្រងដូចគ្នាដដែលៗ។ 

វិធីទី 2: សំណុំសារ PGA យោង (លក្ខណៈសង្ខេប) – សម្រាប់ផលិតផលដែលបានចុះឈ្មោះជាមុនក្នុងបញ្ជីចុះឈ្មោះផលិតផលរបស់ CPSC ដែលមានសិទ្ធិប្រើវិធីបំពេញពត៌មានសង្ខេប ដែលមានតែទិន្នន័យចំនួនបីប៉ុណ្ណោះត្រូវបានទាមទារ រួមមាន៖ 

1. លេខសម្គាល់ផលិតផល – កំណត់សម្គាល់ដាច់ដោយឡែក សម្រាប់ផលិតផលដែលត្រូវបានអនុញ្ញាត 
2. លេខសម្គាល់អ្នកបញ្ជាក់ – កំណត់សម្គាល់ដាច់ដោយឡែក ដែលបង្កើតដោយអ្នកនាំចូលដែលមានវិញ្ញាបនបត្រ 
3. លេខសម្គាល់កំណែវិញ្ញាបនបត្រ – កំណត់សម្គាល់ដាច់ដោយឡែក សម្រាប់កំណែជាក់លាក់នៃវិញ្ញាបនបត្រផលិតផល 

• វិធីទី 2 ត្រូវបានណែនាំសម្រាប់អតិថិជនដែលនាំចូលជាប្រចាំនូវផលិតផលដែលត្រូវបានគ្រប់គ្រងដោយ CPSC ដើម្បីសម្រួលដល់ការបញ្ចេញទំនិញពីគយ។ 

សំណួរ 3៖ តើការចុះបញ្ជីផលិតផល CPSC គឺជាអ្វី ហើយតើវាត្រូវបានទាមទារដែរឬទេ? 

ការចុះបញ្ជីផលិតផល CPSC គឺជាប្រព័ន្ធអនឡាញជម្រើសមួយ ដែលអនុញ្ញាតឱ្យអ្នកនាំចូលចុះបញ្ជីពត៌មានវិញ្ញាបនបត្រផលិតផលជាមុន ហើយមានសិទ្ធិប្រើសំណុំសារលក្ខណៈសង្ខេបនៅក្នុង ACE បាន។ ការប្រើប្រាស់ការចុះបញ្ជីផលិតផល គឺជាជម្រើសទេ ប៉ុន្តែត្រូវបានលើកចិត្តសម្រាប់អតិថិជនដែលនាំចូលផលិតផលដែលត្រូវបានគ្រប់គ្រងដោយ CPSC ជាញឹកញាប់ ដើម្បីធ្វើឱ្យការនាំកាន់តែងាយស្រួល និងកាត់បន្ថយហានិភ័យនៃការពន្យាពេលដឹកជញ្ជូនពាក់ព័ន្ធនឹងការទាមទារ CPSC។ 

សំណួរ 4៖ តើខ្ញុំអាចកំណត់បានយ៉ាងដូចម្តេចថាផលិតផលរបស់ខ្ញុំត្រូវបានគ្រប់គ្រងដោយ CPSC ដែរឬទេ? 

CPSC ផ្តល់ឧបករណ៍អនុលោមផលិតផលមួយដែលហៅថា Regulatory Robot ដើម្បីជួយអតិថិជនកំណត់ថាតើច្បាប់ CPSC ណាមួយអនុវត្តលើផលិតផលនីមួយៗ ហើយតើមានវិញ្ញាបនបត្រអ្វីខ្លះដែលត្រូវបានទាមទារ។ ការប្រើប្រាស់ Regulatory Robot ត្រូវបានណែនាំសម្រាប់ការធ្វើផែនការដែលអនុលោមតាមច្បាប់។ 

សំណួរ 5៖ តើមានអ្វីកើតឡើងប្រសិនបើមិនបានផ្ដល់ពត៌មានទិន្នន័យ CPSC ដែលត្រូវបានទាមទារ? 

បញ្ញើទំនិញ អាចត្រូវបានពន្យារពេលបើព័ត៌មានអេឡិចត្រូនិចដែលត្រូវបានទាមទារមិនត្រូវបានផ្តល់មកជាមួយឯកសារការដឹកជញ្ជូន។ អតិថិជន ត្រូវទទួលខុសត្រូវក្នុងការធានាថាពត៍មានវិញ្ញាបនបត្រដែលត្រឹមត្រូវមាននៅពេលនាំចូលទំនិញ ដើម្បីជំនួយដល់ការបំពេញ ACE។ 

សំណួរ 6៖ តើមានផលិតផលដែលមិនត្រូវការវិញ្ញាបនបត្រ CPSC ដែរទេ ហើយតើខ្ញុំអាចដឹងដោយរបៀបណាថាផលិតផលរបស់ខ្ញុំមានសិទ្ធិទទួលបានការលើកលែងនេះដែរទេ? 

ផលិតផលមួយចំនួនដែលស្ថិតក្នុងអាជ្ញាធររបស់ CPSC អាចមានសិទ្ធិទទួលបានការលើកលែងការទាមទារវិញ្ញាបនបត្រ ឬការអនុវត្តវិធានការច្បាប់ រួមមាន៖ 

• មុខទំនិញដែលនាំចូលជាផ្នែកផ្សំ (CPSC គ្រប់គ្រងតែលើផលិតផលសម្រេចប៉ុណ្ណោះ) 
• ផលិតផលប្រើប្រាស់ផ្ទាល់ខ្លួន ដែលនាំចេញសម្រាប់ជួសជុល និងនាំចូលមកវិញ 
• ផលិតផលជាអំណោយ ដែលផ្ញើរវាងបុគ្គលពីរនាក់ 

ដើម្បីដឹងថាផលិតផលមួយមានសិទ្ធិទទួលបានការលើកលែងនេះដែរឬអត់ អតិថិជនគួរតែ៖ 

1. បញ្ជាក់ថាវត្ថុដែលបាននាំចូល គឺជាផលិតផលសម្រេច ឬក៏ជាផ្នែកផ្សំ 
2. ប្រើប្រាស់ឧបករណ៍អនឡាញ Regulatory Robot របស់ CPSC ដើម្បីកំណត់៖ (a) ច្បាប់ CPSC ដែលអាចអនុវត្តបាន (b) ថាតើវិញ្ញាបនបត្រត្រូវបានទាមទារដែរឬទេ និង (c) ការលើកលែងដែលអាចអនុវត្តបាន និង 
3. ពិនិត្យមើលថាផលិតផលអាចស្ថិតក្រោមច្បាប់វិញ្ញាបនបត្រ CPSC ក្រោម 16 CFR Part 1110 ដែរទេ។ 

ប្រសិនបើមានការទាមទារការលើកលែង អតិថិជនត្រូវធ្វើបច្ចុប្បន្នភាពឯកសារការដឹកជញ្ជូន ឬផ្តល់ការណែនាំលើការបញ្ចេញទំនិញដែលបង្ហាញពីគោលបំណងប្រើប្រាស់ចុងក្រោយនៃផលិតផល និងការលើកលែងណាមួយដែលអាចអនុវត្តបានចំពោះផលិតផលជាក់លាក់។ 

សំណួរ 7៖ ចុះប្រសិនបើលេខកូដ HTS របស់ខ្ញុំត្រូវបានរំលឹកសម្រាប់ការទាមទារ CPSC ប៉ុន្តែផលិតផលរបស់ខ្ញុំមិនត្រូវការវិញ្ញាបនបត្រទេនោះ? 

លោកអ្នក គួរផ្តល់លេខកូដបដិសេធដែលត្រឹមត្រូវ (A ឬ B)។ ទោះបីជាវាមិនចាំបាច់ក៏ដោយ កូដបដិសេធ ជួយដល់ការពិនិត្យ CPSC និងអាចកាត់បន្ថយការពន្យាពេលបាន។ 

សំណួរ 8៖ តើខ្ញុំអាចស្វែងរកព័ត៌មានបន្ថែមបាននៅទីណា? 

អ្នកនាំចូលដែលកំពុងស្វែងរកព័ត៌មានបន្ថែម ត្រូវបានលើកទឹកចិត្តឱ្យចូលមើលគេហទំព័រ eFiling នៃ CPSC និងធនធានបន្ថែមដែលបានភ្ជាប់នៅខាងក្រោម៖ 

• ការណែនាំអំពីការអនុវត្ត eFiling របស់ CBP CPSC 
• CPSC eFiling 
• បញ្ជីចុះឈ្មោះផលិតផលរបស់ CPSC  
• ការណែនាំសម្រាប់អ្នកប្រើប្រាស់អំពីការចុះបញ្ជីផលិតផល CPSC តាមប្រព័ន្ធអេឡិចត្រូនិច
• CPSC Regulatory Robot

នៅថ្ងៃទី 20 ខែកុម្ភៈ ឆ្នាំ 2026 តុលាការកំពូលសហរដ្ឋអាមេរិកបានវិនិច្ឆ័យថា ពន្ធដែលចេញនៅក្រោមច្បាប់អំណាចសេដ្ឋកិច្ចបន្ទាន់អន្តរជាតិ (IEEPA) គឺខុសច្បាប់។ យើងយល់ច្បាស់ថា ព័ត៌មាននេះបានចោតជាសំណួរជាច្រើនអំពីពន្ធគយ និងអាករដែលត្រូវបានអនុវត្តកាលពីមុន។ យើងប្ដេជ្ញាក្នុងការជួយអតិថិជនរបស់យើងស្វែងយល់ និងសម្របតាមបរិបទផ្លាស់ប្តូរនៃច្បាប់ និងផ្តល់ជូននូវបច្ចុប្បន្នភាពគ្រប់ពេលដែលយើងទទួលបានព័ត៌មាន។  

ក្នុងនាមជាអ្នកផ្ដល់សេវាកម្មដឹកជញ្ជូន និងជាភ្នាក់ងាររត់ការពន្ធគយ FedEx ត្រូវបានទាមទារឱ្យវាយតម្លៃ និងប្រមូលពន្ធគយ និងអាករ ស្របតាមបទប្បញ្ញត្តិគយ និងបទបញ្ជារបស់រដ្ឋាភិបាលបច្ចុប្បន្ន ដែលកំពុងមានសុពលភាពនៅពេលនាំចូល។ យោងតាមការណែនាំពីសំណាក់ភ្នាក់ងារគាំពារព្រំដែន និងគយ (CBP) ដែលចេញនៅថ្ងៃទី 22 ខែកុម្ភៈ ឆ្នាំ 2026 ពន្ធដែលអនុវត្តក្រោម IEEPA មិនត្រូវបានប្រមូលទៀតទេ សម្រាប់ទំនិញនាំចូលសហរដ្ឋអាមេរិក បន្ទាប់ពីម៉ោង 12:00 ព្រឹក ម៉ោងនៅភាគខាងកើត ថ្ងៃទី 24 ខែកុម្ភៈ ឆ្នាំ 2026 តទៅ។ គ្មានពន្ធគយ និងអាករណាផ្សេងទៀតទេ ដែលរងផលប៉ះពាល់ដោយការវិនិច្ឆ័យរបស់តុលាការកំពូលមួយនេះ។  

គោលបំណងរបស់យើងគឺច្បាស់លាស់ណាស់៖ ប្រសិនបើមានការបង្វិលប្រាក់សងមកឱ្យ FedEx វិញ នោះយើងនឹងបង្វិលប្រាក់សងវិញសម្រាប់ពន្ធគយ IEEPA ទៅកាន់អ្នកផ្ញើ និងអ្នកប្រើប្រាស់ដែលបានទទួលបន្ទុកលើការចំណាយនេះពីដំបូង។ CBP បានណែនាំថា ពួកគេនឹងបើកដំណើរការដំណាក់កាលទី 1 នៃឧបករណ៍បង្វិលប្រាក់សងវិញដែលមានឈ្មោះថា CAPE នៅក្នុងប្រព័ន្ធ ACE នៅថ្ងៃទី 20 ខែមេសា។ FedEx បានត្រៀមខ្លួនក្នុងការចាប់ផ្តើមបញ្ជូនការប្រកាសទាមទារតាម CAPE នៅថ្ងៃទី 20 ខែមេសា សម្រាប់ការនាំចូលដែលមានសិទ្ធិក្នុងការស្នើរក្នុងដំណាក់កាលទី 1 នេះ និងដែល FedEx គឺជាភ្នាក់ងាររត់ការពន្ធគយឱ្យ។ FedEx ប្ដេជ្ញាចិត្តក្នុងការធ្វើការយ៉ាងរហ័ស ដើម្បីបង្វិលប្រាក់ពន្ធ IEEPA សងទៅកាន់អតិថិជន ដែលយើងបានធ្វើជាភ្នាក់ងាររត់ការពន្ធគយឱ្យ ភ្លាមៗនៅពេលដែលយើងចាប់ផ្តើមទទួលបានការបង្វិលប្រាក់សងវិញពី CBP។   

យើងប្ដេជ្ញាចិត្តក្នុងការរក្សាតម្លាភាព និងធ្វើការជូនដំណឹងឱ្យច្បាស់លាស់នៅពេលដែលទទួលបានការណែនាំបន្ថែមពីរដ្ឋាភិបាល និងតុលាការរបស់សហរដ្ឋអាមេរិក។  

សំណួរដែលគេជាញឹកញាប់  

1. ការសម្រេចចិត្តនេះមានឥទ្ធិពលលើអាករណាមួយ?  

ការសម្រេចរបស់តុលាការកំពូលនេះមិនបោះបង់អាករទាំងអស់ទេ មិនបានប៉ុន្តែតែអាករដែលបានប្រើប្រាស់ IEEPA - ដែលគេគេច្រើនហៅថា "អាករតបស្នង" និង "អាករប្រេងតាលីន"។ អាករផ្សេងទៀតនឹងត្រូវបានប្រមូលថវិកាដោយអាមេរិកស៊ូស្តម (CBP) រួមទាំងអាករទីក្រុងជាហិតភាពអតិបរមា ការកាត់លុបទីតាំង 122 ទីតាំង 232 និងទីតាំង 301 នេះមានន័យថាក្នុងករណីខ្លះ អ្នកទទួលអាចមើលឃើញការទូទាត់វិញបន្ទាប់ពីបានបង់ប្រាក់អាករថ្នាក់នោះ។  

2. តើវិក័យប័ត្រ​អាករ​ត្រូវបង់ទៀត​ទេ?  

បាទ/ចាស ផ្នែកគយនិងការពារព្រំដែនអាមេរិក (CBP) មិនបានបញ្ឈប់ការប្រមូលអាករដែលបានដាក់កំហិតក្រោម IEEPA រហូតដល់ម៉ោង 12:00 ព្រឹក EST នាថ្ងៃទី 24 ខែកុម្ភៈ ឆ្នាំ 2026 CBP បន្តប្រមូលអាករផ្សេងទៀតដែលអាចប្រើបាន។  

ក្នុងនាមជាអ្នកផ្គត់ផ្គង់សេវាដឹកជញ្ជូន និងភ្នាក់ងារគយ FedEx ត្រូវតែវាយតម្លៃ និងប្រមូលអាករនិងពន្ធតាមបទបញ្ជាពន្ធនាគារនិងការណែនាំរដ្ឋាភិបាលដែលមានប្រសិទ្ធភាពនៅពេលនាំចូល។ ដូច្នេះ ដំណើរការបង់ប្រាក់ទូទាត់របស់ FedEx នៅតែមានស្ថាពរ។  

3. FedEx នឹងផ្តល់ការបង្វិលសម្រាប់អាករនិងពន្ធដែលបានបង់មុននេះទេ?  

បាទ/ចាស FedEx នឹងផ្តល់ការបង្វិលសម្រាប់អាករ IEEPA ដែលបានបង់ទៅកាន់អ្នកផ្ញើសារនិងអ្នកប្រើប្រាស់ដែលបានទទួលរងការនោះនៅពេល FedEx ចាប់ផ្តើមទទួលការបង្វិលពី CBP អ្នកនាំចូលត្រូវធានាថាពួកគេមានគណនី ACE Portal និងធានាថាពួកគេត្រូវបានតំឡើងដើម្បីទទួលការបង្វិលតាមរយៈ ACH។  

4. តើខ្ញុំនឹងទទួលបានការបង្វិលប្រាក់សងវិញពី FedEx នៅពេលណា?  

CBP បានណែនាំថា ពួកគេគ្រោងនឹងចេញការបង្វិលប្រាក់សងក្នុងរយៈពេល 60 ទៅ 90 ថ្ងៃ បន្ទាប់ពីទទួលយកសេចក្តីប្រកាស CAPE លើកលែងតែមានបញ្ហាដែលត្រូវការការពិនិត្យបន្ថែម។ FedEx ប្ដេជ្ញាចិត្តក្នុងការធ្វើការយ៉ាងរហ័ស ដើម្បីបង្វិលប្រាក់ពន្ធ IEEPA សងទៅកាន់អតិថិជន ដែលយើងបានធ្វើជាភ្នាក់ងាររត់ការពន្ធគយឱ្យ ភ្លាមៗនៅពេលដែលយើងចាប់ផ្តើមទទួលបានការបង្វិលប្រាក់សងវិញពី CBP។  

5. ខ្ញុំអាចទទួលបានរបាយការណ៍នៃការចូលដែល FedEx បានដាក់ជំនួសឱ្យខ្ញុំនៅឯណា?  

អ្នកមិនចាំបាច់បង្កើតរបាយការណ៍នៃខ្លួនឯងទេ FedEx នឹងបង្កើតរបាយការណ៍ដែលត្រូវការដើម្បីធានាការបង្វិលអាករ IEEPA មានតែភ្នាក់ងារគយឬអ្នកនាំចូលដែលអាចប្រើប្រាស់របាយការណ៍ទាំងនេះដើម្បីដាក់សេចក្ដីប្រកាស CAPE ទៅ CBP ហើយយើងបានប្តេជ្ញាធ្វើដូច្នេះក្នុងនាមជាអតិថិជនទាំងអស់ដែលយើងបានផ្តល់សេវាទៅជាភ្នាក់ងារគយ។ របាយការណ៍ទាំងនេះមិនមានប្រយោជន៍សម្រាប់អតិថិជនក្នុងការធ្វើដោយខ្លួនឯងឬប៉ាន់ស្មានចំនួនប្រាក់បង្វិលនៃខ្លួនឯងទេ។ ចេតនារបស់យើងគឺត្រង់ៗ៖ ប្រសិនបើការបង្វិលត្រូវបានផ្តល់ទៅ FedEx យើងនឹងផ្តល់ការបង្វិលសម្រាប់អាករ IEEPA ដែលបានបង់ទៅកាន់អ្នកផ្ញើសារនិងអ្នកប្រើប្រាស់ដែលបានទទួលរងការនោះ។  

6. ការចូលណាខ្លះដែលត្រូវបានគ្របដណ្ដប់ដោយទំរង់ទី 1 នៃដំណើរការសន្ធិសញ្ញា CAPE?  

ទំរង់ទី 1 ត្រូវបានកំណត់ត្រឹមតែការចូលមិនទាន់បានបញ្ចប់ជាក់លាក់និងការចូលមួយចំនួនក្នុងរយៈពេល 80 ថ្ងៃនៃការបញ្ចប់។ ការចូលដែលការបញ្ចប់គឺលទ្ធផលចុងក្រោយ ការចូលដែលបានគ្របដណ្តប់ដោយការតវ៉ាវាលីន ការចូលដែលត្រូវបានសម្គាល់សម្រាប់ការច្នៃប្រកប ការចូលដែលត្រូវបានកំណត់នៅលើសំណើបញ្ច្រួម និងការចូលដែលជាប់គំនិតនឹងពន្ធគ្រប់គ្រងនិង/ឬការប្រយុទ្ធដែលក្រសួងពាណិជ្ជកម្មបានបញ្ចេញសេចក្ដីណែនាំការបញ្ចប់ក៏នៅក្នុងចំណាត់ថ្នាក់នៃការចូលដែលមិនត្រូវបានគ្របដណ្តប់ក្នុងទំរង់ទី 1។  

7. តើ FedEx នឹងគិតថ្លៃសេវាសម្រាប់ការដាក់ស្នើសុំការបង្វិលប្រាក់សងនេះដែរឬទេ?  

ទេ។ FedEx នឹងមិនគិតថ្លៃសេវាកម្មនេះទេ។ យើងបានប្តេជ្ញាចិត្តក្នុងការជួយអតិថិជនរបស់យើងឱ្យទទួលបានការបង្វិលប្រាក់សងវិញ។  

8. ខ្ញុំអាចរកព័ត៌មានបន្ថែមនៅឯណា?  

អ្នកអាចរកព័ត៌មានបន្ថែមនៅ https://www.cbp.gov/trade/programs-administration/trade-remedies/ieepa-duty-refunds  

ធ្វើឱ្យការដឹកជញ្ជូនរបស់លោកអ្នកមានភាពសាមញ្ញ មុនពេលមានការផ្លាស់ប្តូរពន្ធគយរបស់សហភាពអ៊ឺរ៉ុប

ការផ្លាស់ប្តូរដែលនឹងមកដល់ឆាប់ៗទៅលើបទប្បញ្ញាតិពន្ធគយរបស់សហភាពអ៊ឺរ៉ុប នឹងបង្កើនភាពស្មុគស្មាញ និងការចំណាយទាក់ទងនឹងការនាំចូលទំនិញតម្លៃទាបទៅកាន់សហភាពអឺរ៉ុប។

ចាប់ពីថ្ងៃទី 1 ខែកក្កដា ឆ្នាំ 2026 សម្រាប់ទំនិញនាំចូលក្នុងបញ្ញើដែលមានតម្លៃពិតដើមមិនលើស €150 ពន្ធគយចំនួន €3 នឹងត្រូវអនុវត្តក្នុងមួយជួរនៃប្រតិវេទន៍នាំចូល (ដែលអាចមានទំនិញច្រើនជាងមួយមុខ អាស្រ័យលើការចាត់ថ្នាក់ពន្ធគយ)។  

ទោះបីជាគម្រោងបន្ទាប់បន្សំ Import One Stop Shop (IOSS) របស់សហភាពអឺរ៉ុប មិនប្រមូលយកកាតព្វកិច្ចពន្ធថ្មីក្នុងរយៈពេលខ្លីក៏ដោយ ប៉ុន្តែវាក៏នៅតែធ្វើឱ្យការដឹកជញ្ជូនកាន់តែងាយស្រួលជាងមុន ហើយអាចកាត់បន្ថយការពន្យារពេលដោយធ្វើការប្រមូលអាករលើតម្លៃបន្ថែម នៅពេលលក់ទំនិញតែម្ដង។ នេះគឺជាឱកាសរបស់លោកអ្នកក្នុងការស្វែងយល់ថាតើប្រព័ន្ធ IOSS សាកសមសម្រាប់អាជីវកម្មរបស់លោកអ្នកដែរឬទេ ហើយគួរអនុវត្តវាមុនពេលការផ្លាស់ប្តូរនៅថ្ងៃទី 1 ខែកក្កដា ដែរឬអត់។  

ស្វែងយល់មុនការផ្លាស់ប្តូរ  

កម្មវិធីបន្ទាប់បន្សំ IOSS អនុញ្ញាតឱ្យអ្នកផ្គត់ផ្គង់ពាណិជ្ជកម្មតាមប្រព័ន្ធអេឡិចត្រូនិក និងទីផ្សារ/វេទិកាអនឡាញ ប្រកាស និងបង់អាករលើតម្លៃបន្ថែមសម្រាប់ការលក់ពីចម្ងាយនៃទំនិញដែលនាំចូលពីប្រទេសក្រៅពីសហភាពអ៊ឺរ៉ុបក្នុងបញ្ញើដែលមានតម្លៃមិនលើសពី €150 នៅពេលលក់ មិនមែននៅពេលនាំចូលទេ។ វាជួយការពារការគិតថ្លៃដែលមិនរំពឹងទុកសម្រាប់អ្នកទទួល និងជួតដល់ការបញ្ចេញទំនិញពីគយកាន់តែលឿននៅទីតាំងគោលដៅ។  

វាធ្វើឱ្យការប្រមូលអាករលើតម្លៃបន្ថែមមានភាពសាមញ្ញ កាត់បន្ថយការពន្យារពេលដឹកជញ្ជូន និងកាត់បន្ថយបញ្ហាចាត់ចែងនានា៖  

• ធានាថាការប្រមូលអាករលើតម្លៃបន្ថែមដោយរលូននៅពេលទិញទំនិញ - ជៀសវាងថ្លៃពន្ធដែលមិនបានរំពឹងទុក  

• អនុញ្ញាតឱ្យការបញ្ចេញទំនិញបានលឿនជាងមុន - បន្ថយហានិភ័យនៃការពន្យារពេលកញ្ចប់ទំនិញ ការបញ្ជូនត្រលប់វិញ ឬការបដិសេធដោយសារការមិនទាន់បង់ប្រាប់របស់អតិថិជន  

• ធ្វើឱ្យបទពិសោធន៍អតិថិជនកាន់តែប្រសើរឡើង - ធានាថាថ្លៃពន្ធមានភាពច្បាស់សម្រាប់អតិថិជន  

យើងកំពុងលើកទឹកចិត្តដល់ក្រុមហ៊ុននានាឱ្យពិនិត្យអំពីការចុះឈ្មោះ IOSS មុនពេលការដកចេញនូវការលើកលែងពន្ធក្នុងកម្រិតអប្បបរមានៅខែកក្កដានេះ ដើម្បីត្រៀមខ្លួនសម្របនឹងការផ្លាស់ប្តូរពន្ធគយដោយភាពជឿជាក់។  

ចង់ស្វែងយល់បន្ថែមទៀតទេ?  

នៅ FedEx យើងមានបទពិសោធន៍ជាង 50 ឆ្នាំក្នុងការជួយអតិថិជនរបស់យើងសម្របខ្លួនតាមពាណិជ្ជកម្មសកល និងបទប្បញ្ញាតិផ្សេងៗ។ 

ចូលទៅកាន់ទំព័រដាច់ដោយឡែករបស់យើងដើម្បីស្វែងយល់បន្ថែមអំពី IOSS និងវិធីចុះឈ្មោះចូលកម្មវិធីនេះ។ 

សូមតាមដានទំព័រ កំណែទម្រង់គយសហភាពអឺរ៉ុប របស់យើងសម្រាប់ព័ត៌មានបន្ថែម។ 

ថ្លៃសេវានាំទំនិញចូល និងចេញរបស់គយនូវែលសេឡង់ នឹងមានការផ្លាស់ប្ដូរ ចាប់ពីថ្ងៃទី 1 ខែមេសា ឆ្នាំ 2026 តទៅ ។ 

ចាប់ពីថ្ងៃទី 1 ខែមេសា ឆ្នាំ 2026 រចនាសម្ព័ន្ធថ្លៃសេវាថ្មីខាងក្រោម នឹងអនុវត្ត ហើយ FedEx នឹងបញ្ជូនបន្តថ្លៃសេវាខាងក្រោមនេះ ទៅកាន់អតិថិជនរបស់យើង៖ 

ថ្លៃសេវានាំចូលសម្រាប់ទំនិញមានតម្លៃខ្ពស់¹ (ផ្លូវអាកាស)៖ NZD 59.59² (រួមបញ្ចូលទាំង GST) 

គយនូវែលសេឡង់ និងក្រសួងកសិកម្មចម្បង (MPI) បានគិតថ្លៃសេវានេះ សម្រាប់ការដំណើរការ និងការគ្រប់គ្រងការដឹកជញ្ជូន។ 

ថ្លៃសេវានាំចេញសម្រាប់ទំនិញមានតម្លៃខ្ពស់¹ (ផ្លូវអាកាស)៖ NZD 3.85 (រួមបញ្ចូលទាំង GST) 

គយនូវែលសេឡង់ បានគិតថ្លៃសេវានេះ សម្រាប់ការដំណើរការ និងការគ្រប់គ្រងការដឹកជញ្ជូន 

¹ការដឹកជញ្ជូនទំនិញមានតម្លៃលើសពី NZD 1,000.00 

²ថ្លៃសេវានេះរួមបញ្ចូលទាំងថ្លៃគយ និងថ្លៃសុវត្ថិភាពជីវសាស្ត្ររបស់ MPI ផងដែរ 

សម្រាប់ព័ត៌មានលម្អិតបន្ថែម សូមចូលទៅកាន់ គេហទំព័រសេវាកម្មគយរបស់រដ្ឋាភិបាលនូវែលសេឡង់។ 

ប្រវត្តិ

ចាប់ពីថ្ងៃទី 1 ខែកក្កដា ឆ្នាំ 2026 សហភាពអឺរ៉ុប (EU) នឹងណែនាំច្បាប់ពន្ធគយថ្មីសម្រាប់ទំនិញដែលមានតម្លៃទាបនាំចូលពីប្រទេស និងតំបន់ទីបី ចូលទៅក្នុងដែនវិសាលភាពគយរបស់សហភាពអឺរ៉ុប។ ការផ្លាស់ប្តូរនេះ នឹងអនុវត្តចំពោះអ្នកគ្រប់គ្នាទាំងអស់ (អាជីវកម្ម អ្នកលក់តាមប្រព័ន្ធអេឡិចត្រូនិក ទីផ្សារលក់នានា និងអ្នកប្រើប្រាស់គ្រប់រូប) ដែលទទួលបានបញ្ញើអន្តរជាតិ ហើយវាអាចមានឥទ្ធិពលលើការដឹកជញ្ជូន និងការលក់ឆ្លងប្រទេសរបស់លោកអ្នក។  

នៅ FedEx យើងមានបទពិសោធន៍ជាង 50 ឆ្នាំក្នុងការជួយអតិថិជនរបស់យើងឱ្យដំណើរការបានស្របតាមបទប្បញ្ញត្តិនានា និងពាណិជ្ជកម្មសកល។ នៅពេលដែលសហភាពអឺរ៉ុបដំណើរការការផ្លាស់ប្តូរនេះ ដែលជាផ្នែកនៃក្របខណ្ឌកំណែទម្រង់គយសហភាពអឺរ៉ុបខ្នាតធំ យើងនៅទីនេះដើម្បីជួយលោកអ្នកឱ្យទទួលបានព័ត៌មានទាន់ពេលវេលា និងត្រៀមខ្លួនឱ្យបានរួចរាល់។ ការណែនាំលម្អិតបន្ថែម នឹងត្រូវបានផ្សព្វផ្សាយជូននៅពេលដែលច្បាប់នេះសម្រេចចុងក្រោយ ហើយការណែនាំផ្លូវការត្រូវបានប្រកាស។ 

ពន្ធគយចំនួន €3 នឹងត្រូវបានអនុវត្ត  

រហូតមកដល់ពេលនេះ ទំនិញនាំចូលនៅក្នុងបញ្ញើដែលមានតម្លៃពិតមិនលើសពី €150 អាចនាំចូលទៅក្នុងសហភាពអឺរ៉ុបបានដោយមិនបង់ពន្ធនាំចូលក្រោមច្បាប់ដែលគេស្គាល់ថា “de minimis” ការលើកលែងពន្ធគយ ត្រូវបានអនុវត្ត។   

ចាប់ពីថ្ងៃទី 1 ខែកក្កដា ឆ្នាំ 2026 តទៅ ការលើកលែងនេះ នឹងបញ្ចប់ហើយ។ សម្រាប់ទំនិញនាំចូលនៅក្នុងបញ្ញើដែលមានតម្លៃពិតមិនលើសពី €150 ពន្ធគយចំនួន €3 នឹងត្រូវបានអនុវត្តក្នុងមួយជួរនៃប្រតិវេទន៍នាំចូល (ដែលអាចមានទំនិញមួយមុខ ឬច្រើនជាងនេះ អាស្រ័យលើការចាត់ថ្នាក់ពន្ធគយ)។  

មានការលើកលែងមួយចំនួន៖  

• សម្រាប់អ្នកទទួលដែលបានចុះបញ្ជីអាករលើតម្លៃបន្ថែមដឹកជញ្ជូនលក្ខណៈ B2B អត្រាពន្ធគយស្តង់ដា នឹងត្រូវបានអនុវត្ត។  

• សម្រាប់ការដឹកជញ្ជូនតាមកិច្ចព្រមព្រៀងពាណិជ្ជកម្មសេរីដែលមិនត្រូវបានលក់ក្រោមប្រព័ន្ធ IOSS ការអនុគ្រោះពន្ធអាចត្រូវបានអនុវត្ត។ (ទោះជាយ៉ាងណាក៏ដោយ សម្រាប់ការដឹកជញ្ជូនតាមកិច្ចព្រមព្រៀងពាណិជ្ជកម្មសេរីដែលលក់ក្រោមប្រព័ន្ធ IOSS – Import One Stop Shop ពន្ធគយចំនួន €3 នឹងត្រូវបានអនុវត្តក្នុងមួយជួរនៃប្រតិវេទន៍)។  

ច្បាប់អាករលើតម្លៃបន្ថែមសម្រាប់ការនាំចូលទៅកាន់សហភាពអឺរ៉ុប នៅរក្សារដដែល (ការលើកលែង VAT de minimis ត្រូវបានដកចេញកាលពីឆ្នាំ 2021 ហើយទំនិញទាំងអស់ដែលនាំចូលទៅក្នុងសហភាពអឺរ៉ុបត្រូវបង់ VAT ទាំងអស់ដោយមិនគិតពីតម្លៃនោះទេ)។  

ការទាមទារទិន្នន័យបន្ថែម  

សម្រាប់ផលិតផលនីមួយៗដែលនាំចូលទៅក្នុងតំបន់គយរបស់សហភាពអឺរ៉ុបក្នុងការដឹកជញ្ជូនដែលមានតម្លៃពិតមិនលើសពី €150 (លើកលែងតែការនាំចូលដែលបានចុះបញ្ជីអាករលើតម្លៃបន្ថែមដឹកជញ្ជូនក្នុងលក្ខណៈ B2B) គណៈកម្មការសហភាពអឺរ៉ុបកំពុងដាក់ចេញនូវការទាមទារចាំបាច់ថ្មី ដែលត្រូវផ្តល់ជូនដោយអ្នកដឹកផ្ញើ មានដូចជា៖  

• អត្តសញ្ញាណផលិតផលរបស់អាជីវករ  

• លេខសម្គាល់ផលិតផលរបស់ក្រុមហ៊ុនផលិតមិនស្តង់ដា  

• លេខសម្គាល់ផលិតផលរបស់ក្រុមហ៊ុនផលិតស្តង់ដា (ប្រសិនបើមាន)  

ក្នុងការដើរតួជាឈ្មួញកណ្តាលរត់ការគយនៅពេលនាំចូលទៅក្នុងតំបន់គយរបស់សហភាពអឺរ៉ុប FedEx នឹងត្រូវដាក់បញ្ជូនពត៌មានទាំងនេះនៅក្នុងការនាំចូល ទៅកាន់អាជ្ញាធរគយក្នុងអំឡុងពេលដំណើរការបញ្ចេញទំនិញពីគយ។  

ការខកខានមិនបានផ្ដល់ពត៌មានទាំងនេះ នឹងនាំឱ្យមិនអាចបញ្ចេញទំនិញពីគយបានទេ។  

យើងកំពុងចែករំលែកព័ត៌មាននេះមុនកាលបរិច្ឆេទប្រកាសដាក់ឱ្យមានប្រសិទ្ធភាព ដើម្បីឱ្យលោកអ្នកមានពេលវេលាត្រៀមខ្លួនសម្រាប់ការផ្លាស់ប្តូរដែលនឹងមកដល់នេះ។  

ទោះបីជា​ច្បាប់ថ្មី​នេះ​នឹង​មាន​ផល​ប៉ះពាល់​ដល់​ការ​នាំចូលទំនិញ​តម្លៃ​ទាប​ទាំង​អស់​ទៅ​ក្នុង​សហភាពអឺរ៉ុប​ក៏​ដោយ ការជូនដំណឹងជាមុន ជួយឱ្យលោកអ្នកអាចរៀបចំគម្រោង ធ្វើសេចក្តីសម្រេចចិត្តដោយការយល់ដឹងច្បាស់ និងបន្តការដឹកជញ្ជូនដោយភាពច្បាស់លាស់នៅពេលដែលការកែប្រែនេះកើតឡើងពិត។  

គណៈកម្មាធិការ​អឺរ៉ុប ​ក៏​បាន​ស្នើ​ឱ្យ​មាន ថ្លៃចាត់ចែងក្នុងសហភាពអឺរ៉ុបទាំងមូល សម្រាប់ទំនិញដែលមានតម្លៃទាប ដែលនឹងត្រូវបានណែនាំនៅវគ្គក្រោយទៀត។ យើងនឹងចែករំលែកបច្ចុប្បន្នភាពនៅពេលដែលព័ត៌មានលម្អិតត្រូវបានបញ្ជាក់។  

សំណួរ និងចម្លើយ  

សំណួរទី 1៖ តើ “De minimis” គឺជាអ្វី?  

“De minimis” គឺជាការលើកលែង ដែលលើកលែងពន្ធនាំចូលលើទំនិញដែលមានតម្លៃទាប។ នៅក្នុងសហភាពអឺរ៉ុប ការលើកលែងនេះ អនុវត្តចំពោះទំនិញនាំចូលនៅក្នុងបញ្ញើដែលមានតម្លៃពិតមិនលើសពី €150។ ការលើកលែងនេះ នឹងបញ្ចប់នៅត្រឹមថ្ងៃទី 1 ខែកក្កដា ឆ្នាំ 2026។  

សំណួរទី 2៖ តើលេខសម្គាល់ទំនិញគឺជាអ្វី?  

លេខសម្គាល់ទំនិញ ផ្តល់នូវសមត្ថភាពតាមដានទំនិញបាន។ ដំណោះស្រាយឌីជីថល និងកម្មវិធីបញ្ចេញទំនិញពីគយរបស់ FedEx កំពុងត្រូវបានធ្វើឱ្យទាន់សម័យដើម្បីជួយលើការផ្លាស់ប្តូរនេះ។ ព័ត៌មានលម្អិត និងសេចក្តីណែនាំបន្ថែម នឹងត្រូវបានចែករំលែកក្នុងពេលឆាប់ៗនេះ។  

សំណួរទី 3៖ តើ IOSS គឺជាអ្វី?   

ត្រូវបានណែនាំនៅឆ្នាំ 2021 Import One Stop Shop (IOSS) គឺជាប្រព័ន្ធសហភាពអឺរ៉ុបជម្រើសផ្សេងមួយ ដែលអនុញ្ញាតឱ្យអ្នកផ្គត់ផ្គង់តាមប្រព័ន្ធអេឡិចត្រូនិច និងទីផ្សារឬវេទិកាអនឡាញនានា ប្រកាស និងទូទាត់ VAT សម្រាក់ការលក់ពីចម្ងាយរបស់ពួកគេ ទៅកាន់អាជ្ញាធរ VAT ជាតិរបស់សហភាពអឺរ៉ុប សម្រាប់ទំនិញដែលមានតម្លៃទាប (រហូតដល់ €150) នៅពេលលក់ទំនិញ មិនមែនទាល់តែពេលដឹកជញ្ជូនទេ។ ការធ្វើបែបនេះ ជួយការពារការគិតថ្លៃដែលមិនបានរំពឹងទុក សម្រាប់អ្នកទទួល និងជួយដល់ដំណើរការគយឱ្យកាន់តែលឿន។ ដើម្បីត្រៀមខ្លួនសម្រាប់ការដកចេញនៃកម្រិតកំណត់ “de minimis” យើងណែនាំយ៉ាងខ្លាំងឱ្យស្វែងយល់អំពីការចុះឈ្មោះក្នុងប្រព័ន្ធ IOSS។  

សំណួរទី 4៖ តើមានថ្លៃចាត់ចែងក្នុងសហភាពអឺរ៉ុបទាំងមូល ថ្មីណាមួយដែលត្រូវបានស្នើដែរឬទេ?   

គណៈកម្មាធិការអឺរ៉ុបបានស្នើឱ្យមាន ថ្លៃចាត់ចែង សម្រាប់ទំនិញដែលនាំចូលទៅក្នុងសហភាពអឺរ៉ុប និងដឹកជញ្ជូនទៅកាន់អ្នកប្រើប្រាស់ផ្ទាល់ (ការលក់ពីចម្ងាយ ពាណិជ្ជកម្មតាមប្រព័ន្ធអេឡិចត្រូនិច)។ ថ្លៃនេះ គឺក្នុងបំណងសម្រាប់ទូទាត់ថ្លៃដំណើរការផ្នែករដ្ឋបាល ហើយអាចមានអត្រាចុះតម្លៃសម្រាប់ប្រភេទបញ្ញើមួយចំនួន។   

ថ្លៃចាត់ចែងក្នុងសហភាពអឺរ៉ុបទាំងមូលនេះ គ្រោងនឹងដំណើរការនៅចុងឆ្នាំ 2026។  

បន្ថែមពីនេះ ថ្លៃចាត់ចែងសម្រាប់ប្រទេសនីមួយៗ ដែលប្រទេសសមាជិកសហភាពអឺរ៉ុបមួយចំនួនប៉ុណ្ណោះបានដាក់ចេញ អាចនៅតែអនុវត្តដដែល។ ឧទាហរណ៍ នៅប្រទេសបារាំង អ៊ីតាលី និងរូម៉ានី។  

សំណួរទី 5៖ តើពន្ធគយចំនួន €3 គឺជាការគិតថ្លៃបន្ថែមពី FedEx មែនទេ?  

ទេ វាមិនមែនជាការគិតថ្លៃបន្ថែមពី FedEx ទេ ប៉ុន្តែវាគឺជាថ្លៃកំណត់ដោយរដ្ឋាភិបាល។  

សំណួរទី 6៖ តើពន្ធគយចំនួន €3 នឹងត្រូវទូទាត់យ៉ាងដូចម្តេច?  

យោងតាមដំណើរការស្តង់ដាររបស់ FedEx នៅពេលនាំចូល FedEx នឹងទូទាត់ទឹកប្រាក់នេះទៅកាន់អាជ្ញាធរជំនួសសិន បន្ទាប់មកនឹងទាមទារទឹកប្រាក់នេះវិញពីអតិថិជន។  

ព័ត៌មានលម្អិតបន្ថែម នឹងត្រូវបានចែករំលែកនៅពេលដែលដំណើរការនីតិបញ្ញត្តិមានការវិវឌ្ឍថ្មី។  

ប្រវត្តិ

បារាំង នឹងដាក់ពន្ធជាតិទៅលើកញ្ចប់ទំនិញតូចៗ ដែលមានឈ្មោះថា “taxe sur les petit colis” (TPC) លើការនាំចូលដែលមានតម្លៃទាប។ ការគិតថ្លៃនេះ នឹងត្រូវបានអនុវត្តចំពោះបញ្ញើទំនិញដែលនាំចូលទៅប្រទេសបារាំង (រួមទាំង Martinique, Guadeloupe និង Réunion) និង Monaco ពីតំបន់ក្រៅវិសាលភាពគយនៃសហភាពអឺរ៉ុប (EU) ដែលមានតម្លៃប្រកាសក្រោម 150 អឺរ៉ូ។  

សម្រាប់ព័ត៌មានលម្អិតពេញលេញអំពី “taxe sur les petit colis” សូមចូលទៅកាន់ទំព័រពន្ធគយបារាំង៖ https://www.douane.gouv.fr/actualites/taxe-sur-les-petits-colis-point-dinformation-sur-sa-mise-en-oeuvre។  

ការផ្លាស់ប្តូរចម្បងៗ (មានប្រសិទ្ធភាពនៅថ្ងៃទី 1 ខែមីនា ឆ្នាំ​ 2026)

ចាប់ពីថ្ងៃទី 1 ខែមីនា ឆ្នាំ 2026 ប្រទេសបារាំងនឹងអនុវត្តពន្ធលើការនាំចូលសម្រាប់បញ្ញើទំនិញដែលមានតម្លៃទាបដូចខាងក្រោម៖  

• ពន្ធថ្មី នឹងត្រូវបានអនុវត្តចំពោះមុខទំនិញនីមួយៗនៅពេលនាំចូល (កំណត់ដោយលេខកូដ Harmonize System ពិសេស​6 ខ្ទង់) ក្នុងអត្រា 2 អឺរ៉ូក្នុងមួយមុខទំនិញ។  

• ប្រសិនបើអ្នកផ្ញើប្រើ IOSS*៖ ការគិតថ្លៃនេះ នឹងត្រូវបានប្រមូលតាមរយៈប្រព័ន្ធគ្រប់គ្រង IOSS។  

• ប្រសិនបើមិនប្រើប្រាស់ IOSS៖ ការគិតថ្លៃនេះ នឹងត្រូវបានគិតនៅពេលដែលបញ្ញើទំនិញត្រូវបាននាំចូល។  

• តម្លៃ 2 អឺរ៉ូនេះ នឹងត្រូវបានបង្ហាញក្នុងបន្ទាត់ដាច់ដោយឡែកនៅលើការប្រកាសពន្ធគយ នៅក្រោមលេខកូដ D205 ហើយនឹងត្រូវបានរួមបញ្ចូលក្នុងបន្ទាត់ពន្ធគយ នៅលើវិក្កយបត្រពន្ធគយ និងអាកររបស់ FedEx។  

• គេរំពឹងថា ការគិតថ្លៃនេះនឹងនៅបន្តរហូតដល់មានការដាក់ឲ្យអនុវត្តថ្លៃដំណើរការទំនិញនៅទូទាំងសហភាពអឺរ៉ុប ជាផ្នែកមួយនៃកញ្ចប់កំណែទម្រង់ពន្ធគយរបស់សហសភាពអឺរ៉ុបនៅពេលអនាគត។  

អត្ថន័យនៃការប្រែប្រួលនេះមានន័យ

អ្នកផ្ញើក្រៅ EU ដែលផ្ញើទៅបារាំង៖  

• បញ្ញើទំនិញដែលមានតម្លៃទាប (<150 អឺរ៉ូ) ទៅកាន់ប្រទេសបារាំងឥឡូវនេះនឹងត្រូវគិតថ្លៃ 2 អឺរ៉ូក្នុងមួយបន្ទាត់ប្រកាស។  

• អ្នកផ្ញើអាចធ្វើបច្ចុប្បន្នភាពតម្លៃ ពិនិត្យមើលព័ត៌មាន និងទំនាក់ទំនងជាមួយអតិថិជនដើម្បីបង្ហាញថ្លៃនាំចូលថ្មីៗទាំងនេះដល់អ្នកទិញដែលនៅបារាំង។  

អ្នកផ្ញើស្ថិតនៅក្នុងសហភាពអឺរ៉ុប ដែលផ្ញើទៅប្រទេសបារាំង៖  

• មិនមានផលប៉ះពាល់ដល់ការដឹកជញ្ជូនក្នុងសហភាពអឺរ៉ុបទេ។  

• ការគិតថ្លៃនេះ ត្រូវបានអនុវត្តតែចំពោះទំនិញដែលនាំចូលមកពីក្រៅតំបន់វិសាលភាពគយសហភាពអឺរ៉ុបទៅកានើបារាំងតែប៉ុណ្ណោះ។  

អ្នកនាំចូលពីបារាំងដែលទទួលទំនិញពីក្រៅសហភាពអឺរ៉ុប៖  

• អ្នកទិញនៅបារាំងអាចមើលឃើញថ្លៃ 2 អឺរ៉ូ ដែលបានរួមបញ្ចូលនៅក្នុងថ្លៃដឹកជញ្ជូនសរុប ដែលត្រូវបានប្រមូលតាមរយៈ IOSS នៅពេលពិនិត្យមើលរទេះទំនិញ (ប្រសិនបើអាចប្រើបាន) ឬនៅពេលនាំចូលទំនិញ។  

   

ស្ថានភាព និងជំហានបន្ទាប់

យើងកំពុងតាមដានស្ថានភាពវិវឌ្ឍន៍នៃបទប្បញ្ញត្តិ និងវាយតម្លៃឥទ្ធិពលរបស់វាបន្ថែមទៀត។ ព័ត៌មានលម្អិតបន្ថែមនឹងត្រូវបានចែករំលែកនៅពេលដែលយើងទទួលបាន។ សម្រាប់បច្ចុប្បន្នភាពចុងក្រោយបំផុត សូមកត់ទំព័រនេះទុកហើយចូលពិនិត្យមើលជារឿយៗបាន។

*IOSS - Import One-Stop Shop អនុញ្ញាតឱ្យអ្នកលក់គិតអាករលើតម្លៃបន្ថែម (VAT) នៅពេលលក់ និងរាយការណ៍តាមរយៈការបង្វិលប្រចាំខែមួយក្នុងប្រទេសនៃសហភាពអឺរឮុបណាមួយបាន។ ប្រទេសបារាំង កំពុងណែនាំអ្នកលក់ជាមួយ IOSS ឲ្យទូទាត់ថ្លៃដំណើរការពន្ធនៅក្នុងការបង្វិលសងបស់ពួកគេផងដែរ។  

នៅថ្ងៃទី 20 ខែកុម្ភៈ ឆ្នាំ 2026 តុលាការកំពូលអាមេរិក បានសម្រេចថាពន្ធដែលចេញក្រោមច្បាប់អំណាចសេដ្ឋកិច្ចបន្ទាន់អន្តរជាតិ (IEEPA) គឺមិនស្របច្បាប់ទេ។ យើងបានយល់ថា ព័ត៌មាននេះបានចោតជាសំណួរជាច្រើនអំពីពន្ធគយ និងអាករដែលត្រូវបានវាយតម្លៃកាលពីមុន។ យើងប្ដេជ្ញាក្នុងការជួយអតិថិជនរបស់យើងក្នុងការស្វែងយល់មជ្ឈដ្ឋានបទប្បញ្ញត្តិនានា និងផ្តល់នូវព័ត៌មានបច្ចុប្បន្នភាពរាល់ពេលដែលយើងទទួលបាន។  

ក្នុងនាមជាអ្នកផ្តល់សេវាដឹកជញ្ជូន និងភ្នាក់ងាររត់ការគយ FedEx ត្រូវការវាយតម្លៃ និងប្រមូលពន្ធគយ និងអាករតាមបទប្បញ្ញត្តិពន្ធគយបច្ចុប្បន្ន និងបទបញ្ជារបស់រដ្ឋាភិបាលដែលកំពុងមានប្រសិទ្ធិភាពអំឡុងពេលនាំចូល។ យោងតាមការណែនាំដែលបានចេញដោយភ្នាក់ងារគាំពារព្រំដែន និងគយ កាលពីថ្ងៃទី 22 ខែកុម្ភៈ ឆ្នាំ 2026 ពន្ធគយដែលបានចាត់តាំងក្រោម IEEPA នឹងមិនត្រូវបានប្រមូលទៀតទេ សម្រាប់ទំនិញនាំចូលសហរដ្ឋអាមេរិកបន្ទាប់ពីម៉ោង 12:00 ព្រឹកយោងតាមម៉ោងនៅខាងកើតនៅថ្ងៃទី 24 ខែកុម្ភៈ ឆ្នាំ 2026។ មិនមានពន្ធគយ ឬពន្ធផ្សេងទៀតដែលទទួលផលប៉ះពាល់ដោយសេចក្តីសម្រេចរបស់តុលាការកំពូលនេះទេ។  

ទោះបីជាតុលាការកំពូលមិនបានពិនិត្យទៅលើបញ្ហាការបង្វិលសងប្រាក់វិញ FedEx បានចាត់វិធានការចាំបាច់ដើម្បីការពារសិទ្ធិរបស់ក្រុមហ៊ុនក្នុងនាមជាអ្នកនាំចូល ដើម្បីទាមទារការបង្វិលសងប្រាក់វិញពីភ្នាក់ងារគាំពារព្រំដែន និងគយរបស់សហរដ្ឋអាមេរិក។ ទោះជាយ៉ាងណា នៅពេលនេះ មិនមានដំណើរការបង្វិលសងប្រាក់វិញណាមួយត្រូវបានបង្កើតឡើងដោយអាជ្ញាធរ ឬតុលាការទេ។ យើងនឹងជម្រាបជូនព័ត៌មាន និងបច្ចុប្បន្នភាពដែលពាក់ព័ន្ធក្នុងរយៈពេលសមស្រប ហើយយើងសូមអរគុណចំពោះការអត់ធ្មត់របស់លោកអ្នកខណៈពេលដែលយើងកំពុងរង់ចាំការណែនាំ និងភាពច្បាស់លាស់បន្ថែមពីរដ្ឋាភិបាល និងតុលាការសហរដ្ឋអាមេរិក។  

មានប្រសិទ្ធិភាពចាប់ពីថ្ងៃទី 12 ខែកុម្ភៈ ឆ្នាំ 2026 តទៅ ការធានាសងប្រាក់ត្រលប់មកវិញ (MBG) គឺមានសម្រាប់ការនាំចូល/នាំចេញទៅ/ពី/ក្នុងប្រទេស/តំបន់អាស៊ីប៉ាស៊ីហ្វិកណាមួយ ដែលទូទាត់ដោយអ្នកទូទាត់ប្រាក់នៅក្នុងប្រទេស/តំបន់អាស៊ីប៉ាស៊ីហ្វិកណាមួយ ដែលប្រើសេវាកម្មដូចខាងក្រោម៖

• FedEx International First® 
• FedEx International Priority® Express (IPE) 
• FedEx International Priority® (IP) 
• FedEx International Priority® Freight (IPF) 
• FedEx International Priority® DirectDistribution (IPD) 
• FedEx International Priority® DirectDistribution Freight (IDF)

ការដឹកជញ្ជូនរបស់ភាគីទី 3** ដែលទូទាត់ដោយអ្នកទូទាត់នៅក្នុងប្រទេស/តំបន់អាស៊ីប៉ាស៊ីហ្វិកណាមួយ មិនមានសិទ្ធិសម្រាប់ការធានាសងប្រាក់ត្រលប់មកវិញទេ។

សម្រាប់ករណីណាមួយដែលអ្នកបង់ប្រាក់ស្ថិតនៅក្នុងប្រទេស/តំបន់ ក្រៅអាស៊ីប៉ាស៊ីហ្វិក សិទ្ធិទទួលបាន MBG គួរតែអនុវត្តតាមគោលការណ៍ MBG របស់ប្រទេស/តំបន់នោះ។

*ប្រទេស/តំបន់អាស៊ីប៉ាស៊ីហ្វិករួមមាន៖ អូស្ត្រាលី ចិន ហ្វីជី ហ្គាំ តំបន់រដ្ឋបាលពិសេសហុងកុង ឥណ្ឌូណេស៊ី ជប៉ុន កម្ពុជា កូរ៉េខាងត្បូង ម៉ាកាវ ម៉ាឡេស៊ី នូវែលសេឡង់ ហ្វីលីពីន សិង្ហបុរី ថៃ តៃវ៉ាន់ វៀតណាម

**ការដឹកជញ្ជូនរបស់ភាគីទី 3 សំដៅទៅលើការដឹកជញ្ជូនដែលអ្នកបង់ប្រាក់មិនស្ថិតនៅក្នុងប្រទេស/តំបន់ នៃប្រភពដើម ឬទីតាំងទិសដៅនៃការដឹកជញ្ជូន។

យើងបានទទួលរបាយការណ៍អំពីអ៊ីមែលក្លែងបន្លំដែលអះអាងថាចេញមកពី BillingOnline@fedex.com ។ សារទាំងនេះមានកម្មវត្ថុមិនច្បាស់លាស់ ហើយយោងទៅលើវិក្កយបត្រណាមួយ (ឧទាហរណ៍ “វិក្កយបត្រ FedEx របស់អ្នកគឺរួចរាល់សម្រាប់ការទូទាត់នៅពេលនេះ” “សូមទូទាត់វិក្កយបត្រ FedEx ដែលនៅជំពាក់” “វិក្កយបត្រ FedEx ថ្មី” “វិក្កយបត្រ FedEx របស់អ្នកគឺរួចរាល់ហើយ” “ទូទាត់វិក្កយបត្រ FedEx របស់អ្នកតាមអនឡាញ”)។

ប្រសិនបើអ្នកទទួលបានសារដែលដូចទៅនឹងការពិពណ៌នានេះ សូមកុំបើកអ៊ីមែលនោះ ឬបញ្ចូលព័ត៌មានផ្ទាល់ខ្លួនណាមួយ។ លុបអ៊ីមែលនោះជាបន្ទាន់។

FedEx មិនផ្ញើអ៊ីមែលដែលមិនបានស្នើសុំ ទៅកាន់អតិថិជនដោយស្នើសុំព័ត៌មានពាក់ព័ន្ធនឹងកញ្ចប់ទំនិញ វិក្កយបត្រ លេខគណនី លេខសម្ងាត់ ឬព័ត៌មានផ្ទាល់ខ្លួននោះទេ។

ចូលទៅកាន់ មជ្ឈមណ្ឌលការពារអតិថិជន FedEx របស់យើង ដើម្បីស្វែងយល់បន្ថែមអំពីការការពារខ្លួនអ្នកតាមប្រព័ន្ធអនឡាញ។ ដោយអនុវត្តតាម គន្លឹះណែនាំងាយៗបន្តិចបន្តួច អ្នកអាចធ្វើឲ្យបទពិសោធន៍អនឡាញរបស់អ្នកកាន់តែមានសុវត្ថិភាពជាងមុន។

សម្រាប់ព័ត៌មានបន្ថែមអំពីអ៊ីមែលក្លែងបន្លំផ្សេងទៀត អ្នកអាចចូលទៅកាន់គេហទំព័រសហរដ្ឋអាមេរិករបស់យើង ដោយចុច ទីនេះ។

យើងបានដឹងថា អ៊ីមែលក្លែងបន្លំដែលមានប្រើប្រាស់ឈ្មោះរបស់ក្រុមហ៊ុន FedEx ដោយគ្មានការអនុញ្ញាត ត្រូវបានចែកចាយទៅដល់អតិថិជនរបស់យើង។ អ៊ីមែលនោះអះអាងថា កញ្ចប់បញ្ញើទំនិញ FedEx អាចនឹងមិនត្រូវបានដឹកជញ្ជូននោះទេ ហើយសុំឲ្យអតិថិជនបើកមើលឯកសារភ្ជាប់ បោះពុម្ពឯកសារនោះចេញមក និងយកវាទៅទីកន្លែងក្រុមហ៊ុន FedEx ដើម្បីទទួលយកកញ្ចប់ទំនិញ។

អតិថិជនចាំបាច់ត្រូវដឹងថា នេះគឺជាសំណើក្លែងបន្លំ ហើយឯកសារភ្ជាប់តាមអ៊ីមែលនោះមានផ្ទុកមេរោគ។ ប្រសិនបើអ្នកបានទទួលអ៊ីមែលក្លែងបន្លំណាមួយក្នុងចំណោមអ៊ីមែលទាំងនេះ សូមកុំបើកឯកសារភ្ជាប់ ហើយត្រូវលុបអ៊ីមែលនោះជាបន្ទាន់។

FedEx មិនស្នើសុំការបង់ប្រាក់ ឬព័ត៌មានផ្ទាល់ខ្លួនជាថ្នូរទៅនឹងទំនិញកំពុងបញ្ជូន ឬនៅក្រោមការគ្រប់គ្រងរបស់ FedEx តាមសំបុត្រ ឬអ៊ីមែលដែលមិនបានស្នើសុំនោះទេ។

ប្រសិនបើអ្នកបានទទួលអ៊ីមែលក្លែងបន្លំដែលអះអាងថាមកពីក្រុមហ៊ុន FedEx និងធ្លាប់ជួបបញ្ហារហូតដល់ខាតបង់ប្រាក់កាស សូមទាក់ទងទៅកាន់ស្ថាប័នធានាគាររបស់អ្នកជាបន្ទាន់តាមរយៈបណ្តាញទំនាក់ទំនងសមស្រប។

*FedEx មិនទទួលខុសត្រូវចំពោះថ្លៃសេវា ឬថ្លៃចំណាយដែលបានបង់ ដោយសារតែសកម្មភាពគ្មានការអនុញ្ញាត ឬក្លែងបន្លំដែលប្រើឈ្មោះ ស្លាកសញ្ញាសេវាកម្ម និងឡូហ្គោរបស់ក្រុមហ៊ុន FedEx នោះទេ។

FedEx កំពុងបន្តតាមដាន និងវាយតម្លៃស្ថានភាពនៅមជ្ឈិមបូព៌ា។ យើងកំពុងផ្តល់សេវាកម្មទៅទទួល និងដឹកជញ្ជូនទំនិញនៅទូទាំងតំបន់ ទៅតាមទីតាំងដែលមានសុវត្ថិភាព ស្របតាមការណែនាំមូលដ្ឋាន។

យើងបានអនុវត្តវិធានការបន្ទាន់នៅក្នុងតំបន់មជ្ឈិមបូព៌ា ដោយមានជើងហោះហើរប្រចាំថ្ងៃ ចេញចូលប្រទេសអ៊ីស្រាអែល។ សេវាកម្ម FedEx International Priority (IP) នៅតែមានផ្ដល់សម្រាប់ទំនិញគ្មានការរឹតត្បិត ទៅគ្រប់គោលដៅទាំងអស់។ សេវាកម្មនាំចេញដែលមិនមានការរឹតត្បិតទាំងអស់ បានដំណើរការសម្រាប់ការនាំចេញពីប្រទេសអ៊ីស្រាអែលទៅគោលដៅទាំងអស់រួមទាំងសហរដ្ឋអាមេរិកផងដែរ។

ការដឹកជញ្ជូនរវាងតំបន់ APAC និងមជ្ឈិមបូព៌ា ក៏ដូចជារវាង APAC និងអាហ្វ្រិក នឹងប្រឈមនឹងពេលវេលាដឹកជញ្ជូនយូរជាងធម្មតា។ សុវត្ថិភាព និងសន្តិសុខរបស់សមាជិកក្រុមការងារ គឺជាអាទិភាពចម្បងរបស់យើង ព្រមទាំងការប្តេជ្ញាចិត្តរបស់យើងក្នុងការផ្តល់ជូនសេវាកម្មល្អបំផុតសម្រាប់អតិថិជនរបស់យើង ហើយយើងពិតជាសូមថ្លែងអំណរគុណចំពោះការអត់ធ្មត់ជាបន្តបន្ទាប់របស់លោកអ្នក។

សម្រាប់ព័ត៌មានអំពីស្ថានភាពការដឹកជញ្ជូនចុងក្រោយបំផុត សូមតាមដានបញ្ញើរបស់លោកអ្នកនៅលើ fedex.com ឬ tnt.com។

ស្របតាមលក្ខខណ្ឌដែលមានចែងនៅក្នុងការណែនាំអំពីសេវាកម្ម FedEx បញ្ញើទំនិញដែលទទួលរងផលប៉ះពាល់ មិនមានសិទ្ធិទទួលបានសំណង ឬឥណទាននៅក្រោមគោលការណ៍ ការធានាសងប្រាក់ត្រលប់មកវិញ (MBG) ទេ។

FedEx International Priority　និងសេវាចេញ ប្រទេសទៅ និងមកពីអ៊ុយក្រែន ត្រូវបានដាក់ឱ្យដំណើរការឡើងវិញដែលគ្របដណ្តប់ភាគច្រើននៃលេខកូដប្រៃសណីយ៍របស់អ៊ុយក្រែន។ សេវាទៅយក និងដឹកជញ្ជូននឹងត្រូវបានអនុវត្តតាមការណែនាំរបស់អាជ្ញាធរមូលដ្ឋាន ដែលវាមានសុវត្ថិភាព និងអាចធ្វើទៅបាន។

សេវាកម្ម FedEx International របស់រុស្ស៊ី និងបេឡារុស្សទាំងអស់ បន្តត្រូវបានផ្អាក រហូតដល់មានការជូនដំណឹងបន្ថែម។

បន្តពិនិត្យមើលទំព័រនេះសម្រាប់ព័ត៌មានថ្មីៗ។ សម្រាប់ព័ត៌មានអំពីស្ថានភាពដឹកជញ្ជូនជាក់លាក់ សូមតាមដានការដឹកជញ្ជូនរបស់អ្នកនៅ fedex.com ។

ដោយសារព្រឹត្តិការណ៍ហួសពីការគ្រប់គ្រងរបស់យើង សេវាកម្ម FedEx Express និង TNT ត្រូវបានផ្អាកជាបណ្តោះអាសន្ននៅ New Caledonia ។ យើងកំពុងតាមដានស្ថានការណ៍យ៉ាងដិតដល់ ហើយនឹងបន្តប្រតិបត្តិការធម្មតាឡើងវិញឱ្យបានឆាប់តាមដែលអាចធ្វើទៅបាន។